Iniciar sesión: Acceso

Eventos

« Marzo 2024 »
LunMarMérXovVenSábDom
123
45678910
11121314151617
18192021222324
25262728293031

Pais/Nais

PLAN DIXITAL

Aliméntate ben

ALIMÉNTATE BEN

II XORNADA CULTIVANDO AVENTURAS

O pasado 16 de maio, como ben saberedes, celebramos na escola a "II Xornada Cultivando Aventuras".

Foi un día ben bonito, no que que gozamos moito nenos, nenas, familias e mestres; e agardamos que poidamos volver repetila no vindeiro curso.

Ao comezo do día tivemos un obradoiro de cociña saudable que lle chamamos "Artes Cheff", logo un concerto didáctico sobre a música tradicional, a continuación asistimos á "Feira ecolóxica" na que ofrecemos produtos ecolóxicos, manualidades que nós elaboramos e tamén produtos que cultivamos na nosa horta coa colaboración de Manolo e de "Sachos á Rúa".

Para rematar o día, saboreamos unha fantástica paella vexetal (entre outras cousas) toda a comunidade educativa.

Foi unha xornada de convivencia xenial para nós!

Grazas a tódalas familias por facer isto posible, xa que sen a vosa colaboración, non sería o mesmo.

Se clicades aquí poderedes ver unha escolla de fotos deste día.

Até a próxima

VIAXE AO PORTO E Á LONXA DE RIBEIRA

Ola a todos e todas! Nesta entrada queremos mostrarvos a nosa visita ao porto de Ribeira e tamén á lonxa dentro do programa "O sabor da aventura está no mar".

Foi unha visita moi interesante; vimos as diferentes embarcacións, as artes de pesca, os diferentes espazos da lonxa e como é proceso ao que se someten os peixes e mariscos dende que son capturados até que o atopamos nas peixarías.

Foi moi divertido, pasámolo moi ben. Para rematar a xornada tivemos unha merenda mariñeira con empanada de polbo e ensalada! Que marabilla!

Aquí podedes ver un resumo do noso día!

Até a próxima

 

 

 

 

 

 

PONLLE AS PILAS AO TEU BOCATA!

Ola a todos e todas! O pasado martes 10 de abril, no marco do programa "Aliméntate ben", contamos no centro co obradoiro PONLLE AS PILAS AO TEU BOCATA.

Neste obradoiro continuamos coñecendo tódolos beneficios que ten unha alimentación saudable e tamén os beneficios que aporta á nosa saúde o consumo de peixe. Para rematar o obradoiro, que mellor que facelo degustando uns bocadillos saudables de peixe e marisco en conserva con vexetais! Gustounos moito; o certo é que moitos de nós nunca antes probáramos un bocadillo de choco, ou de zamburiña, ou de sardiña......e foi un gran acerto....GUSTÁRONNOS MOITO!!

Neste vídeo, podedes ollar as fotos da xornada!

Agardamos que vos guste e vos animedes a probar os bocadillos de conservas de peixe!!

O SABOR DA AVENTURA ESTÁ NO MAR

O pasado venres 29 de marzo tivo lugar no noso colexio un obradoiro titulado "O sabor da aventura esta no mar" que se enmarca  no Plan Proxecta Aliméntate Ben. 

Tivemos a visita do mariñeiro Luís e da cociñeira e mariscadora Mariña. Contáronnos como é a vida e os traballos do mar, e tamén nos falaron dos beneficios que ten para nós o consumo de peixe. Para afianzar o aprendido fixemos uns xogos e pasámolo xenial, foi moi divertido!

Antes de despedirnos entregáronnos un documento que asinamos todos e todas no cal nos comprometemos a aumentar o consumo de peixe e a animar ás persoas a que consuman máis peixe porque teñen moitos beneficios para a nosa saúde.

Foi unha xornada divertida que nos gustou moito. Neste vídeo poderedes ver un resumo do ben que o pasamos!

Deica a próxima!

 

VISITA AO GADIS

A pasada semana todo alumnado do colexio asistiu unha visita didáctica ao Hipermercado Gadis, en Ribeira baixo o programa "Alimentes"

Nesta visita falamos dos grupos de alimentos, dos hábitos de vida saudable, a importancia de consumir os produtos de tempada e da nosa contorna... Visitamos tamén, as diferentes seccións do supermercado onde fomos vendo os diferentes alimentos e os valores nutricionais dos mesmos.

Foi unha xornada que nos gustou moito e nos resultou moi interesante! Aquí vos deixamos unha mostra para que vexades como nos foi a visita!

Clicade nesta imaxe, non o perdades!

 

                          

 

 Ahhh, que non vos dixemos....agasalláronnos unha mochiliña cunha merenda saudable: unha auga, un plátano e un brick de leite! Vaia agasallo, marchamos encantados!

Até a próxima

 

HOXE COCIÑAMOS

Os nenos e nenas de 3º e 4º estivemos traballando na aula "A ALIMENTACIÓN". Estudamos os nutrientes, os grupos de alimentos en función dos nutrientes que teñen cada un deles, a roda dos alimentos, a dieta saudable, receitas de cociña...

Para rematar , decidimos elaborar unha merenda saudable na aula, na que nos convertemos en cociñeiros e cociñeras. Debatemos entre tod@s que podíamos facer... e decidimos facer uns sándwiches vexetais e batido de amorodo e plátano. Dividímonos en dous grupos, e cada grupo foi o encargado de elaborar unha receita.

Chegou o día.... Foi unha mañá moi divertida. A profe preparou os ingredientes e logo nós, tendo en conta os pasos escritos na receita o pasado día, fomos levando a cabo todo o proceso.

Foi moi divertido, gustounos moito traballar en equipo, converternos por un día en cociñeir@s e o que máis nos gustou foi o resultado ........os sándwiches e o batido estaban DELICIOSOS! Tomamos unha merenda saudable, que moitos de nós nunca probáramos e pareceunos unha experiencia moi gratificante!

Aquí podedes ver como fixemos o noso taller de cociña!

Agardamos que vos guste!

 

FACEMOS CONSERVAS COS COGOMELOS

Ola!! Recordades que vos contamos que participáramos nun obradoiro de micoloxía? Pois nesta entrada imos contarvos o resultado... Coidamos as pacas para cultivar os cogomelos nas aulas e .... como medraron, xa temos cogomelos!

Pensamos que poder facer con eles, para conservalos durante algún tempo e así máis adiante poder facer algún obradoiro de cociña e poder degustalos; mmmm que rico! Sabedes o que se nos ocorreu? Facer conservas de cogomelos en escabeche!

Foi unha gran experiencia, repartímonos en grupos onde cada quen era o encargado dunha parte do proceso. Foi moi motivador para nós traballar en equipo e conseguir o produto final! 

Mentres argallamos cando poder saborear estes cogomelos, convidámosvos a que olledes este vídeo no que se recolle unha escolla de imaxes deste día!

Deica a próxima!

 

 

OBRADOIRO DE MICOLOXÍA

Ola a todos e todas! Nesta entrada queremos compartir con vós o "Obradoiro de micoloxía", no que tódolos nenos e nenas do colexio participamos. Aprendemos moito sobre os cogomelos, as súas partes, os diferentes tipos de cogomelos que hai, xogamos, pintamos... e sabedes que? Os máis maiores fixeron un preparado para poder cultivar cogomelos no colexio. Veremos que pasará con eses preparados máis adiante!

Aquí podedes ver como nos foi nesta xornada!

Deica a próxima!!

 

 

MAGOSTO

Ola a todos e todas! O pasado mes de novembro celebramos no colexio unha festa moi tradicional aquí en Galicia: O MAGOSTO; na que ten moita importancia a castaña; o froito dos castiñeiros.

Neste día, organizamos unha merenda na que degustamos todos xuntos castañas asadas e logo realizamos unha serie de xogos; resaltando así a importancia de combinar unha alimentación saudable coa actividade física.

Pasámolo xenial , foi unha xornada estupenda!

Clicade aquí  para ollar que ben o pasamos!

 


O MAGOSTO