Skip to Content

Equipo de Normalización Lingüística

ENREGUÉIFATE 2021

 Aquí vos deixamos a nosa candidatura deste ano ao "Enreguéifate 2021". Unha regueifa con temática COVID á que non lle falta a retranca e sátira propias deste xénero. Un aplauso para "Os Ramalloseir@s"!! E que a sorte nos acompañeGuiño

A PATRULLA CANINA SALVA A LINGUA GALEGA

BO DÍA DAS LETRAS GALEGAS!!

Como unha das actividades para celebraren o día das letras galegas, o Equipo de EDLG do centro, en coordinacións cos demáis Equipos de traballos (Bibliotecas Escolares, Extraescolares, TICs...) Tivo a idea de dobrar un episodio da serie infantil: Patrulla canina.

Xurdiu pola faceta de tradutora da homenaxeada deste ano, e a preocupación que ten o profesorado do centro pola perda de crianzas galego falantes. Un dos motivos da perda de léxico na nosa lingua e mudanzas na estrutura ao modo castelán prodúcese polo visionado dos deseños animados por parte do alumnado que non ten opción de ver na lingua galega. Especialmente das series de animación actuais máis demandas pola cativada.

Esta actividade está vinculada tamén ao Obradoiro de Radio Teatro que estivemos traballando este ano no centro. Podedes escoitar todo o episodio no Podcast que vos deixamos ao final da publicación.

Ramalloseiros!! Ramalloseiras!! Agardamos que gocedes un montón desta nova misión da Patrulla Canina!!

Premede na imaxe para ver ou descargar o episodio EN VIDEO.

E no seguinte video podedes visionalo directamente na web (comprimido)

 
Podcast Radio Ramalloseir@s

AS LETRAS GALEGAS con XELA ARIAS - RADIO TEATRO

Neste ano 2021, queremos conmemorar unha das datas máis significativos para a nosa lingua galega; o 17 de Maio, DÍA DAS LETRAS GALEGAS,  e nesta ocasión, da man da escritora, poeta e tradutora XELA ARIAS.

Para coñecer un pouco da súa vida e obra compartimos diversos recursos clicando no seguinte symbaloo

 

 

 

RADIO TEATRO ESCOLAR

Esta semana das Letras, ESTREA DA SERIE "DESTINO ESCURO". Segue a publicación dos diferentes episodios nas datas indicadas. Poderás escoitalos premendo nas imaxes!!

Ep.1 "A Lenda de Edlemiro" (10-05-21)            Ep.2 "A cova segreda" (11-05-21)

Destino Escuro cap1Destino Escuro cap2

 

 

 

 

 

 

 

 

 

  

 

Ep.3 "Poderes desafortunados (12-05-21)        Ep.4 "Salvación ou perdición" (18-05-21)

Destino Escuro Ep.3 Destino Escuro cap4

 

 

"A PATRULLA CANINA SALVA A LINGUA GALEGA"  

E O VINDEIRO MARTES 18 de Maio...

ESTREA DA PRIMEIRA ENTREGA MUNDIAL EN GALEGO DA SERIE "A PATRULLA CANINA".

Desta volta, cunha misión ben importante; "A patrula canina salva a Lingua Galega"

Un traballo para fomentar o uso da lingua galega entre os máis cativos/as

Producido, dobrado e musicalizado polos mestres/as do

"Equipo de Dinamización da Lingua Galega" do Centro.

Patrulla canina 

- ESTREA: MARTES 18 DE MAIO -

     Está a piques de saír do forno xa Guiño

 

 

IMAXES DE ACTIVIDADES QUE SE LEVARON A CABO PARA CONMEMORAR ESTA DATA O DÍA 14 DE MAIO:

- XOGOS POPULARES: CADEIRAS MUSICAIS, ZANCOS, ARRASTRAMORTOS, PANO, RELEVOS,...

 

- A MÚSICA FOI A NOTA DOMINANTE NESTE DÍA DE FESTA E DE XUNTANZA: PASODOBRE de A ILLA (Santa Comba), PASODOBRE de MARFULO (A Laracha), BLUES DA CONVIVENCIA, coplas de MAIO entre outras pezas 

     

    

 

- XANTAR COMPARTIDO, COCIÑADO DENDE O COMEDOR PARA TODA A COMUNIDADE EDUCATIVA, CUN MENÚ ESPECIAL ESCOLLIDO PARA A OCASIÓN (CADA GRUPO COMEU NA SÚA PARCELA OU EN MESAS SEPARADAS, NO CASO DO ALUMNADO DE INFANTIL)

 

 

8 M - "Día Internacional da Muller"

Como ben sabedes, o luns reivindicamos o "Día Internacional da Muller"

Aquí vos deixamos un SYMBALOO, con recursos para traballar contidos educativos relacionados con esta temática.

Premede na imaxe!!

8M_Día Internacional da Muller

Por que? E por que o 8 de marzo?

Esta data elixiuse para conmemorar dúas importantes folgas de traballadoras que se produciron en 1857 e 1908. Considérase que ambas ocorreron un 8 de marzo!!

A primeira delas protagonizárona as mulleres traballadoras dunha fábrica téxtil de Nova York. Naquela época, a maioría de empregados do sector eran mulleres, que traballaban máis de 12 horas diarias cun salario moi baixo, no cal, ademais, existía unha gran brecha salarial.

As xornadas laborais esgotadoras e estas pésimas condicións de traballo, fixeron que as mulleres organizasen unha folga. Organizaron unha marcha pola cidade para reivindicar os seus dereitos, aínda que o que recibiron foi unha gran represión por parte da policía.

En 1908 produciuse outra revolta en Estados Unidos. Neste caso, 40.000  costureras de moitas grandes fábricas do país declaráronse en folga para reclamar a igualdade de dereitos, entre outras reivindicacións. 

Nunha delas,  Cotton Téxtil Factory, en Washington  Square, ocorreu unha traxedia. Os donos desta empresa pecharon as portas das fábricas onde se atopaban as mulleres. O suceso tráxico produciuse por un incendio nese edificio, o que provocou a morte de 120 mulleres. 

Desde 1911 celébrase o Día da Muller Traballadora, aínda que non foi ata 1975 cando a Asemblea Xeral das Nacións Unidas establecese este día como o "Día Internacional da Muller". 

Por sorte, temos avanzado moito nesta loita. Especialmente, na maioría dos paises "desenvolvidos".

Pero compre seguilo a facer! Buscando un mundo mellor en todos os paises e culturas do planeta! No que os dereitos de todos os homes e mulleres camiñen á par.

 

COMUNICADO DAS MULLERES DO CEIP DA RAMALLOSA POLO 8M

Estimadas familias: O luns 8 de marzo é o “Día da Muller”, data na que se intenta visibilizar a desigualdade social que sufrimos as mulleres. Este ano é aínda máis importante destacar as innumerables discriminacións que estamos a sufrir, agravadas claramente durante a pandemia. O corazón pídenos secundar a folga convocada para ese día, máis somos conscientes que na situación actual é moi complexo e podemos poñer en risco a seguridade que tanto esforzo nos custou este curso acadar no centro. Por iso, a maioría das traballadoras do colexio decidimos acudir ao noso posto de traballo a pesares de apoiar totalmente a convocatoria, e queremos deixar constancia do noso sentir. Desenvolveremos unha xornada escolar segura pero ao mesmo tempo activa, con achegas didácticas que axuden a seguir, paso a paso, construíndo unha sociedade máis xusta. Cuestións que ademais forman parte do currículum e que como ben sabedes tratamos de abordar transversalmente e continuamente no día a día na nosa tarefa educativa.

ENTROIDO 2021

Premede na imaxe para poder ver ou descargar as fotos deste entroido no centro.

Como sabedes, por mor da alerta sanitaria do COVID19, este ano estivemos moi limitados na programación do mesmo. Pero a pesares disto, tentamos por todos os medios que os cativ@s pasaran un día diferente e divertido, como a ocasión o merecía.

Agradecementos:

- A todos os discentes e familias pola súa colaboración, disposición e bo facer.

- A todo o equipo de profesionais do CEIP da Ramallosa pola súa implicación nestes tempos tan difíciles que nos está tocando vivir a tod@s.

- A Xurxo, o profe de prácticas de Ed. Musical, polo seu traballo ao fronte da cámara para esta reportaxe fotográfica.

Trataremos tamén de facer unha pequena montaxe de video coas fotos.

Agardamos que vos guste!!

Entroido2021_2

Entroido2021

 

24 DE FEBREIRO

Por que o 24 de febreiro é especial? porque cada ano conmemórase o aniversario da escritora galega, Rosalía de Castro

Dende o centro, ademais da realización de diversas actividades nas titorías, quixemos facer o noso especial "caldo de gloria", cunha selección de verbas galegas extraídas dos poemas da poeta, e así de saboroso quedou!!!

 

Tamén fixemos un gran baile tod@s xunt@s no patio; unha fermosa muiñeira que de seguro lle houbese a nosa querida Rosalía

 (en breves días poderedes ver un video co resumo)

Día de ROSALÍA DE CASTRO (24 de Febreiro)

 Todo o que atoparás de seguido, está recollido tamén no seguinte enlace; un symbaloo sobre Rosalía de Castro

Día de Rosalía

Como todos os anos, a vindeira semana celebramos o "Día de Rosalía de Castro". A parte das actividades que temos programadas a nivel centro, deixámosvos aquí diversos recursos interesantes para coñecer máis cousiñas da nosa Rosalía.

 

 

UNIDADES DIDÁCTICAS PARA TODOS OS NIVEIS :

 

UD Rosalía_Biografía UD Rosalía 1º_2º

UD Rosalía 3º_4ºUD Rosalía 5º_6º

 

 

PRESENTACIÓN DIXITAL PARA ESTA CONMEMORACIÓN:

Imaxe_presentación Rosalía

 

 

NA BIBLIOTECA DO CENTRO TENDES UN MUNDO DE LIBROS DA ESCRITORA SÚPER DIVERTIDOS. E CON NOVIDADES BEN INTERESANTES!!

Libros Rosalía BIBLIOCatálogo de libros da Biblioteca do CEIP da Ramallosa

 

 

BANCO DE RECURSOS DO NOSO CONCELLO SOBRE A AUTORA: 

ROSALÍA

 

 

 

OUTROS:

 

"AELG GAL"

aeg GALEGA ROSALÍA

 

 

"GALIPEDIA"

GALIPEDIA

 

 

KARAOKE "ROSALÍA PEQUENIÑA"

(Uxía Senlle)

 

 

 

"BAILANDO CON ROSALÍA"

Como fin de festa, este ano... Retomamos esta fermosa proposta que preparamos o pasado ano para conmemorar esta data. Un obradoiro de baile a nivel de centro, no que pretendemos facer o mesmo que facía a escritora. Darlle valor á nosa cultura galega en todas as súas formas! Para isto, o curso pasado contamos coa inestimable colaboración da profesora de baile Galego "Gabriela Casal Alfonsín" (mestra en prácticas no centro durante a segunda avaliación). Unha vez máis, os nosos agradecementos Gabriela!

 

 

 

"PAQUETE DE ACTIVIDADES CREADO EN EDUCAPLAY" (3º Ciclo)

Rosalía_Actividade Educaplay

 

 

 

 "ACTIVIDADES PARA "ED. INFANTIL" E "1º CICLO DE ED. PRIMARIA":

Rosalía_Quen é?

Rosalía_memori

Rosalía Expresión Oral_comprensión

 As respostas desta actividade "Escoitamos a Rosalía" teñen que ser exactas

(non importa o emprego ou non de maiúsculas, para facilitarllo aos máis cativ@s)

 

 

 

 "SYMBALOO RESUMO CON TODAS AS ACTIVIDADES"

 

DÍA INTERNACIONAL DA ELIMINACIÓN DA VIOLENCIA DE XÉNERO

Este curso tamén conmemoramos unha data moi sinalada no calendario que nos parece de obrigado tratamento co noso alumnado polos valores que supoñen como formación integral da persoa; o 25 de novembro, día Internacional pola eliminación da violencia contra a muller.

As circunstancias da pandemia están condicionando o discurrir da actividade escolar, no que se refire a poder realizar actividades de carácter grupal, máis buscamos o xeito de intentar facer unha actividade simbólica a nivel centro. Respectando a organización do patio en parcelas que se usan nos recreos, cantamos todo o colexio a canción "a porta violeta" de Rozalen, cos arranxos en lingua galega realizados polo mestre de música, o acompañamento instrumental doutros mestres/-as e a interpretación en linguaxe de signos por un grupo de alumnado.

E previamente, tres crianzas en representación de toda a comunidade educativa, leron un manifesto en repulsa deste tipo de violencia que sufren maioritariamente as mulleres no ámbito familiar, laboral, social, cultural, científico,... 

      

VER O MANIFESTO AQUÍ 

    

 

   A nivel de aula, tamén se desenvolveron diferentes propostas pero todas na mesma liña; tratar de concienciar ao alumnado da necesidade de fomentar e potenciar a igualdade entre homes e mulleres, de mellorar as relacións interpersoais, de fomentar o diálogo o respecto e a tolerancia ante as diversidades e diferentes opinións,...

 

--- CON GAFAS DE VIXIANTES DA VIOLENCIA

 

--- O MURO QUE SOLUCIONA A VIOLENCIA ENTRE COMPAÑEIR@S (AS PELEXAS, OS ENFADOS, O RESPECTO POLAS OPINIÓNS DIFERENTES,...)

 --- AS MENSAXES QUE PODEN MELLORAR AS RELACIÓNS INTERPERSOAIS

--- ¿QUEN É QUEN? ANÁLISE DOS ROLES DE XÉNERO, COMO SE VAN CONSTRUÍNDO DENDE BEBÉS OS ESTEREOTIPOS DE XÉNERO FEMININO E MASCULINO

 

--- Tras o visionado de videos sobre a "igualdade de oportunidades", "o maltrato "sutil", un grupo de crianzas plasmou as súas conclusións de xeito artístico. Un exemplo dos mesmos, "OS LAZOS CONTRA A VIOLENCIA DE XÉNERO"

   

   

 --- Os maiores do cole, traballaron en inglés o vocabulario relacionado coas emocións que poden sentir as mulleres que sufren violencia e logo debuxaron ROSTROS DE MULLERES que mostran tristeza, medo, angustia, rexeitamento,...

"TÍRALLE DA LINGUA"

Aquí vos deixamos os gañador@s de cada nivel/curso para o concurso "Tíralle da Lingua". Este venres presentamos as propostas seleccionadas, e se todo vai segundo o previsto, o vindeiro 30 de novembro darán o "fallo" dos premios.

Felicitar a todo o alumnado participante na proposta! E animarvos incluso, a aumentar a participación en vindeiras convocatorias!

O obxectivo principal desta actividade é fomentar que os discentes empreguen o galego como "lingua vehicular". E contrapesar certas situacións que estamos a vivir que nos parecen negativas para o futuro da nosa lingua. Pois estamos a apreciar, que ano tras ano, baixa o número de nen@s galegofalantes e un gran número deles manifesta abertamente unha especie de fobia ou complexo cara o galego que nos parece preocupante. Por outra banda, tamén é verdade que apreciamos a incapacidade de moitos deles para falalo a pesares de formar parte do Currículo Educativo.

Tristemente, estamos a vivir un "bilinguismo mal entendido" que nos está levando á perda do máis grande da nosa identidade como pobo, a nosa Lingua! Por suposto, dende o ámbito educativo, potenciamos que os nen@s teñan a mellor competencia posible no maior número de linguas (español, Inglés...). Pero non debemos esquencer, que se nos non valoramos e empregamos a nosa propia lingua entre nós... Quen o vai facer? Os Madrileños?... Os vascos?... Os cataláns?....

Somos conscientes de que faltan moitísimas políticas de potenciación da nosa lingua. E principalmente cos máis pequechos! Non é normal, por poñer un exemplo, que os nenos non poidan desfrutar dos debuxos animados do momento (Patrulla Canina, Justo a tiempo, Peppa Pig,...) na nosa lingua. Cando noutras comunidades, como Cataluña, isto non pasa! Algo que se podería solucionar aboando o pertinente "canon lingüístico" que incluiría o galego como lingua opcional nás principais plataformas de contidos infantís, etc.

Deixamos aquí un enlace no que podedes dar o voso apoio a esta iniciativa que tantos galeg@s están a demandar dende fai moito tempo. Queremos películas e series en Galego

 

ENTREGA DE PREMIOS @S GAÑADORES DO COLE:

Aproveitamos a conmemoración do 25N, para facermos a entrega dos Premios do Centro aos gañador@s. Aquí vos deixamos as fotiños!!

 

Premio ENREGUÉIFATE 2020

Hoxe mesmo, chegou o Trofeo e o Diploma acreditativo, do premio á regueifa máis reivindicativa, que conseguíu o alumnado de 6º o curso pasado no "ENREGUÉIFATE 2020"

Este ano, máis que nunca, e debido ás circunstancias que estamos a vivir... Queremos compartilo con toda a comunidade educativa e adicárvolo con todo o noso cariño!!

 Trofeo EnreguéifateDiploma Enreguéifate

Distribuir contido


by Dr. Radut