Música 6º

Na unidade anterior rematamos vendo a relación da música coa expresión corporal no ballet. Na música hai outros exemplos nos que empregamos a capacidade do corpo para transmitir información, imos a ver un caso en concreto, as persoas directoras. Estas deben transmitir a músicos e músicas o xeito de interpretar a obra e lograr que a executen ao mesmo tempo. Para isto adoitan usar primordialmente o movemento dos brazos, pero tamén comunican co resto do corpo e as expresións faciais entre outras cousas. Imos ver a continuación a Gustavo Dudamel dirixindo a "Marcha Radetsky" no concerto de ano novo da Orquestra Filarmónica de Viena no 2017. Este director venezolano foi o máis novo en dirixir este concerto, un dos de máis prestixio do ano cunha das mellores orquestras -ou a mellor- do mundo.

A continuación tedes unha clase maxistral. Unha sesión na que Dudamel mellora a forma de dirixir de outras persoas.

O corpo tamén nos permite empregar outra linguaxe, a musical. Podemos usar a voz para cantar pero tamén podemos usar a percusión corporal como ides ver no seguinte vídeo.