Skip to Content

Horario período de adaptación 3 anos

Tal e como recolle a Orde do 20 de maio de 2022 pola que se aproba o calendario escolar para o curso 2022/23, os centros docentes que impartan a etapa de Educación Infantil poderán optar por unha incorporación gradual do alumnado matriculado no cuarto curso (3 anos), que non se prolongará máis alá do día 16 de setembro de 2022.
Dita incorporación gradual queda establecida do seguinte xeito:

 

8 e 9 de setembro
 
10:30-12:00h
12 e 13 de setembro
 
10:30-12:30h
14, 15 de setembro 10:00-13:00h

 

Información inicio de curso

Infórmase de que o horario das clases para os días 8 e 9 de setembro será de 10:00h a 13:00h, con servizo de autobús adaptado a ese horario para o alumnado que solicitou o servizo no mes de xuño.

Asimesmo, tamén se comunica a realización dunha reunión por parte da dirección do centro o martes 6 de setembro ás 16:00h para informar de diversos aspectos de interese de cara ao inicio de curso, á que poderán asistir todas as familias interesadas (conviencia leis educativas, novas dinámicas post- Covid, etc). 

Agardamos a súa asistencia e aproveitamos para desexarlles un bo comezo de curso nesta anhelada volta á normalidade.

Un saúdo

Banco Fondolibros e cheques axudas libros e material

Infórmase que foron publicadas as listaxes de admitidos para o empréstito de libros Fondolibros.

Por outra banda, os cheques de axuda para a adquisición de libros e material para o 1º e 2º ciclo de E. Primaria poderán recollerse a partir do 1 de setembro, en horario de 09:00h a 14:00h e os martes de 16:00h a 18:00h.

Un saúdo e bo verán

Libros de texto 2022-2023

Premer no arquivo adxunto para visualizar a listaxe de libros para o vindeiro curso 2022-2023.

Festival Solidario

Infórmase á comunidade escolar de que o vindeiro venres 10 de xuño vaise celebrar o festival Solifesti a favor da causa de Leo, o cativo do noso mestre e amigo Antonio Diz Piñeiro que naceu cunha enfermidade ultrarrara que precisa dun trasplante pulmonar pediátrico.

O centro vai colaborar coa recollida de firmas presencial para solicitar á Consellería de Sanidade que sexan sufragados o gastos das familias que deben desplazarse a outra comunidade autónoma para recibiren a atención médica necesaria.

Ademais poderán adquirirse rifas e camisetas a través da ANPA As Chans para recabar fondos para esta causa.

Agradecemos a resposta da comunidade escolar durante este tempo, que transmitíu o seu cariño a Leo e á súa familia. Grazas de corazón a todos polo vosa forza e apoio, non hai palabras que poidan expresar o noso profundo agradecemento.

FORMALIZACIÓN DE MATRÍCULA CURSO 2023-2024

Adxúntase os documentos de formalización de matrícula para o alumnado de nova incorporación ao centro.

Poden presentar a documentación en conserxería en horario de 09:00h a 15:00h dende o día 20 ata o 30 de xuño.

 

APERTURA PRAZO FONDO LIBROS E MATERIAL PRIMARIA

Infórmase da apertura do prazo para solicitar axudas para adquirir libros de texto nos cursos de 1º e 2º de E. Primaria, a participación no fondo solidario de libros de texto para o alumnado de 3º, 4º, 5º e 6º de E. Primaria e para a adquisición de material escolar para a etapa de E. Primaria.

Poderán presentar as solicitudes dende o 19 de maio ata o 22 de xuño de forma presencial adxuntando o impreso ED330B, que poden descargar no arquivo anexo, ou ben vía electrónica na aplicación fondolibros (https://www.edu.xunta.es/fondolibros) e a través da sede electrónica da Xunta de Galicia, https://sede.xunta.gal.

Para calquera aclaración poden consultar a convocatoria na Orde do 29 de abril de 2022 pola que se regula a participación no fondo solidario de libros de texto (dog nº 95 do mércores 18 de maio de 2022)ou ben dirixirse ao centro escolar.

Admisión alumnado curso 2022-2023

Pola presente infórmase a todos os interesados que todas as solicitudes de admisión de novo alumnado foron admitidas. Asimesmo, tamén se recorda que poden realizarse matriculacións para o ciclo de E. Infantil e E. Primaria en período extraordinario a partir deste momento ata completar cupo.

Publicaranse as instrucións para a formalización da matrícula no mes de xuño en canto sexan remitidas pola Consellería de Educación.

Un saúdo

 

ENTROIDO 2022

O Entroido volve ao noso cole un ano máis e coas mesmas ganas de sempre. Moita cor e orixinalidade en tódolos disfraces e a decoración , onde non faltaron os peliqueiros e máscaras elaboradas polos nenos e nenas!

Princesas, dragóns, fadas, robots, superheroínas e superheroes,... e mesmo unha manifestacións de hippies reclamando a paz no mundo!

 Cada grupo elixiu o seu disfraz favorito. Aquí están os gañadores

Admisión alumnado 2022-2023

Pola presente infórmase da apertura do proceso de admisión de alumnado para o curso 2022-2023, que terá lugar do 1 ao 21 de marzo.

Normativa reguladora:

  • ORDE do 18 de decembro de 2020 pola que se modifica a Orde do 12 de marzo de 2013 (código de procedemento ED550A e ED550B).

  • ORDE do 25 de xaneiro de 2017 pola que se modifica a Orde do 12 de marzo de 2013.

  • ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

  • DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

As familias poderán presentar o impreso ED550B (premer no arquivo adxunto para visualizalo/imprimilo) de forma presencial en conserxería, a través da aplicación admisionalumnado ou a través da sede electrónica.

Prazas vacantes para o vindeiro curso 2022-2023:

 

CURSO

PRAZAS CUBERTAS

PRAZAS VACANTES

E. I.3- 4-5 anos

16

24+3NEAE

7

18+3NEAE

16

9

11

14

10

15

11

14

10

15

 

 

Distribuir contido


by Dr. Radut