Biblioteca

APERTURA DA BIBLIOTECA E VISITA DE ANXO MOURE

Mér, 10/26/2016 - 13:56 — Biblioteca

O pasado xoves, 20 de outubro, Chaveta convidounos de novo á biblioteca. Xunto a ela, agardándonos para darnos a benvida, estaba Anxo Moure. Subido no seu "nubinete" levounos de viaxe por unha morea de historias, historias moi vencelladas coa natureza e o coidado das nosas árbores. Foi unha velada moi divertida que rematamos dándolle apertas ás árbores que temos no noso colexio e, en especial, a unha sobreira.

Ademais de coñecer a Anxo Moure, tivemos a oportunidade de ver algunhas das novas adquisicións da biblitoeca. Unha selección de libros especialmente escollidos para todos os nenos do colexio.

E, para rematar a velada, Chaveta agasallou a cada aula cunha caixa de libros para as bibliotecas de aula.

FELIZ LECTURA!

CHAVETA DANOS A BENVIDA

Mér, 10/19/2016 - 09:31 — Biblioteca

Chaveta danos a benvida a un novo curso. O xoves 20 abrirá a biblioteca cunha gran sesión de contacontos na que nos acompañará un invitado de luxo, Anxo Moure, que nos achegará ao coidado dos bosques coa historia de "O xinete das árbores".

Ademais, teremos unha presentación de novidades. Novos adquisicións para a biblioteca, moreas de aventuras e informacións interesantes que nos permitirán adentrarnos no mundo da arte, da música, da zooloxía, da historia...

Esperámoste!

Cartel elaborado polo alumnado de 6º de Educación Primaria.

SEMANA DO TEATRO NO CEIP DE VIÑAGRANDE DEIRO

Xov, 07/07/2016 - 09:26 — Anónimo

Aquí vos deixamos as representacións do alumnado na I SEMANA DO TEATRO organizada polo Equipo de Biblioteca e NL.

SEMANA DO TEATRO

Mar, 06/07/2016 - 13:09 — Biblioteca

Xa chega, por fin, a semana do teatro! Despois dun intenso traballo e de moito ensaio, os vindeiros días imos poder gozar cos artistas do noso colexio representando diferentes obras de teatro ás que estades, por suposto, todos convidados.

Agardámosvos!!

Ademais, o vindeiro martes 14 de xuño visitaranos Inacio Vilariño, quen nos vai deleitar cun contacontos no que seguro descubrimos a algún dos personaxes das súas obras.

SEMANA DO TEATRO

Mar, 06/07/2016 - 13:04 — Biblioteca

Aquí vos deixamos un adianto das obras de teatro que se van representar os vindeiros días.

CHAVETA ENSÍNANOS...

Mér, 05/25/2016 - 11:41 — Biblioteca

Chaveta achéganos outra presentación para axudarnos a usar a biblioteca. Nesta ocasión ensinaranos a buscar un documento empregando os letreiros que podemos atopar colocados nas paredes, así como os indicadores e sinalizadores das librarías e andeis.

Verás que fácil é atopar todo o que buscas coa axuda de Chaveta!

TRABALLAMOS A MANUEL MARÍA

Mér, 05/18/2016 - 12:48 — Biblioteca

Durante estas datas e co gallo da celebración das Letras Galegas, realizamos varias actividades sobre Manuel María, o escritor homenaxeado este ano. Ademais dos traballos realizados nas aulas, os nenos de Educación Infantil elaboraron varias maquetas con poesías de Manuel María relacionadas cos medios de transporte e todos os nenos do colexio, coa axuda da profesora María José, colaboraron na elaboraicón dun mural que recolle varios poemas do autor.

VISITA DE MÓNICA VARELA

Mér, 05/18/2016 - 12:45 — Biblioteca

Hoxe tivemos no colexio unha velada moi especial, xa que nos visitou Mónica Varela, que foi alumna do centro e que vén de ganar o premio Arume, concedido pola fundación Xosé Neira Vilas, polo seu poemario Soños de neno.

Mónica contounos que é para ela a poesía, recitounos varios dos seus poemas e agasallounos cun mundo cheo de ilusión, emoción, imaxinación e soños.

Moitas grazas, Mónica e parabén polo teu libro!!!

CHAVETA ENSÍNANOS...

Mér, 05/11/2016 - 17:17 — Biblioteca

Para que serven as etiquetas dos libros? Que información recollen? Para saber isto e máis sobre as etiquetas que todos os libros teñen pegadas no seu lombo, aquí temos de novo a axuda de Chaveta.

MANUEL MARÍA. LETRAS GALEGAS 2016

Xov, 05/05/2016 - 09:56 — Biblioteca

Como xa estamos cerca do 17 de maio, día grande das nosas Letras, achegamos o enlace a distintas páxinas e unidades didácticas sobre Manuel María, o autor homenaxeado este ano no día das Letras Galegas.