Horto escolar

ENTREVISTAS NA RADIO SOBRE MEDIOAMBIENTE.

Para que saibamos máis sobre temas de medioambiente e que toda a información se escoite e chegue a todas partes, divulgamos dito tema facendo entrevistas a responsables que se adican a coidar o medioambiente. O alumnado aprendeu moito elaborando este informativo medioambiental coa axuda do profesorado, os encargados da radio e os entrevistados.

Houbo unha entrevista a un traballador da Fundación de ECOALF, Brendan James, empresa que obtivo recentemente varios premios por revolucionar a moda dunha forma sostible, pola súa traxectoria medioambiental, contribuíndo á consecución dos ODS - concretamente o 14 para a conservación dos mares, pioneiros en sostenibilidade. 

A Fundación ECOALF participa en actividades que aumentan a sensibilidade con respecto ao problema do lixo e o dano que provocan sobre os ecosistemas mariños, divulgando así o seu traballo.

O traballador cóntanos todo o que fan dende a recollida dos residuos plásticos do fondo do mar, para confeccionar a roupa e calzado.

 

Tamén entrevistouse a Alexis Rivera, da organización WWF en defensa do medio ambiente. Asociación ecolóxica que foi fundada en 1961 a nivel internacional, e nace en España, en 1968, da man de Félix Rodríguez de la Fuente con ADENA.

 

Podes escoitar estas entrevistas e todo o informativo medioambiental (sobre o lixo na cidade, hortas urbanas, o xardín de Obdulia, a asociación ecoloxista Arcoiris, reciclaxe...) no seguinte enlace.

A RUTA DA AUGA - SAÍDA Á PRESA DE CECEBRE

Continuamos con saídas medioambientais, e nesta ocasión, na ruta da auga, á presa de Cecebre.

Despois dunha charla na aula sobre a saída que se ía facer e a súa importancia, amosamos todo o que se aprendeu.

Aprenderon sobre a biodiversidade que xera o río, co ecosistema da ribeira,a fauna: o paso que se lles fai ás nutrias; corvos mariños, cormoráns..., e as barreiras que fai a flora coas árbores: salgueiros, ameneiros, bidueiros...

Destacando a importancia da presa, gracias ás augas dos ríos Mero (principal), Barcés e Gobia.

Coa inundación das augas dos ríos ao xuntarse, fíxose a presa de Cecebre, que leva a auga a 2 potabilizadoras: unha de Carral e outra á ETAP (estación de tratamento de auga potable) de A Telva, que é a que suministra a auga á nosa cidade.

A auga empregada limparase na EDAR (estación depuradora de augas residuais) de Bens.

UNHA SAÍDA MOI INTERESANTE!!!

ACTIVIDADE CON ALUMNAS DA UDC

Tivemos a gran sorte de ter a visita de 4 estudiantes universitarias que viñeron ao cole a contarnos un conto "El Niño Semilla". Trata sobre a un neno que en realidade é unha semente, se a coidas e a mimas dará o seu froito.

Cando acabaron de contarnos o conto fixemos unha actividade moi bonita. Debuxamos a nosa versión do neno semente e despois pegámola nun vasiño onde metimos algodón e unhas lentellas. Agora estámolas coidando na clase para que broten, igual que o protagonista da historia!

MOITAS GRAZAS POLA VISITA E POLA ACTIVIDADE!!!

 

VISITA DE LAURA (COS PÉS NA TERRA)

A semana pasada tivemos unha visita moi moi especial, veu Laura a visitarnos! Contounos infinidade de cousas sobre reciclaxe, reutilización, reparación e redución. Ela ten unha unha tenda ecosostible no noso barrio, e, coñecedora de que estamos a tratar este tema este curso, veu a  aclararnos algunhas cousas e informarnos de outras moi interesantes.

Deunos moitas ideas para reducir o uso de plástico nas merendas do cole (usando envoltorios reutilizables para os bocatas, culleres de madeira...).

Ensinounos a facer macetas con garrafas de auga, de feito regalounos unha para o cole! "MOITAS GRAZAS LAURA!"

Vimos alternativas para a limpeza da nosas casa (con esponxas de lufa) e a hixiene persoal (con cepillos de dentes de madeira, champú sólido sen envase de plástico...).

Non nos chegou o tempo para tantas ideas que nos tiña que contar, polo que pensamos que estaría ben que esta visita tivera unha segunda parte, a parte da reciclaxe e reutilización de obxectos.

 

 

 

 

AUDICIÓN E LINGUAXE

Os nenos e nenas que acoden ao aula de Audición e Linguaxe prepáranse para sementar.

Primeiro imos coa teoría

 

 

 

 

Despois a práctica

 

    

 

 

     

 

 

Rexistramos 

 

 

 

 

 

 

 

OBRADOIROS E CHARLAS SOBRE MEDIO AMBIENTE

No centro estase a realizar co alumnado uns obradoiros e charlas sobre MEDIO AMBIENTE a cargo de persoal da Concellería de Medio Ambiente do Concello da Coruña.

Alumnado de primaria asistiu a unha charla con obradoiros sobre residuos urbanos da cidade: recollida de residuos, mostra do vertedoiro, limpezas de praias, plantas de reciclaxe, selección de lixo, diferenciación de contenedores. Fixeron xogos semellantes á oca, con conceptos básicos falados, e inventaron unha canción de reciclaxe.

Culminaron cunha saída á praia de Bens, para a súa limpeza.

ABRAIDOS QUEDARON COAS COUSAS IMPENSABLES QUE CHEGARON A RECOLLER.

 

Os máis pequenos, despois de contarlles "O conto sen fin da lagoa de Eirís" para coñecer o parque, a flora e fauna dos parques da cidade, e coidar a biodiversidade de parques, xardíns e bosques; tiveron unha visita á lagoa de Eirís (espazo natural de interese local).

Os nenos de infantil tiveron unha charla, amosándolles e contándolles sobre o que acontece na lagoa que despois visitarían.

Mostráronlles na cúpula, os niños dos paxaros ao abrigo do vento.

Amosáronlles olivos e moreiras, explicándolles o que se fan con elas.

Informáronos das diferentes especias de paxaros que había: pardal, palomas...e outros animais da lagoa: miñoca, macaón, zapateiro, xoaniñas, tartarugas, rás, libélulas, patos (de cor verde), patas (de cor marrón) avisándoos de que son omnívoros e non se lles debe dar pan, xa que eles buscan os seus insectos para comer.

E amosáronlles o niño do paxaro máis pequeno.

Seguimos aprendendo con próximos obradoiros e charlas programadas que agora teñen por tema a AUGA.

 

 

XOGOS DE RECICLAXE

Cando non podemos saír ao horto polo tempo, facemos xogos de reciclaxe na aula.

Temos un xogo de contenedores de cores segundo o que reciclan, o azul para papeis e cartóns, o verde para a materia orgánica, o amarelo para o vidro, o laranxa para latas e plásticos, e o gris para as pilas.

Así que collemos as tarxetas, e segundo a cor que caia no dado, temos que reciclar algo desa cor do contenedor. Pouco a pouco, reciclamos todo o material que aparece nas tarxetas SEMPRE MOI VARIADO.

No seguinte xogo, temos que recoller o lixo que hai no bosque no contenedor correspondente, antes de que a ficha chegue á nube da choiva. 

Un xogo en gran grupo, no que todos gañamos ou perdemos se non colaboramos COMA NA REALIDADE.

Agora facemos construccións cos tapóns que aproveitamos da merenda.

No seguinte xogo, temos que seleccionar o lixo para o seu contenedor correspondente.

Tamén clasificamos a súa composición, de qué está feito.

Neste xogo, temos que poñer a cada animaliño no seu hábitat, onde vive: na charca, no río, no mar, no campo...

E AO REMATAR, SEMPRE NOS LEMBRAMOS QUE DEBEMOS RECOLLER TODO O LIXO PARA RECICLAR.

SEMILLEIRO

Chega o mes de marzo e xa podemos sementar máis cousiñas, algunhas para levar ás nosas casas e seguir vendo como medran alí e outras para o noso horto.

Desta vez sementamos ravos que esperamos comer nas nosas ensaladas pronto, son moi ricos e ademais teñen moitas vitaminas, especialmente vitamina C.

 

REUTILIZAMOS BOTES PARA POÑER PLANTAS NAS AULAS

Seguimos buscando formas de reutilizar obxectos da vida cotiá para darlles unha segunda vida. Nesta ocasión, como Escola Verde que somos, collimos botes de distintas procedencias para plantar plantas nas nosas aulas, canto máis verde mellor!

Pintamos os botes para deixalos máis bonitos e despois puxemos plantas e cactus. Seguiremos con esta actividade todo o que queda de curso, esperemos ter moitas máis!!!

 

Distribuir contido