Aberto o prazo para solicitar a axuda para adquirir libros de texto e material escolar para o vindeiro curso 2022/2023, desde o 19 de maio ata o 22 de xuño de 2022, ámbolos incluídos. Pódese presentar a solicitude de xeito telemático ou na secretaría do centro.
O pasado venres visitounos o regueifeiro mariñán Cristian Gomez, co que pasamos un día moi divertido aprendendo o que son as regueifas e incluso facendo as nosas propias creacións.
Aquí podedes atopar información sobre estas composicións para aprender un pouco máis.
Durante a semana do Entroido os nenos e nenas do cole indagaron sobre as diferentes celebracións desta festa ó longo de Galicia. Buscaron información e coñeceron un pouco máis as nosas tradicións. Como resultado final, crearon mediante diferentes técnicas plásticas, as máscaras tradicionais de cada zona.
