DESCUBRIMOS TUI
O venres 5 de decembro o alumnado e profesorado de Primaria do CEIP de Pazos de Reis desenvolverá unha actividade polo casco urbano de Tui á que chamamos DESCUBRIMOS TUI.
8 grupos diferentes, supervisados cada un deles por unha mestra ou mestre e guiados por nenos e nenas de 5º e 6º realizarán rutas seguindo un plano. A andaina acompañarase de explicacións sobre edificios, monumentos, nomes de rúas e un algo de historia, por parte dos nenos e nenas de 5º e 6º que estiveron traballando, aprendendo e preparándose na aula para esta actividade.
Todas as rutas rematarán diante da catedral, onde se xuntarán todos os grupos antes de voltar á escola.