Familias
III Carreira Solidaria "Forcarei coa paz"
O vindeiro martes 30 de xaneiro, se o tempo nolo permite, celebraremos a III Carreira Solidaria para conmemorar o Día da Paz e Non Violencia. A finalidade é participar dun proxecto educativo, deportivo e solidario.
Para poder inscribirse será necesario entregar un quilo de alimentos non perecedoiros que, unha vez rematada a carreira, se lle enviarán aos Servizos Sociais de Forcarei para que os reparte entre as familias do concello que o precisen.
Agardámosvos a todas e a todos os vindeiro martes 30 de xaneiro ás 12:30 horas no Campo de Fútbol de Forcarei.
CALENDARIO DE NADAL
O equipo de biblioteca e o EDLG xunto coa colaboración das nosas familias elaboraron este singular Calendario de Nadal.
O funcionamento é sinxelo. Cada un dos días do mes de decembro irase presentando a lectura dun fábula. Polo tanto, o 31 de decembro, contaremos con 31 textos.
Non volo podedes perder!
DÍA DAS BIBLIOTECAS ESCOLARES
O pasado martes, 24 de outubro, celebrouse o Día das Bibliotecas Escolares. Nós agardamos ata onte, venres, para inaugurar "A Maxia dos venres" e contar coa presenza de Ana Meilán.
As nenas e os nenos de infantil e primeiro coñeceron ao lobo Rigoberto, un lobo curioso cun pequeno problemiña de gases.
Os compañeiros e compañeiras de segundo, terceiro e cuarto mergulláronse nun universo moi especial: o das historias.
PLAN MADRUGA 23/24
A ANPA "O Berce" quere informarvos de que segue aberto o prazo para inscribirse no Plan Madruga 23/24. Con este programa de carácter social pretenden axudar ás familias que por algún motivo teñen que deixar aos seus fillos e fillas antes do horario de entrada ao colexio.
Todos os días de 7:20 a 9:20 H.
Empresa encargada: "Spazosport".
Modalidades: mensual ou día esporádico
Engadimos documentación por se queres solicitar o servizo:
- Tríptico informativo " Plan Madruga" (Descargar aquí)
- Información Plan Madruga (Descargar aquí)
APERTURA PRAZO PARA PRESENTACIÓN DE SOLICITUDES POR PARTE DOS COLABORADORES
As persoas interesadas en colaborar no vindeiro curso escolar 2023/2024 nas tarefas de comedor escolar poderán formalizar a súa solicitude no centro educativo. A documentación a presentar xunto coa solicitude será a seguinte:
- Impreso de solicitude (Descargar aquí)
- Impreso de declaración responsable (Descargar aquí)
- Fotocopia DNI ou NIE.
- Código de Conta Cliente.
