Skip to main content
Iniciar sesión: Acceso

VISITA AO MUSEO DO POBO GALEGO

O alumnado de cuarto de Ed. Primaria, visitou o Museo do Pobo Galego. Participaron na actividade: Ferramentas en mimo. Os obxectivos foron : aprender acerca dos oficios tradicionais galegos, traballar a expresión corporal e a dramatización.

 

SAÍDA AO TEATRO

O mércores 24 de xaneiro, os nenos e as nenas de 4º e 5º de educación infantil acudiron ao Teatro Principal para desfrutar do espectáculo Titiricircus. De camiño, unha paradiña na marabillosa Alameda de Santiago para fotografarse coas coñecidas Marías. 

RESERVA DE PRAZA PARA O ALUMNADO DE 6º EP - CURSO 2024-2025

Posted in

O alumnado de 6º de Educación Primaria que no curso 2024-2025 continúe estudos no IES A Pontepedriña ou no IES de Cacheiras, deberá presentar o formulario de reserva de praza xunto coa copia do libro de familia. O prazo de presentación de solicitudes de reserva (procedemento ED550A) comprende entre os días 15 de xaneiro ao 5 de febreiro de 2024, ambos incluídos.

A reserva pode presentarse na Sede Electrónica, ou presencialmente na secretaría do colexio.

 

MAIS INFORMACIÓN:

 

https://www.edu.xunta.gal/portal/node/42051

https://www.edu.xunta.gal/admisionalumnado

Acesso a sede electrónica: AQUÍ

Descarga formulario: AQUÍ

 

Panxoliña

O alumnado de primeiro, quere cantarvos unha divertida panxoliña que preparamos este Nadal!!

Esperamos que vos guste tanto como co cariño con que o fixemos.

POSTAIS 2023

Postais gañadoras deste curso. Noraboa aos participantes e especialmente á clase de 1ºB E. P.  e a Inés Fontao Doce (6ºB E.P.)
 
 
 
 
 
 

RECOMENDACIÓN LECTORAS

 Desexávosmos un Bo Nadal acompañado de marabillosas lecturas!

NADAL 2023

O primeiro trimestre remata con distintas actividades das que as alumnas e os alumnos do colexio dos Tilos participaron. Comezamos coa colaboración das familias no xa tradicional adorno para a árbore de Nadal. Nas aulas elaboráronse grilandas con produtos naturais. Os nenos e as nenas escribiron cartas aos Paxes e ao Apalpador. Co proxecto de centro "Espallando Saberes" demos a coñecer ao personaxe da tradición galega; a lenda conta que era o encargado de levar un pouco de felicidade ás aldeas galegas situadas no interior de Galicia, concretamente no Courel, Ancares, Terras de Trives. Na derradeira semana o alumnado participou en divertidos bailes e como remate, hoxe día 21, os máis pequerrechos acudiron á biblioteca para ver a película do Grinch e o resto bailaron e cantaron ao son dun DJ.

GLOSARIO DE CIENCIA

No marco das actividades impulsadas para celebrar Novembro Mes da Ciencia en Galego, xurdiu a idea de elaborar un glosario científico. Nel participaron as alumnas e os alumnos de xeito activo; primeiro pensaron os termos e escribíronnos, a continuación representáronnos cun debuxo e prepararon a definición. Como remate gravamos un video con  todos eles.

5ºE.P.

 
 1ºE.P.
 
 
 
6ºE.P.

EXPOSICIÓN CIENTÍFICA

Elaboramos unha exposición cos diferentes traballos.

EXPERIENCIAS CIENTÍFICAS

Novembro é o mes adicado á ciencia en galego. Con tal motivo, no colexio dos Tilos desenvolvemos distintas actividades, onde o alumnado tomou contacto con varios procesos na elaboración de diversas experiencias científicas. Estas actividades son moi enriquecedoras para que as nenas e os nenos en idades temperás, esperten a curiosidade polo mundo da ciencia. 

O alumnado de 3º E.P. investigou sobre a elaboración do iogur e do queixo.

 
O alumnado de cuarto de E.P. levou adiante experimentos moi simpáticos. 
 
 
 As rapazas de sexto prepararon unha explosión dun volcán que botaba lava de cores.
 
Os nenos e as nenas de segundo de Ed. Primaria, dobraron ósos e modificaron cores.
 
Distribuir contido