2º Ciclo de Infantil

MERENDOLA

O XOVES OS NENOS E NENAS DE INFANTIL MERENDAMOS TODOS XUNTOS, AS PROFES TROUXERON UNS BATIDOS DE CHOCOLATE, OS NENOS E NENAS DE 4 ANOS O MÉRCORES FIXERON UNHAS GALLETAS MOI RICAS, E O MESMO XOVES OS NENOS E NENAS DE 3 E 5 ANOS FIXERON DOUS BISCOITOS, UN DE IOGUR E OUTRO DE CHOCOLATE.

A EXPERIENCIA FOI MOI BOA, A PESAR DO CALOR QUE FACÍA NA AULA CON TANTOS NENOS E NENAS E O FORNO. COMO NOS SAÍU TAN BEN O ARRECENDO ESPALLOUSE POLO EDIFICIO E ALGÚNS NENOS E NENAS DOS MAIORES PASARON POLA CLASE PARA SER CONVIDADOS…

SAÍDA AO BELÉN

O PASADO LUNS DÍA 14 DE DECEMBRO OS TRES CURSOS DE INFANTIL VISITAMOS O BELÉN ANTONIO ESCAÑO, EN FERROL. DESPRAZÁMONOS EN AUTOBÚS, E ALÍ RECIBÍRONNOS VARIOS MILITARES E NOS AMOSARON O BELÉN. TIVEMOS QUE ENTRAR EN GRUPOS DE 8 A 10 NENOS E NENAS, MERENDAMOS NUN HALL MOI GRANDE AÍNDA QUE POUCO ADAPTADO ÁS NOSAS CARACTERÍSTICAS, ASÍ QUE DESPOIS DE MERENDAR E MENTRAS ESPERABAMOS UNS POR OUTROS, FIXEMOS XOGOS DE RODA.

 

 

O PAÍS DOS MANDÓNS

O MARTES DÍA 24 FOMOS A VER UNHA OBRA DE TEATRO AO AUDITORIO DE NARÓN. TITULÁBASE "O PAÍS DOS MANDÓNS" DA COMPAÑIA GHAZAFELLOS. A HISTORIA ERA UNHA MISTURA DE TRES CONTOS EDITADOS POR EMBORA CUNHA TEMÁTICA SIMILAR: A IGUALDADE. ESTES CONTOS SON "O PAÍS DOS MANDÓNS", "O SEGREDO DE FLORA" E "A URNA DOS DESEXOS".

A COMPAÑÍA GHAZAFELLOS NACEU EN NARÓN NO ANO 2006, FORMADA POR JORGE CASAS, MONTSE PIÑÓN E PEPABLO PATINHO. OS TRES CANTARON, TOCARON INSTRUMENTOS E SOBRE TODO FIXERON QUE PASARAMOS UN RATO XENIAL APRENDENDO A IMPORTANCIA DE COMPARTIR TAREFAS NA CASA. TODOS E TODAS TEMOS OS MESMOS DEREITOS E É IMPORTANTE TRABALLAR ESTES ASPECTOS DESDE MOI PEQUENOS.

ADEMAIS DA PRESENTACIÓN CON FOTOS DO DÍA DA SAÍDA DEIXÁMOSVOS UN VIDEO CON CONTO DO PAÍS DOS MANDÓNS QUE XA O ESTAMOS A LER NAS AULAS. OS TRES CONTOS ESTÁN ESCRITOS POR CRISTINA JUSTO E PALOMA RODRÍGUEZ E ILUSTRADOS POR SPELA TROBEC

 

 
 

TEMPO DE SAMAÍN

UN ANO MÁIS FESTEXAMOS O SAMAÍN NA ESCOLA, PARA ALGÚNS A PRIMEIRA VEZ, E O PASAMOS XENIAL PARTICIPANDO NO TALLER DE DECORACIÓN DE CABAZAS, VISITANDO A EXPOSICIÓN, INDO DISFRAZADOS A ESCOLA...

SE QUEREDES VER O BEN QUE O PASAMOS, NON SO OS PEQUES DE EDUCACIÓN INFANTIL, SENÓN TODOS OS NENOS E NENAS DA ESCOLA, PREMEDE NA IMAXE OU MIRADE DIRECTAMENTE NO APARTADO DE SAMAÍN DA WEB.

MAGOSTO 2015

PRIMEIRA PUBLICACIÓN NESTE APARTADO NO CURSO 2015/2016 E COMO SEMPRE COMEZAMOS POLAS FESTAS DO OUTONO. NESTE CASO O MAGOSTO, QUE FESTEXAMOS O DÍA 4 DE NOVEMBRO NA ESCOLA, CON MOITOS XOGOS E SORPRESAS. PARA SABER TODO O QUE FIXEMOS E O BEN QUE O PASAMOS COMPARTINDO XOGOS E MERENDA COS COMPAÑEIROS/AS DE PRIMARIA PREMEDE NA IMAXE OU MIRADE DIRECTAMENTE NO APARTADO DE CELEBRACIÓNS ONDE PON "MAGOSTO".

 

IMOS DE EXCURSIÓN A MOECHE!!!

PARA REMATAR O CURSO FOMOS DE EXCURSIÓN A FEIRA DE MOECHE QUE SE CELEBRA OS DÍAS 11 E 23 DE CADA MES.

VIMOS MOITAS POSTOS QUE VENDÍAN MOITA VARIEDADE DE PRODUCTOS,PEMENTOS,LEITUGAS,PAN,ROUPA,FROITA,...

NO RECINTO ONDE ESTABAN OS ANIMAIS VIMOS PORCOS,VACAS E TERNEIROS.

TRATÁRONNOS MOI BEN POIS DÉRONNOS CHURROS E CEREIXAS PARA CARGAR AS PILAS DURANTE A VISITA.

DESPOIS FOMOS MERENDAR A SAN SATURNINO,NA GRANXA E ALÍ TAMÉN POIDEMOS DESCANSAR E XOGAR UN POUCO TODOS/AS XUNTOS/AS.

 

DE EXCURSIÓN AO MUIÑO DE PEDROSO

ESTE VENRES FOMOS DE EXCURSIÓN AO MUIÑO DE PEDROSO A FACER QUEIXO FRESCO.

CANDO CHEGAMOS OS/AS MONITORES/AS NOS ESTABAN ESPERANDO E DIVIDÍRONNOS EN DOUS GRUPOS.UN GRUPO COMEZARÍA POLO TALLER DE XOGOS E OUTRO POLO TALLER DE QUEIXO E DESPOIS DE MERENDAR FARÍAMOS O CAMBIO DE TALLERES.

NO TALLER DE XOGOS FARÍAMOS ACTIVIDADES CO PARACAÍDAS QUE GUSTOUNOS MOITO E TAMÉN XOGOS POPULARES COMA O PANO OU FACER CARREIRAS CUNHA CULLER LEVANDO UN OVO.FOI MOI DIVERTIDO E BOTAMOS UNHAS RISAS.

NO TALLER DE QUEIXO AS MONITORAS FALÁRONNOS DOS INGREDIENTES QUE NECESITÁBAMOS PARA FACER O QUEIXO E DÉRONNOS A ULIR O CALLO QUE POR CERTO NON CHEIRABA MOI BEN.A MESTURA XA ESTABA PREPARADA ASÍ QUE QUE BOTAMOS A MESTURA NUNS BOTES CON FURADIÑOS PARA QUITARLLE A AUGA.

CANDO REMATAMOS OS TALLERES MERENDAMOS  E XOGAMOS UN POUCO NO PARQUE.

PARA REMATAR A XORNADA FIXEMOS UNHAS FOTOS DE GRUPO ONDE SAÍMOS MOI GUAPOS E GUAPAS.

O MUIÑO DE PEDROSO ATÓPASE NA ÁREA RECREATIVA DE PEDROSO NO CONCELLO DE NARÓN É UNHA ÁREA NATURAL MOI FERMOSA PARA PASAR UN DÍA AGRADABLE COA FAMILIA E AMIGOS.

 

TALENT SHOW 2015

ESTE ANO DESPEDIMOS A SAMANTHA, XA QUE O VINDEIRO CURSO IRÁ A OUTRA ESCOLA...QUE MÁGOA! DESEXÁMOSLLE MOITA SORTE NESTA NOVA ETAPA E PARA DESPEDIRSE ARGALLOU O "TALENT SHOW", UN CONCURSO ONDE CADA CLASE, NENO OU NENA AMOSOU OS SEUS TALENTOS. O CICLO DE EDUCACIÓN INFANTIL BAILOU E CANTOU A CANCIÓN "AVE MARÍA" DE DAVID BISBAL.

DESPOIS PUIDEMOS DISFRUTAR DE VARIAS ACTUACIÓNS, PERO FACÍA MOITO CALOR E AO FINAL MARCHAMOS UN POUQUIÑO ANTES PARA PODER CORRETEAR NO RECREO.

QUERÉMOSTE MOITO SAM! WE LOVE YOU!

 

VISITA DE CONCHA BLANCO

O MÉRCORES, DÍA 20, CO GALLO DA CELEBRACIÓN DO DÍA DAS LETRAS GALEGAS TIVEMOS A VISITA NA ESCOLA DE CONCHA BLANCO. ESTA ACTIVIDADE FOI PROGRAMADA POLO EQUIPO DE BIBLIOTECA DA ESCOLA, AO QUE UNHA VEZ MÁIS AGRADECEMOS QUE CONTE CON NÓS PARA PARTICIPAR NESTAS ACTIVIDADES TAN INTERESANTES.

CONCHA É UNHA MESTRA E PEDAGOGA, QUE EXERCEU A SÚA PROFESIÓN NOS CONCELLOS DE MUXÍA, DUMBRÍA E CEE. DESDE HAI MOITOS ANOS ADÍCASE A ESCRIBIR LIBROS E CONTOS PARA NENOS E NENAS. NAS CLASES ESTIVEMOS A LER O LIBRO DE POEMAS "LUCES, BICOS E CORES" DO QUE CONCHA LEU UN PAR DE POEMAS.

A ACTIVIDADE DESENVOLVEUSE NA AULA DE 2º DE PRIMARIA, E ALÍ ESTIVEMOS TODOS OS COMPIS DE INFANTIL MÁIS OS NENOS E NENAS DE 1º DE PRIMARIA.

ESTÁ XENIAL PODER COÑECER AOS AUTORES DOS TEXTOS QUE LEMOS NA CLASE. MOITAS GRAZAS POR VIR E COMPARTIR UN RATIÑO CON NÓS.

TALLER DE APICULTURA EN ALDEANOVA

ESTE XOVES OS NENOS E NENAS DE 1º,3º,4º E INFANTIL FOMOS DE EXCURSIÓN A ALDEANOVA.

OS TALLERES AOS QUE IAMOS ERAN DIFERENTES.OS DE 1º ÍAN AO TALLER DO PAN,3º E 4º AO TALLER DA CULTURA CASTREXA E OS DE INFANTIL AO TALLER DE APICULTURA.

O NOSO TALLER CONSISTÍA EN TRES ACTIVIDADES:

  • UN XOGO SOBRE AS ETAPAS DA VIDA DUNHA ABELLA,BEBÉ,SOLDADOS,RECOLECTORAS,A RAIÑA,...
  • UNHA ACTIVIDADE ONDE PROBARON DIFERENTES TIPOS DE MELES DO VALLE,DA MONTAÑA E UNHA MOI APRECIADA A MEL DA ALCARRIA.
  • E PARA REMATAR FIXERON UNHAS VELAS COA CERA DAS ABELLAS QUE DESPOIS OS NENOS LEVARON PARA A CASA.

CANDO REMATAMOS COMA ESTABAMOS UN POUQUIÑO CANSOS DE TANTO TRABALLO COLLEMOS FOLGOS CUNHA MERENDOLA NAS MESAS E CAMPIÑO DO LUGAR.

ALDEANOVA ESTÁ SITUADO NA PARROQUIA DE SEDES DO CONCELLO DE NARÓN AS VISTAS SON IMPRESIOANTES E O LUGAR É MOI FERMOSO RECOMENDO A SÚA VISITA.

Distribuir contido