Podedes disfrutar neste enlace:

http://abibliodopintorlaxeiro.blogspot.com.es/2018/04/dia-do-libro-23-de-abril-2018.html?m=1

QUE BIBLIOTECA QUEREMOS?

Ola a todos/as:

A biblioteca do CEIP Pintor Laxeiro leva moitos anos en funcionamento. A súa andaina é longa. Sempre tratou de responder á demanda do alumnado e adaptarse aos novos tempos.

Foi así como tomamos a decisión de poñer en marcha un novo modelo de biblioteca escolar hai tres anos... Partimos das preguntas: qué biblioteca queremos?, para qué a queremos?, e, cómo podemos levar a cabo a experiencia?

Elaboramos enquisas para o profesorado, o alumnado e as familias. Consultamos experiencias xa postas en marcha tanto en Galicia como noutras comunidades autónomas, buscamos información na web, limos diversa e abundante bibliografía... e ao final puxémonos en marcha. 

Posta en marcha co obxectivo de deseñar un modelo que responda a eses novos tempos e que ten coma eixo o seguinte:

• Espertar, cultivar e afianzar o gusto pola lectura.
• Desenvolver a imaxinación e a creatividade utilizando os seus recursos.
• Atopar un lugar máxico co mundo dos libros.
• Adquirir hábitos relacionados co comportamento que se debe manter nunha biblioteca.
• Iniciar aos nenos/as na metodoloxía bibliotecaria.
• Aprender a buscar información.

 E todo isto para que?:

• Para satisfacer as necesidades de coñecemento e as ansias de curiosidade dos/as alumnos/as.
• Para apoiar a labor do profesorado.
• Para fomentar o gusto pola lectura.
• Para intercambiar experiencias.
• Para que os/as pais/nais se involucren na educación dos seus fillos/as.