Hoxe, 8 de marzo, conmemoramos no centro o día da muller realizando un mural representativo entre todo o alumnado no que cada alumno/a fixo a súa aportación.
Asemade, reunímonos para escoitar un fragmento contado polos/as alumnos/as máis veteranos/as, acompañado dunha cantiga adicada á igualdade.
Outro ano máis non colexio de Oza celebramos o entroido como é debido, trouleando e papando os doces típicos destas datas. Velaquí algúns deses momentos.
Dende este mércores día 1 ata o 20 de marzo de 2023 permanecerá aberto o prazo de solicitude de admisión para o vindeiro curso 2023/24, para todo o alumnado que entra por primeira vez no sistema educativo (maioritariamente en 4º curso de Educación Infantil), así como para o alumnado de Educación Infantil e Educación Primaria que desexe cambiar de centro escolar sempre que haxa prazas dispoñibles.
O luns 27 de febreiro as 16:30 horas, terá lugar a Xornada de Portas Abertas, para todas as familias que desexen coñecer o noso centro de cara a matricularse o vindeiro curso 2023-24.
Durante a visita explicarémosvos as normas básicas e realizaremos un percorrido coñecendo todos os espazos e servizos cos que conta o noso centro. O que sí vos pediríamos é que unicamente veñades os pais/nais ou titores/as. Porén, se os/as vosos/as pequenos/as queren facer unha primeira toma de contacto, facilitaríasevos sen problema unha futura data unha vez estean matriculados.
O prazo para a solicitudede admisiónno centro abranga dende o día 1 ata o 20 de marzode 2023. Nesta data publicarase na páxina web toda a información relativa ao proceso de admisión.
Asemade, deixámosvos un documento adxunto coa información máis detallada.
Na liña do concurso de recollida de pilas e acumuladores nos centros educativos onde participamos este curso, o pasado mércores realizouse un taller por parte desta iniciativa da Xunta no noso centro.
Neste, explicáronse os distintos tipos de pilas, así como os efectos nocivos das mesmas no medio ambiente.
Asemade, afondouse no tema da recliclaxe así como nos diferentes contenedores e puntos limpos.
Para rematar, o noso alumnado tivo que demostrar canto aprendera a través dun divertido xogo grupal.
Con motivo da conmemoración do Día da Paz, este luns 30 de xaneiro recibimos a visita do pai dunha alumna que pertence ao Club Colombicultura de Bergantiños.
Ademais de realizar unha exposición e achegarnos as particularidades destas aves que representan a paz, poidemos disfrutar da solta dunha destas pombas cunha mensaxe especial que levou até o seu fogar.
Somos moi afortunados ao poder desenvolver unha actividade tan enriquecedora para os/as nosos/as pequenos/as. Grazas Roberto por compartir esta experiencia connosco!
Compartimos novas actividades realizadas dende a aula de radio e enmarcadas dentro do Proxecto de Centro en relación ao coidado do medio ambiente. NATURIZO
OS INCENDIOS FORESTAIS A CONTAMINACIÓN DA ATMÓSFERA A CONTAMINACIÓN DOS MARES