CEIP PLURILINGÜE A LAXE

Ola familias!!

Aquí estamos de novo para contarvos todo o que aconteceu na nosa clase esta semana.

Comezamos o luns coa conmemoración do Día da infancia. Para iso saímos ao corredor a ver o cartel onde se recollen algúns dos nosos dereitos como nenos e nenas e falamos sobre eles.

Entre eses dereitos está recibir coidado por parte da nosa familia e ter un nome. Por iso collemos uns dos bonecos da aula e lle puxemos un nome: Juanito e durante toda a xornada estivemos coidando del. Saíu con nós ao patio, estivo no xogo por recunchos...

Como proposta de lóxicamatemática traballamos a descomposición dun número, nesta ocasión o 8. Primeiro fixémolo de forma manipulativa e despois rexistrámolo todo nunha folla, repasando de novo o conteo e grafía dos números (para uns é repaso e para outro seguimos afianzándoa).

Os máis peques da clase traballaron a asociación de grafía- cantidade. Para iso collían un post it cun número de elementos, contábanos e poñíano na casiña correspondente. Como estamos avanzando!!!

Como proposta sensorial tivemos a oportunidade de manipular bombas de baño de diferentes formas e texturas. Sabedes que se mesturaron cores e obtivemos outras novas? Ao mesmo tempo tamén traballamos coas nosas mans ao usar as pipetas.

Dentro do xogo libre puidemos compartir momentos entre todos desfrutando dos xoguetes que trouxeron Nico, xogo de piratas e do corpo humano, e Beltrán, maletín de doutor/a.

E continuamos co proxecto dos flamengos, nesta ocasión coñecemos as 6 especies que hai, identificando cada unha para poder deixar rexistro diso.

Tamén preparamos as mans que a FEANPA nos deu para conmemorar o 25N. Previamente estivemos falando do que está ben e do que non en relación con este tema e despois clasificamos acccións correctas e incorrectas nesas mans (algunhas poñían non e outras si).

Esta semana o grupo de 4 e 5 anos estivemos traballando a creatividade, nesta ocasión a escritura creativa. Para iso a mestra ía sacando obxectos dunha caixa e cada compañeiro/a ía iniciando ou completando unha historia. Non vos podemos dicir máis porque está en proceso 

E chegou o venres, día no que conmemoramos todos xuntos no centro o 25N. Para iso colgamos as mnas nunha corda morada e fixemos algo moi especial que moi pronto veredes na páxina principal da páxina web. Estade atentos!!

Pero o venres tamén estivemos afianzando a lectoescritura. Os máis peques collían letras e buscábanas na plantilla. Que ben o fixeron!!!

E os peques de 4 e 5 anos tiveron que completar unhas tarxetas cos nomes de froitas ás que lles faltaban as vogais. Son uns campeóns e campeonas!!!

Tamén queremos que vexades como traballamos en equipo de forma libre, nesta ocasión formando un quebracabezas de Frozen e outro dos flamengos que trouxo Duarte.

Ata a semana que ven!!!

Ola familias!!!

Esta semana tivemos novas propostas que nos axudan a seguir avanzando no noso desenvolvemento.

Como nova tarefa do encargado temos que poñer o anterior e posterior dun número e a verdade que o facemos moi ben!!

A nosa compañeira Alexandra foi uns días de viaxe a Rotterdam e amosounos as fotos que sacou, ademais de explicar o que nelas aparecía (expresión oral total).

Esta semana tivemos que converternos en mecánicos e amañar barcos e coches poñéndolles tornillos e outras pezas, ás veces usando as mans e outras coas ferramentas adecuadas (traballo de motricidade fina).

E para traballar a conciencia fonolóxica tiñamos unha sopa de letras que necesitaba sacar elementos. Pero cal sacamos? Pois a letra que representa o son que dicía a mestra. E somos uns expertos!!!

Que importante é traballar a atención e o xogo do lince permítenos facelo dunha maneira lúdica.

No proxecto do China coñecemos a familia, quen a forma e como se di mamá e papá no seu idioma. E decidimos debuxar a nosa familia para poder comparalas (cada un vamos ao noso ritmo).

Seguimos avanzando no proxecto dos flamengos e nesta ocasión coñecemos o que comen: algas, crustáceos, plancton e insectos.

Sabedes que os flamengos son ovíparos? Pois na clase atopamos uns flamengos cun número que nos indicaba cantos ovos puxo cada un. Desta forma avanzamos e repasamos a asociación de grafía- cantidade dunha forma lúdica.

E os maiores tiveron un reto matemático novo. Formar o quebracabezas da táboa do 100, pois a profe Rocío cortouna en anaquiños e non sabía unila.

E seguimos co traballo da coordinación óculo manual e a motricidade fina formando a silueta de corazóns, nubes, estrelas... con pedriñas de cores.

Coñecedes o tangram? Con pezas de diferentes formas e cores formamos figuras. Os peques de 3 anos comezamos manipulando de forma libre estas pezas e os de 4 e 5 anos intentamos formas as figuras. Cando nos costaban facíamos equipo para facelo xuntos.

Outra actividade de lóxica matemática que fixemos foi tirar un dado, contar os puntos ou subitizar (segundo o nivel no que esteamos) e borrar o número que representaba esa cantidade. Hasta tivemos que usar dous dados para poder borrar números maiores de 6!!

Vémonos a semana que ven!! 

Ola de novo familias!!

Esta semana estivo chea de propostas novas e rematámola celebrando o magosto e o día do peón. 

Comezamos a semana sendo rescatadores de dinosuarios, tanto con pinzas como coas nosas manciñas.

Tamén os maiores repasamos a grafía dos números, posto que ás veces nos despistamos e facémolos ao revés, e non ven de máis lembrar a súa direccionalidade. E os peques comezamos a familiarizarnos con ela.

E mentres uns estaban cos dinosaurios e outros cos números, outro grupo traballamos de forma cooperativa para resolver un quebracabezas traballando en equipo.

O luns limos outro dos libros de flamengos, nesta ocasión o do noso amigo Lucas e gustounos tanto que fixemos un debuxo da historia.

No proxecto de China coñecimos a súa casa e comparámola coas nosas. Ademais falamos das dependencias e dos obxectos que hai en cada unha, poñéndolle nome a eses elementos traballando así a lectoescritura, cada un/unha ao seu nivel. Tamén coñecimos a pagoda, un templo chino. Sabedes que os hai con diferentes pisos?

Vistes como traballamos coas nosas manciñas? Nesta ocasión aproveitamos a pasta de samaín que tiñamos na clase e fixemos uns colares preciosos. Pero non quedou aí a cousa porque tamén contamos cantos elementos puxemos traballando o conteo.

No proxecto dos Flamengos identificamos as súas partes. Os maiores identificaron os nomes das partes, cortáronos e pegáronos no lugar correspondente, traballando a lectoescritura e o uso das tesoiras. Os máis peques identificamos as vogais na palabras.

E seguimos coa lecto, pero esta vez usando plastilina e moldes. Identificamos letras e collemos forza nesas mans.

Os maiores tamén adiviñaron palabras segredas. E como? Pois identificando a inicial de cada debuxo e anotándoa (conciencia fonolóxica en estado puro).

E os peques comezamos a familiarizarnos coa escritura do noso nome, respectando sempre o ritmo de cada un/unha.

En valores seguimos traballando a responsabilidade e a reciclaxe. Nesta ocasión lembramos que tamén podemos elaborar os nosos xoguetes empregando material de refugallo, ao mesmo tempo que desenvolvemos a nosa creatividade. Fixemos pulseiras, cohetes, polbos, casas...

Sabiades que os flamengos son ovíparos? Pois nós si e ordeamos o seu ciclo de crecemento, desde que nacen ata que son adultos.

E chegou o día do peón!! A mestra deunos unhas peonzas feitas reciclando obxectos que podemos atopar de forma sinxela (cds, tapóns e canicas) e nós decorámolas con gomets e desfrutamos xogando.

E para rematar a semana saímos á pista a celebrar o Magosto cos nosos compañeiros/as de primaria. Tomamos leite, castañas e desfrutamos cos xogos tradicionais!!

Ata a semana que ven!!!

Ola familias!!

Esta semana despedimos o Samaín por todo o alto, pero tamén tivemos tempo para realizar outras actividades!!

Aquí tedes un vídeo da nosa reacción ao chegar o luns á clase e ver todo o que había.

Dentro das propostas estaba a primeira provocación co cubo Montessori, nesta ocasión relacionada co Samaín. Como experimentamos e deixamos voar a nosa imaxinación!

Tamén tivemos unha mesa sensorial moi terrorífica: creamos brebaxes de bruxa mesturando líquidos de diversas cores, sen esquecer que estamos traballando moito a nosa motricidade fina (aínda que non sexamos concientes do gran traballo que facemos).

E tamén seguimos a receita dunha apócema chea de bichos, reforzando o conteo e a asociación grafía- cantidade.

Esta semana o conto foi este no que coñecemos a orixe do Samaín e como se celebraba hai moitos anos.

E como proposta de arte decoramos unha tea de araña, tanto de cores diversos desenvolvendo a nosa creatividade como con grafismos creativos que nos achegan a lectoescritura.

Ademais a auxiliar de conversa nos contou un conto de Spot, un canciño ao que lle temos moito agarimo.

Na sesión de valores, este mes traballamos a responsabilidade. Dentro dela está o coidado do medio ambiente, e a reciclaxe é unha labor importante para poñer o noso graniño de area e coidar o entorno que nos rodea.

O xoves démoslle a benvida a un mes novo e polo tanto tivemos que facer o rexistro do tempo do mes anterior. Nesta ocasión probamos a facelo todos a o mesmo tempo para traballar o tempo en espera, posto que cada un ten o seu ritmo.

E por fin tivemos a primeira sesión de XOGANDO EN FAMILIA!!! Algunhas das nosas familias viñeron a xogar con nós a xogos de mesa.

Os peques de 3 anos xogamos a "El frutal" no que tiñamos que gañarlle ao corvo e coller todas as froitas das árbores antes de que se formase o quebracabezas do corvo, e tamén ao "Dobble" no que temos que estar moi atentos para atopar o obxecto común entre dúas tarxetas.

Os peques de 4 anos xogamos ao "Grabolo" e ao "Zingo", dous xogos nos que a atención é moi importante para poder coller o obxecto que nos indica o dado no primeiro xogo, ou completar o cartón cos elemento que temos e gritar Zingo!!!

E os peques de 5 anos puidemos disfrutar do "Color line" no que temos que conseguir completar o cartón con todas as boliñas de cores que lle corresponden, pero temos que traballar o noso control inhibitorio posto que se tocamos o timbre antes de tempo e non debíamos perdemos bola.

Tamén xogamos ao "Speed cups", no que a atención e rapidez visual son fundamentais.

Moitas grazas familias!!! Estamos desexando repetir e poder xogar coas demais familias!! Pronto outra sesión 

Ata a próxima semana!!

Ola familias!!

Na nosa clase esta semana xa chegou o Samaín por todo o alto!! Realizamos diferentes propostas como as que agora vos amosamos.

O luns tiñamos a tuff tray (bandexa) chea de bichos mesturados co arroz larancha e unha tela de araña que nos impedía collelos, pero o conseguimos. Como traballamos as nosas mans coas pinzas e as tesoiras bola!!

Como proposta de lectoescritura tiñamos que identificar a inicial de diferentes elementos de Samaín como momias, arañas ou cabazas.

E no recuncho de lóxica matemática tiñamos que colocar na tela de araña tantas arañas como nos indicaba o número, asociando así grafía-cantidade.

Ademais xogamos a Monster Kit, un xogo no que coa axuda dunhas cartas tivemos que formar un monstro, traballando a asociación de grafía-cantidade e a lectoescritura porque lle puxemos o nome que se formou coas sílabas que había en cada carta.

O martes as propostas foron diferentes. No recuncho de lóxica matemática tiñamos que contar cantos elementos había en cada tarxeta, buscar o número e poñer unha pinza nel, traballando non só o conteo senón tamén a nosa motricidade fina.

E seguimos co traballo das nosas mans porque con contas de cores decoramos os mangos dunhas vasoiras de bruxas. Que boa coordinación óculo- manual temos!!!

E a bruxa meteu no seu caldeiro unha morea de bichos, pero non nos deixaba velos. Así que a través do tacto tivemos que adiviñar que había no caldeiro e rexistralo. Os peques de 3 anos identificaron o son A nos nomes dos bichos que adiviñaron.

Esta semana limos varios contos de Samaín. Un deles foi "8 patas" que nos narra a historia de Lucy, unha araña á que non lle gusta tecer e que ten un don para pintar cadros cheos de cores. Despois da lectura fixemos un debuxo sobre o conto, cada un debuxando o que máis lle gustou del (Lucy, a tea de araña...)

E o venres despedimos a semana xogando ao bingo terrorífico, traballando a escoita activa e a atención.

E vos preguntaredes que máis fixemos, pois resolver uns retos cos que nos atopamos ao chegar á clase e dos cales a mestra non tiña nin idea de quen os puxera alí.

O primeiro día de retos cada equipo tivo que resolver unha proba matemática para poder rescatar a un rapaz da xaula dunha bruxa porque nos deixou unha carta pedindo axuda.

Os peques de 3 anos tiveron que formar un monstro seguindo as indicacións e nunha lenda obtivemos o primeiro número.

O equipo dos leóns (4 anos) tiveron que completar a serie numérica ata o 20 e na última casilla descubrimos o seguinte número.

E os peques de 5 anos atoparon unha folla con moitas portas e unhas chaves con sumas. Ao resolvelas podían abrir cada unha das portas, pero só na última conseguimos o outro número.

Por fin tiñamos os tres números do candado para poder liberar ao rapaz!!!

O seguinte día de retos foi tamén intenso, jeje. O rapaz estaba moi agradecido por salvalo e quixo darnos unha sopresa, pero non de forma tan sinxela, senón que resolvendo tamén uns retos para adiviñar unha palabra.

Cada equipo tiña dúas probas. A primeira letra conseguímola ao formar un quebracabezas de Samaín onde había unha S.

A segunda letra (A) ao sacar a unha momia dun labirinto e levala á súa tumba, pasando por esa letra.

A terceira letra conlevou descifrar unha palabra segreda grazas a unha lenda e identificando a inicial (M).

A cuarta letra era unha A, e para iso houbo que adiviñar a palabra que se escondía detrás dunha adiviña (araña) e a súa inicial deunos outra letra (A).

A quinta letra (I) estaba escondida nunha proba de buscar diferenzas. Como se nos dan tan ben atopámolas moi rápido.

E a última letra (N) estaba nunha lenda que tivemos que ter en conta despois de clasificar palabras polo seu número de sílabas (a palabra que máis sílabas tiña nos daba esa derradeira letra).

Entre todos conseguimos adiviñar a palabra (SAMAÍN) e puidemos conseguir a sorpresa, un caldeiro con chocolatinas que puidemos degustar despois de merendar.

No vídeo podedes ver todo o que fixemos e como sabemos traballar en grupo, axudándonos uns aos outros para logar un obxectivo común.