Na escola recadamos fondos para ONG
O alumnado de 6º, 5º e 4º da nosa escola está a traballar ao longo de 2 semanas nun proxecto compartido coa St Joseph’s School de Epsom, Reino Unido, para recadar fondos para unha ONG. Os nenos-as planificaron unha actividade na aula, compraron materiais, están a fabricar obxectos que deseñaron eles mesmos-as e, finalmente, vanos vender pola vecindade ao longo desta semana, ata o domingo 24. Eles mesmos-as decidiron o prezo ao que teñen que vender despois de teren calculado o que gastaron en cada obxecto. Nesta actividade traballan nas áreas de matemáticas, plástica, galego e inglés, e aprenden, ademais, a seren solidarios na sociedade na que vivimos.
