Skip to Content

O BAÚL DA TÍA TOLA

A compañía O Baúl da Tía Tola visitou o alumnado de infantil o 27 de outubro para lles ofrecer a actividade "Remando cara a igualdade".

Trátase dunha actividade lúdica e educativa, dirixida a rapaces e rapazas de 3 a 7 anos, onde se mesturan o teatro e o xogo para resaltar a igualdade e o respecto como valores esenciais para a convivencia entre as persoas.

Partindo dunha temática relacionada co mar, tratáronse cuestións como:

  • Existen as cores de nenas e de nenos? Cales son os xogos para as nenas? e para os nenos?
  • Pode desempeñar un home calquera profesión? E unha muller?
  • Temos diferentes trazos de personalidade os nenos e as nenas? E diferentes emocións?

Os obxectivos perseguidos foron os seguintes:

  • Impulsar o uso de valores sobre igualdade de xénero.
  • Comprender a diferenza entre xénero e sexo.
  • Potenciar a visión crítica sobre roles establecidos e estereotipos.
  • Crear un espazo cómodo para a liberdade de expresión e o respecto.
  • Fomentar a autoestima, a non discriminación e a igualdade de oportunidades.
  • Impulsar o valor do xogo como medio de aprendizaxe.
  • Promover a linguaxe teatral como vehículo para achegarnos ás emocións.

Desenvolvemento

A actividade tivo unha duración dunha hora aproximadamente e desenvolveuse en tres partes:

  1. Unha breve peza teatral en torno ao mar.
  2. Un debate sobre a peza teatral.
  3. Xogos teatrais con diferentes materiais.

 

Os nenos e nenas de infantil pasárono xenial e aprenderon moitísimo!

 

Álbum: Curso 2021-2022 -> O BAÚL DA TÍA TOLA


album | by Dr. Radut