As compañeiras e os compañeiros de sexto teñen como área de libre elección "robótica". Na sesión están presentes tamén os nenos e nenas de 5º traballando cos diferentes robots.

Comezamos a crear o noso videoxogo de tenis empregando o "mblock", para coas mesmas instrucións aprender a programar os m-bots.

Traballamos en equipo para acordar, deseñar, planificar e construír diferentes robots que permitisen superar os diferentes retos plantexados. Empregando diferentes coñecementos lóxico-matemáticos que xa tiñamos, aplicándoos en situacións reais.

Nunca está mal algunha que outra competición entre equipos, cos nosos diseños tanto de construción como de programación.

Descubrimos como funcionan algúns dos sensores e aprendimos do erros cometidos.

Levamos a cabo unha autoavaliación do noso traballo en equip para valorar o funcionamento do mesmo. 

Ó longo do segundo trimestre remataremos os nosos xogos e poderedes xogar con eles nesta mesma web.

Tamén comezaremos a traballar no gran reto de fin de curso cos m-bots... pero diso xa vos iremos contando moitas cousas o vindeiro trimestre.

Podes ler de seguido todo que facemos nos obradoiros de robótica libres, nos recreos dos luns.

(2019-2020) Explorando todo o que poden facer os nosos robots, nos obradoiros libres dos recreos dos luns.