Bo día!!

Na actividade de hoxe a idea é crear a vosa propia historia. 

Como o ides a facer? Atentos a esta imaxe:

Para descubrir o voso personaxe tedes que ter en conta o mes do voso nacemento, o día diravos como é o seu carácter e a inicial do voso nome en que lugar sucede.

Para a miña historia teño que facela cun mestre (personaxe) malvado (carácter) nun centro comercial (lugar).

Apetécevos probar a inventar a vosa?

Se vos animades a facela podedes envialas ao meu correo electrónico que atoparedes neste ENLACE.

Biquiños

Bos días!!

Hoxe traio unha actividade sobre a descrición.

Describir é explicar con detalle como é unha persoa, un obxecto, un animal, un lugar....para que poidamos facernos unha idea de como son aínda que non os vexamos.

Nesta actividade teredes que describir a unha persoa (pode ser un familiar, un personaxe dun conto ou dunha película, un superheroe ou superheroína...). Para facer a descrición podedes ter en conta o seguinte esquema:

No arquivo adxunto atoparedes unha plantilla para facer a vosa descrición e tendo en conta o esquema da imaxe poderedes facer o voso escrito explicando:

• Como é fisicamente?
• Como é o seu carácter?
• Como viste?
• Que lle gusta facer?
• Ten algún poder? Cal é?

Para facelo máis interesante, se se trata dun personaxe de conto, película ou superheroe non poñades o seu nome e así teremos que adiviñar quen é. Que vos parece? Animádesvos a facelo?

Biquiños

Bo día a todo/as!

Hoxe propóñovos como tarefa (lembrade que son voluntarias) que vos poñades na pel dun meigo/meiga. 

A idea é que escribades as vosas receitas máxicas. 

Podes ter en conta os seguintes pasos:

1. Pensar para que me vai servir a receita (o meu desexo)
2. Facemos unha lista de ingredientes un tanto peculiares jejejeje
3. Pasos para preparala
4. Por último, engadimos o feitizo. Pode ser en forma de pareado (dúas oracións que riman entre si)

Nos arquivos adxuntos hai dous documentos:

1. Exemplo de receita máxica
2. Unha modelo para facelo. Tamén podedes elaborar o voso propio modelo e tamén a man, non ten porque ser feita a ordenador.

Coas vosas propostas podemos facer logo un libro de feitizos.

Animádesvos?

Bo día a todo/as. 

Propóñovos crear contos tendo en conta estes títulos un tanto peculiares. Deixade voar a vosa imaxinación.

• A miña casa pode voar
• Teño un lapis máxico
• Atravesei o espello e atopei...
• Unha nécora xigante
• O meu can/gato fala en soños
• Choven cousas raras
• Teño unha pantasma no armario
• Todo o que penso convírtese en realidade
• Unha excursión a un lugar misterioso
• O meu veciño é un extraterrestre

Ocórresevos algún título disparatado máis?