Comprensión lectora e redacións
Ola familias, nenos e nenas :
Moitas grazas por todos os escritos da vosa fin de semana que me estades enviando!!
Gústanme moito, moito, moito e penso que estaría xenial que o luns e o venres de cada semana fixerades unha redación na que me contedes, sobretodo, como vos sentides e que cousas facedes, que é o que máis vos gusta facer e o que menos, se estades facendo outro proxecto de investigación, se xogades moito á consola, se sentides algún tipo de medo, angustia, nerviosismo, en algúns momentos.... Todo o que queirades e vos apeteza.....Cun debuxo quen queira, para rematalo.
Nun folio, nunha libreta ou algunha vez tamén no ordenador.
Marcelino e eu estaremos encantados de ler as vosas redacións!!
Como Marcelino ten a vista un pouco delicada e no móbil non ve moi ben, estaría xenial que me enviárades os vosos escritos mellor ao meu e-mail : juanmpineiro@edu.xunta.es
Déixovos tamén, tal e como me pediu algunha familia, un pouco máis de material de L.C., neste caso de Comprensión Lectora Autocorrectora, para que o propio alumnado poida xestionar os seus resultados e melloralos (Competencia Aprender a Aprender) de xeito máis autónomo.
http://www.ceiploreto.es/sugerencias/Comprension_lectora/portada2.html
Eu recoméndovos facer 1 ou 2 lecturas ao día, empezando coas de 3º de primaria que están moi ben tamén.
Pero lembrade, que estas soamente son suxerencias miñas, cada familia debe organizarse segundo as súas circunstancias, situación e posibilidades, por iso intentamos dar o maior abanico de posibilidades. (Podedes repasar algunha das actividades propostas os primeiros días)
Aínda así, o mellor será sempre que me comuniquedes persoalmente as dúbidas que vos poidan xurdir respecto a esta forma de traballar. Intentarei, de corazón, adaptarme a cada unha das necesidades e inquedanzas que poidades ter, dentro das miñas posibilidades.
Unha aperta coma sempre moi grande para tod@s!!!
Pd- Esta noite haberá estreno de videos no canal de you tube ás 21.00h. Non volos perdades!!!
