Os alumnos de 2º e 1º de Educación Primaria asistiron ao Auditorio de Galicia a un concerto a cargo dunha orquesta formada pola Real Filharmonía de Galicia e alumnos da Escola de Altos Estudos musicais coa Casa da Música de Oporto.Pincha na imaxe para ver as fotos desta representación musical.
Ao alumnado de 4º quedoulle bo "sabor de boca" da semana dos experimentos que tivemos no mes de novembro polo que decidiron afondar no tema dos experimentos con fluídos
(aire e auga).
Concretamente, o alumnado de 4ºB estivo realizando unhas sesións de experimentos científicos, onde tiñan que realizar e explicar en que consistía cada un. Foi un traballo realizado en grupos de 4 ou 5 alumnos e que resultou moi enriquecedor.
Deixo aquí o enlace ás presentacións dos traballos dos alumnos, espero que resulten interesantes...
Ao longo da semana do 11 ao 15 de marzo, traballamos recopilando e analizando información dos xornais sobre o tema "Hábitos de vida saudable". Podes ver unha pequena mostra do traballo seleccionando a foto.
Os alumnos de 6º de Educación primaria forn de excursión a Cabeza de Manzaneda os días 20, 21, 22 de febreiro.
Practicaron esquí e snow, xogos e actividades na neve, actividades lúdico deportivas no pavillón polideportivo, natación na piscina climatizada e baile na discoteca. Foron tres días de diversión ocio e convivencia.
Ao longo da semana do 4 ao 8 de febreiro a Asociación Española Contra o Cancro visitou o colexio para impartir uns obradoiros ao alumnado de ed. infantil e ed. primaria. Foron unhas charlas onde aprendemos que alimentos son os máis beneficios para a nosa saúde e cales son os máis prexudiciais.