Blogue de laura

MATES MANIPULATIVAS: QUE NÚMERO SON? E BEE BOT.

Sáb, 2021-11-06 20:10 — laura

ESTA SEMANA XOGAMOS A ADIVIÑAR QUE NÚMERO TIÑAMOS PINTADO NA FRONTE. AS PISTAS ERAN DICIR O ANTERIOR OU POSTERIOR. DESPOIS, BAILAMOS CON MÚSICA E, AO PARAR, FORMAMOS UNHA FILA SEGUINDO A SERIE NUMÉRICA. OUTRA ACTIVIDADE CONSISTIU EN CONTAR O NÚMERO DE PEDRAS E PIÑAS QUE HABÍA AO LEVANTAR A TARXETA E REALIZAR UNHA SUMA OU RESTA COAS CANTIDADES. PROGRAMAMOS A BEE BOT PARA QUE CHEGASE ATÉ O RESULTADO.

SAMAÍN TERRORÍFICO!

Dom, 2021-10-31 17:25 — laura

ESTA SEMANA FOI MOI TERRORÍFICA! PREPARAMOS TODO PARA PODER CELEBRAR O SAMAÍN. ALGUNHAS DAS ACTIVIDADES FORON:

- CONTOS DE MEDO: SACAPENAS, ESQUELETOS DIVERTIDOS, CORRE, CORRE CABACIÑA...

- CONSTRUIMOS PALABRAS RELACIONADAS: SAMAÍN, MONSTRO, BRUXA, VAMPIRO, ARAÑA, CABAZA, PANTASMA E MOMIA.

- CREAMOS OS NOSOS MONSTROS.

- INVENTAMOS UN MONSTRO ENTRE TOD@S.

-DESEÑAMOS OS NOSOS DISFRACES.

- OBRADOIRO DE ARAÑAS PARA DECORAR A NOSA PORTA.

- ESCOITAMOS E APRENDEMOS CANCIÓNS.

- TROUXEMOS MERENDAS TERRORÍFICAS DA CASA E CABAZAS DECORADAS.

- PARTICIPAMOS NUNHA APÓCEMA DA BRUXA E MANIPULAMOS AS BANDEXAS SENSORIAIS DE MEDO.

PROXECTO VOLCÁNS: EXPERIMENTO.

Dom, 2021-10-31 17:08 — laura

NO MOMENTO DO PATIO, O ALUMNADO FIXO UN VOLCÁN CON AREA E APROVEITAMOS PARA FACER UN EXPERIMENTO QUE NOS AXUDASE A VISUALIZAR UNHA ERUPCIÓN. UTILIZAMOS: AUGA, COLORANTE ALIMENTICIO, XABÓN, BICARBONATO E VINAGRE. FOI TODO UN ÉXITO E REPETIMOS MOITAS VECES! PROBAMOS NUN VASO E TAMÉN DIRECTAMENTE NO NOSO VOLCÁN!

BENVIDA LARA!

Dom, 2021-10-31 16:55 — laura

A PROFE LARA COMEZOU A FACER AS PRÁCTICAS CONNOSCO. ESTAMOS MOI FELICES DE QUE FORMES PARTE DO NOSO EQUIPO RAMALLOSEIRO!

DÍA DAS BIBLIOTECAS

Dom, 2021-10-31 13:13 — laura

O 24 DE OUTUBRO É O DÍA DAS BIBLIOTECAS. AO CHEGAR A AULA, TIÑAMOS UNHA CARTA! DE QUEN SERÍA? DESPOIS DE INVESTIGAR... DESCUBRIMOS QUE ERA DO ROKY, A NOSA MASCOTA DA BILIO. FIXEMOS AS ACTIVIDADES QUE NOS PROPUXO E CONSEGUIMOS DOUS PRESENTES: UN CONTO E UNHA PEGATINA!

MATES MANIPULATIVAS: CONCEPTO DE CANTIDADE E SERIE

Mér, 2021-10-20 18:34 — laura

REVISAMOS A SERIE NUMÉRICA DO 1 AO 9 EN SENTIDO ASCENDENTE E DESCENDENTE. UTILIZAMOS ELEMENTOS E TAMÉN NÚMEROS. HABÍA OCOS LIBRES PARA IR COMPLETANDO A SERIE, ASÍ TIÑAMOS QUE PENSAR UN POUCO ANTES DE FACER A ACTIVIDADE.

PROXECTO: EXPLOSIÓN VOLCÁNICA

Mér, 2021-10-20 18:28 — laura

PARA TRABALLAR A NOSA CONCIENCIA FONOLÓXICA, CONSTRUIMOS PALABRAS RELACIONADAS CO VOLCÁN CON LETRAS MÓBILES. DESPOIS COMPROBAMOS SE O FIXERAMOS CORRECTAMENTE. POR GRUPOS DE TRES, FORMAMOS A PALABRA PALMA (O NOME DA ILLA) E CONTAMOS O NÚMERO DE LETRAS.

TOCAMOS PEDRAS VOLCÁNICAS. SABEDES POR QUE PESAN TAN POUCO? COÑECIADES QUE A PEDRA PÓMEZ TAMÉN É DE ORIXE VOLCÁNICA?

SAÍDA Á CARBALLEIRA

Sáb, 2021-10-16 16:42 — laura

COMEZAMOS A MINI SEMANA CUN ROTEIRO POLA CARBALLEIRA, PRETO DO NOSO COLE E COAS COMPAÑEIRAS E COMPAÑEIROS DE 5 ANOS A. APROVEITAMOS PARA ESCRIBIR UNHA LISTA COS ELEMENTOS QUE QUERIAMOS APAÑAR. FOMOS EQUIPAD@S CON PRISMÁTICOS E LUPAS, RECOLLEMOS LIXO (HAI XENTE QUE DEIXA PAPEIS E PLÁSTICOS NA NATUREZA), MERENDAMOS E TROUXEMOS COUSIÑAS PARA FACER ACTIVIDADES NA AULA. Á VOLTA, CONTAMOS E REXISTRAMOS O NÚMERO DE ELEMENTOS ATOPADOS, DESEÑAMOS E PUXEMOS TÍTULO A UNHA COMPOSICIÓN ELABORADA LIBREMENTE COAS COUSAS DA CARBALLEIRA.

GOSTAMOS MOITO DO PASEO AO AR LIBRE! FOI MOI DIVERTIDO E QUEREMOS REPETIR!

ATOPAMOS UN COGUMELO DENTRO DUNHA PIÑA!

PROXECTO: EXPLOSIÓN VOLCÁNICA

Mar, 2021-10-12 15:13 — laura

ESTAMOS A APRENDER COUSAS DOS VOLCÁNS. INVESTIGAMOS NOS LIBROS DA BIBLIOTECA, A NOSA COMPAÑEIRA ALESS TROUXO FOTOS, PROCURAMOS INFORMACIÓN EN INTERNET...

TODOS OS DIAS REPASAMOS OS BITS DE INTELIXENCIA RELACIONADOS CO TEMA E ADICIONAMOS ALGÚN NOVO. PUIDEMOS VER A DISTANCIA DO NOSO COLE ÁS ILLAS CANARIAS, UTILIZANDO O GOOGLE EARTH. APROVEITAMOS ESTA FERRAMENTA PARA SITUAR OS VOLCÁNS MÁIS IMPORTANTES. DESCUBRIMOS QUE O VOLCÁN MÁIS ALTO DO SISTEMA SOLAR ESTÁ EN MARTE E CHÁMASE MONTE OLIMPO.