Skip to Content

6º Ed. Primaria

Videoconferencia con LEDICIA COSTAS!

O alumnado de 6º de primaria falou por videoconferencia con LEDICIA COSTAS!

Fixéronlle moitas preguntas que Ledicia respondeu de moi bo agrado!

Agora xa sabemos un pocuo máis dunha escritora que comezou a súa andaina na infancia, con tan só 6 anos de idade.

GRAZAS INFINITAS e ata o próximo curso. Teus libros forman parte do noso proxecto lector!

MULLERES NA LITERATURA

 ALEXANDRA RIAL PENEDO, alumna de 6º curso de Educación Primaria, é unha moza comprometida coa Igualdade. De xeito voluntario realizou un excelente traballo de investigación sobre as mulleres na literatura. Recoméndovos que premades na imaxe de XUNTAS para poder visualizalo.

GRAZAS ALEXANDRA!

 

VISITA AO IES 1º DE MARZO

As alumnas e alumnos de 6º de Ed. Primaria visitaron o IES 1º DE MARZO !!

Como está moi preto do noso CEIP fomos andando, a baixada foi rápida pero a subida costou un pouco máis...

Os alumnos/as do IES foron os nosos anfitrións e anfitrioas; ensináronnos traballos feitos por eles mesmos e explicáronnos como funciona o clube de lectura e a biblioteca. Tamén coñecemos algún mestre que nos ensinou a magnífica aula de Tecnoloxía.

Moitas Grazas á NURIA (Vicedirectora do IES) e a ANA (Orientadora) por recibirnos cun sorriso e ensinarnos o IES con tan bo trato.

Nuns meses nosos alumnos/as comezarán unha nova, importante e moi enriquecedora etapa, a Educación Secundaria e o Bacharelato !!

 

Álbum: Curso 2020-2021 -> VISITA AO IES 1º DE MARZO

OBRA DE TEATRO POLO DÍA INTERNACIONAL DA MULLER- 6º EP

Co gallo do Día Internacional da Muller - 8M- ao longo de toda esta semana realizamos moitas actividades significativas, pero, a de hoxe foi moi especial!, posto que nosos alumnos e alumnas de 6º de Educación Primaria puxeron moito esforzo e ilusión!

Interpretaron o conto DANIELA PIRATA para os/as nenos/as de Educación Infantil e foi todo un éxito!!!

Estamos moi orgullosas de todos e todas!

GRAZAS pola fantástica actuación!

Sodes MAXIA!

Álbum: Curso 2020-2021 -> DANIELA PIRATA por 6º EP

OBRADOIRO NON CALES-Por IRENE SILVA

Para conmemorar o 25N visitounos a recoñecida artista baionesa (Sabarís)

 IRENE SILVA

Os/as alumnos/as de 6º de Educación Primaria investigaron sobre a súa vida e obra! defínena como...

Galega! boa persoa, xenerosa, valente, cariñosa, creativa, ilustradora, pintora de mulleres e paisaxes, pintora artística, pintora de mulleres en situacións cotidianas...

Realizou con nós un obradoiro do máis creativo para conmemorar o 25N: Día Internacional da eliminación  da violencia contra as mulleres.

Grazas ao CIM de Baiona (ELENA OTERO) e a Concellería de Igualdade por agasallarnos con este obradoiro tan importante e xenial! 

As siluetas realizadas de tódolos nenos/as formaron parte dunha exposición na praza do Concello de Baiona.
Agardamos que se visibilice a mensaxe que queremos transmitir: 

ANTE A VIOLENCIA NON CALES! 

Álbum: Curso 2020-2021 -> OBRADOIRO NON CALES

25 DE NOVEMBRO DÍA INTERNACIONAL CONTRA A VIOLENCIA DE XÉNERO

 

Neste día, as nenas e os nenos de 6º curso de Educacion Primaria conmemoraron o 25 de NOVEMBRO, día internacional CONTRA A VIOLENCIA MACHISTA, tema moi relevante no que aínda é preciso concienciarse. Fixeron carteis reivindicativos e analizaron as letras de cancións do momento como HAWÁI  de Maluma e a súa resposta de  Beatriz Luengo. Tamén se animaron a cantala!

SE QUERES ESCOITALOS PREME NAS IMAXES!

      

Ademais, hoxe, leron un MANIFESTO FEITO POR TODA A CLASE en contra da violencia de xénero.  Este manifesto foi lido por TAIS e BELTRAN en representación de todas/os as nenas e nenos do colexio nun acto organizado pola Concellería de Igualdade na praza do concello de Baiona.

SE QUERES ESCOITALO E VELO PREME NA IMAXE

 

 

POR FAVOR NON CALES, CONTAO!

Actividade STEAM: Programando Aves

O alumnado de 6º curso de Educación Primaria realizou unha actividade de Programación da man de ABANCA:

XORNADA STEAM 

PROGRAMANDO AVES

Álbum: Curso 2022-2023 -> XORNADA STEAM

RESERVA DE PRAZA NO CENTRO ADSCRITO

Informamos que está aberto o prazo para a reserva de praza no entro adscrito IES PRIMEIRO DE MARZO.

 

A solicitude debe presentarse no CEIP FONTES BAÍÑA ou en calquera dos lugares que establece a Lei 39/2015, do 1 de outubro, do Procedemento Administrativo Común, incluída a SEDE ELECTRÓNICA, para o que se precisará de Chave365 ou certificado dixital.

 

O prazo de presentación de solicitudes abrangue do 11 de xaneiro ao 8 de febreiro do 2022, ambos incluídos.

 

Normativa de aplicación:

  • ORDE do 18 de decembro de 2020 pola que se modifica a Orde do 12 de marzo de 2013 (código de procedemento ED550A e ED550B).

  • ORDE do 25 de xaneiro de 2017 pola que se modifica a Orde do 12 de marzo de 2013.

  • ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

  • DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Anexo I (solicitude) 

Enlace da aplicación coas instruccións para cubrir a solicitude https://www.edu.xunta.gal/admisionalumnado/ 

 

 

 

 

Excursión de convivencia e fin de curso 5º e 6º de Educación Primaria

As alumnas e alumnos de 5º e 6º de Educación Primaria estiveron 3 días e 2 noites de excursión no camping OS FIEITAS, no Grove.

A experiencia foi moi boa !! Voltaron todos e todas ben, algo afónicos da emoción pero moi felices!

Álbum: Curso 2020-2021 -> Excursión fin de curso 5º-6º ED. PRIMARIA

Tarefas 6º de primaria

O grupo de 6º curso realiza as súas tarefas diariamente mediante a aula virtual.

Distribuir contido


by Dr. Radut