Skip to Content

Secretaría

RESERVA DE PRAZA AO CENTRO ADSCRITO IES SALVADOR DE MADARIAGA PARA O ALUMNADO DE SEXTO

O prazo de reserva de praza para o alumnado de sexto que desexe continuar os estudos no IES Salvador de Madariaga empeza o luns 15 de xaneiro e remata o luns 5 de febreiro.

Toda a información no seguinte documento:

 

 

FONDO SOLIDARIO DE LIBROS DE TEXTO E MATERIAL ESCOLAR

FONDO SOLIDARIO DE LIBROS DE TEXTO E MATERIAL ESCOLAR

  • Desde o luns 10 de xullo xa se poden consultar as listaxes "DEFINITIVAS" de adxudicación dos libros de texto do fondo solidario de 3º e 4º de primaria no taboleiro de anuncios do centro e a través da aplicación fondolibros: https://www.edu.xunta.gal/fondolibros. (A Lei de Protección de Datos non permite dar información por teléfono).
  • O centro estará aberto ata o día 19 de xullo, en horario de 10:00 a 13:00 horas.
  • Os libros entregaranse cando empecen as clases.

 A partir do martes 4 de xullo estarán dispoñibles os vales de material escolar e dos libros de 1º e 2º de primaria. Poden recollerse na secretaría do centro de 10 a 13 horas ata o día 19 de xullo.

LIBROS DE TEXTO PARA O CURSO 2023-24

 

LISTAXE DE LIBROS DE TEXTO DO VINDEIRO CURSO ACADÉMICO 2023-24

NOTA: O libro de relixión de segundo de primaria ten un erro nas follas repartidas nas titorías. O ISBN correcto é o que figura nesta web: 2º de primaria EDEN 23 editorial SM. ISBN: 9788498565003

 

AXUDAS FONDO SOLIDARIO LIBROS DE TEXTO E MATERIAL ESCOLAR. CURSO 2023-2024

A Orde do 10 de maio de 2023 polo que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado de Educación Primaria, ESO e Educación Especial en centros docentes sostidos con fondos públicos para o curso escolar 2023-24 recolle os seguintes aspectos:

  • Beneficiarios/as: Aquelas familias con alumnado matriculado en centros docentes da Comunidade Autónoma de Galicia sostidos con fondos públicos nas modalidades de gratuidade solidaria que se relacionan a seguir:
  1. Fondo solidario de libros texto do alumnado matriculado en 3º e 4º de Educación Primaria (no caso do noso centro educativo, xa que 5º e 6º teñen E-Dixgal).
  2. Axudas para adquirir libros de texto destinadas ao alumnado matriculado en 1º e 2º de EP, e en Educación Especial (EE), así como axudas que pode recibir o alumnado incluído na disposición adicional primeira da orde.
  3. Axudas para material escolar destinadas ao alumnado matriculado en EP e EE.
  • Prazo de solicitude: Do 20 de maio ao 21 de xuño (ambos incluídos). O alumnado que se incorpore ao centro docente fóra deste prazo disporá dun mes contado a partir do día seguinte ao da formalización da matrícula. Non se poderán presentar solicitudes despois do 2 de abril de 2024.
  • Lexislación aplicable:
  1. Orde do 10 de maio de 2023 polo que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado de Educación Primaria, ESO e Educación Especial en centros docentes sostidos con fondos públicos para o curso escolar 2023-24.
  • Impresos de solicitude (hai que traer os dous cubertos e asinados) e a documentación complementaria que aparece a continuación:
  1. Anexo I e II.
  2. Copia do libro de familia ou documento equivalente, onde figure o/a alumno/a e os demais membros computables da unidade familiar.
  3. En caso de separación ou divorcio, ademais, deberán aportar a sentenza xudicial e/ou convenio regulador onde conste a atribución da custodia do/da menor.

Datos do noso centro para as solicitudes: CEIP Emilia Pardo Bazán. Código de centro:15021627

Para máis información:

Sede electrónica da Xunta de Galicia

Aplicación Fondolibros

 

Reserva de praza no IES Salvador de Madariaga para o alumnado de 6º de EP.

 

As familias  do alumnado de 6º de educación primaria que desexen matricular aos seus fillos/as no IES Salvador de Madariaga deberán entregar ao seu fillo/a para que o entregue ao seu titor/a entre o 11 de xaneiro e o 8 de febreiro, o modelo de solicitude debidamente cuberto que se xunta a este escrito (anexo I da Orde do 12 de marzo de 2013). Tamén pode facerse a reserva parcial no enderezo https://www.edu.xunta.es/admisionalumnado, ou de xeito electrónico e completo en https://sede.xunta.gal/portada. Se algúnha familia quere presentalo directamente na secretaría no centro poderá facelo en horario de 09:30 a 13:30 horas.

 

 

RENOVACIÓN PARCIAL DO CONSELLO ESCOLAR

De conformidade co establecido na Convocatoria no D.O.G. do 29-09-2021 Resolución do 20 de setembro de 2021 realizarase proximamente neste Centro a renovación parcial do CONSELLO ESCOLAR que é o instrumento de participación na vida escolar de todos os sectores educativos do Colexio.

A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá entre o 2 e o 5 de novembro e estará integrada por:

  • A Directora  do Centro.
  • Un representanrte do profesorado.
  • Un representante de nais/pais.
  • Un representante do persoal de administración e servizos.

Os catro últimos designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). O sorteo realizarase o próximo 27 de outubro.

SECTOR NOME E APELIDOS
Directora Mª Aurora Candal Miranda
Profesorado Hilda Ramos Vázquez
Pais/Nais  Iolanda Sánchez Méndez
PAS  Manuel Jesús Boquete Pérez

Documentación:

A Coruña, 22 de outubro de 2021.

A DIRECCIÓN DO CENTRO.

 

 

LISTAXES DEFINITIVAS FONDO LIBROS

DESDE O 14 DE XULLO ESTÁN EXPOSTAS NO TABOLEIRO DE ANUNCIOS DO CENTRO AS LISTAXES DEFINITIVAS DO FONDO LIBROS PARA O CURSO 2021-2022. PODERÁN CONSULTALAS ATA O DÍA 20 DE XULLO, DÍA NO QUE PECHA O CENTRO, EN HORARIO DE 10 A 13 HORAS.

 OS LIBROS ENTREGARANSE AO ALUMNADO BENEFICIARIO CANDO COMENCEN AS CLASES NO MES DE SETEMBRO.

FONDO LIBROS 2021-2022

A partir de hoxe están expostas no taboleiro de anuncios do colexio as listaxes provisionais de fondo libros para 3º e 4º de primaria. Contra estas listaxes poderán reclamar ata o día 11 de xullo. A partir do día 14 sairán publicadas as adxudicacións defintiivas do fondo.

Os vales das axudas de material poderán recollelos na secretaría do centro a partir do luns 5 de xullo en horario de 10:00 a 13:00 horas ata o 21 de xullo, data na que pechará o centro.

Publicación de adxudicación provisional de máscaras

Dende hoxe está publicada a relación dos beneficiarios/as das máscaras concedidas pola Consellería de Educación. O alumnado que xa tiña concedida a axuda de material, tamén terá a máscara que repartiremos nas próximas datas.

LISTAXE de Admisión Alumnado

ADMISIÓN DE ALUMNOS para o curso 2020/2021

COMUNÍCASE  a todas as familias interesadas que unha vez rematado o prazo de solicitude de admisión de alumnado para o vindeiro curso escolar 2020/2021 resultaron admitidas todas as solicitudes.

As listaxes estarán expostas no taboleiro de anuncios do centro, para poder ser consultadas. (Non se publicarán na web, debido á lei de protección de datos)

O prazo de reclamacións remata o día 11 de xuño. Horario de atención ao público de 10:00 a 13:00 horas, na secretaría do centro.

Distribuir contido


by Dr. Radut