Skip to Content

Obradoiro: "A miña primeira xoia"

Dentro do proxecto "Sabela coñece Galicia" un dos aspectos que traballamos é a artesanía.

Este venres o alumnado de infantil tivo a sorte de contar coa artista vilagarciá Ana Miguéns para realizar o obradoiro "A miña primeira xoia".

Obradoiro "O Sabor da Aventura está no Mar"

No noso cole, a alimentación ten un papel moi importante por iso participamos nos programas que oferta a Consellería relacionados cos hábitos saúdables.

Nesta ocasión, dentro do Proxecta "Aliméntate ben" realizamos o obradoiro "O sabor da aventura está no mar"

Fixemos uns xogos moi divertidos cos nosos amigos os arroases e lembramos os seus superpoderes.

Coñecendo Pontevedra e o Museo Provincial

O alumnado de 4º a 6º visitaron o Museo Provincial para coñecer a cultura galega, os primeiros converténdose en periodistas e 5º e 6º da man de Castelao.

Aproveitamos ben a viaxe percorrendo o casco antigo da cidade acompañados dunha guía que nos foi explicando moitas curiosidades que descoñecíamos: a forma da igrexa da Virxe Peregrina, a orixe das galerías, o nome antigo de moitas prazas e rúas...

Curioso xeito de convivir xuntos. Convivimos cos parásitos.

Estar dentro do programa O Faro da Escola permitiunos un ano máis achegarnos á ciencia da man do CSIC (Centro Superior de Investigación Científica).

Elena Rodríguez Domínguez, investigadora no Instituto de Investigacións Mariñas deste organismo, explicounos que son os parásitos e como hai casos nos que tanto el coma o hóspede poden beneficiarse mutuamente.

Coñecemos unha orea de datos interesantes. Grazas!

CONCURSO ARTE CON SOGAMA

Bo día familias!

Este curso participamos no Concurso de Arte de SOGAMA. 

O noso centro presenta o panel que fixemos nos obradoiros das TRES ERRES onde empregamos diversos materiais de refugallo e material reutilizable: tea, cartón, papel, botes de deterxente, latas, chapas, esponxa, madeira, etc.

O eslogan do noso cartel é o seguinte:

"RECÍCLATE: POR TI, POR ELES!"

Desexádenos sorte! 

PATRULLAS VERDES

Bo día amig@s!

Como podedes observar este ano seguimos coas PATRULLAS VERDES recollendo o lixo dos patios e recordándolles aos compañeiros e compañeiras que o temos que manter limpo e reciclar os plásticos, orgánicos e cartóns e papeis nos contenedores habilitados para elo dentro do recuncho "Recíclate".

PLANTACIÓNS DE PRIMAVERA II PARTE

Boas amig@s!

Como podedes ver nas anteriores imaxes, co comezo da primavera seguimos facendo limpeza no horto.

O alumnado de 5 anos aprobeitou o bo tempo para plantar amorodos nos ocos vacíos e peparar o terreo para a próxima plantación.

PLANTACIÓNS DE PRIMAVERA

Bo comezo da primavera amig@s!

Xa chegou o tempo de transplantar, sementar e plantar plantas, frutais e hortalizas, pero tamén o tempo do sol, das abellas e do pole!

En educación infantil xa comezamos hai unhas semaniñas cambiando de macetas as plantas máis antigas e plantando os cactus, as plantas de tempada e os abetos da entrada.

Deixámosvos unhas fotiños e esperemos que vos guste como quedou a entrado do noso colexio!

Agora tócalles aos de Educación Primaria plantar nas novas macetas para situalas na entrada traseira. 

Día Internacional da Muller

Como cada 8 de marzo celebramos o Día Internacional da Muller (esta vez cun día de adianto) cunha interesante charla.

Nesta ocasión tivemos o pracer de contar con 3 fantásticas mulleres.

Covadonga Salgado, directora do INTECMAR de Vilaxoán (que conta cun equipo de traballo formado maioritariamente formado por mulleres) explicóunos un montón de cousas interesantes sobre o mar, os residuos, os mexilóns... fíxonos recordar unha chea de cousas que aprenderamos cando coñecimos o mar da man de Sabela. 

Sara Gómez, xogadora internacional de baloncesto do CLB Vilagarcía. Que nos amosou as grandes diferenzas que hai entre o deporte feminino e o masculino.

María De La Barrera, bombeira de protección civil que nos explicou que a pesares de ser a única traballadora muller do parque, non hai diferenzas cos seus compañeiros á hora de levar a cabo o seu traballo (salvo por cuestións meramente físicas).

Foi unha charla moi agradable na que aprendemos un montón e fixemos unha morea de preguntas.

Este acto serviu para "estrear" a nosa "Wall of Fame" unha parede chea de mulleres loitadoras, valentes, famosas, anónimas, aventureiras, intelixentes, deportistas, traballadoras, nais, pioneiras.... e que nos servirá para aprender moito máis sobre todas esas mulleres esquecidas pola historia.

Mil grazas ás nosas invitadas pola súa visita, esperamos que pasarades un rato tan agradable coma nós.

Entroido 2019

Un ano máis o cole de Rubiáns converteuse nunha gran festa para conmemorar o Entroido.

Sabela coñece Galicia é o proxecto que estamos a desenvolver neste curso, así que o Entroido foi unha mostra de elementos típicos da nosa terra.

Non faltaron as pulpeiras do Carballiño representadas pola clase de 3 anos. Os de 4 vestiron o traxe tradicional feito con material de refugallo. Os de 5, creceron de súpeto e transformáronse en velliños e velliñas. 1º lembrounos unha das profesións tradicionais da nosa cultura, os afiadores. Os nenos e nenas de 2º representaron unha parte esencial da nosa terra, os gandeiros.... e ata levaban as vaquiñas! Os de 3º amosaron unha importante atracción turística e fixeron o "Camiño" vestidos de peregrinos e peregrinas. 4º achegounos unha das lendas máis antigas do floclore galego e "asustáronnos" vestidos da Santa Compaña. 5º recreu un dos entroidos tradicionais como son as Madamas e Galáns de Vilaboa. E non podía faltar unha homenaxe a tantos homes e mulleres que tiveron que deixar o fogar en busca de oportunidades, por iso os de 6º disfrazáronse de emigrantes. 

Despois de recorrer o camiño entre o cole e a centro cultural da Parroquia, cantamos as coplas que cada clase compuxo a corde co seu disfraz ante un público entusiasta. Seica non o fixemos moi mal, pois non caeu unha gota!!

De volta ao cole, degustamos unha estupenda merenda chea de doces típicos destas datas.

Grazas ás familias polas achegas!

 

 
Distribuir contido


by Dr. Radut