Carta para as nenas e os nenos.

Olaaaa!!!Como xa lles dixemos ás mamás e aos papás, as profes de 3º A e 3º B preparamos unha serie de propostas para facer nestes días de corentena. Como non sabemos o tempo que imos ter que estar na casiña, é importante que traballedes algo para non esquecer o que aprendimos. Por iso aquí tedes fichas de todas as materias (mate, lingua galega, lingua castelá , sociais e naturais), iguais ás que facemos na clase, pero tamén tedes páxinas web coas que podedes disfrutar moito.

E lembrade:

Sede bos, colaborade na casa, aproveitade para disfrutar a tope e ..... traballade un pouquichiño!!!

QUEDADE NA CASA.

TODO VAI SAÍR BEN.

Verónica e Carmen.

Estimadas familias:

Queremos axudarvos cunha serie de IDEAS OPCIONAIS para manter un horario e unhas rutinas nestes días especiais, que podan axudar a que o ritmo de traballo e autonomía das nenas e nenos non se vexa prexudicada:

- Intentar elaborar un horario diario (de luns a venres) no que se inclúan actividades como por exemplo: tempo de lectura diario (recomendamos uns 30 minutos como mínimo), tempo para realizar as actividades propostas na páxina web, tempo de lecer, etc.

- Diario do Coronavirus: parécenos unha boa idea que as nenas e nenos redacten diariamente como están a vivir estes días de corentena. Poden expresar o que aprecian no seu entorno e como se senten eles mesmos día a día. Será un bo xeito de contar como viviu cada un de nós esta situación cando volvamos ao colexio.

- Repasar o que aprendemos de nutrición saudable organizando menús diarios e calculando cantidades en función dos membros da familia.

- Para completar as suxestións que vos iremos colgando na páxina web, propoñemos os seguintes enlaces onde as nenas e nenos poderán visualizar vídeos explicativos dos contidos que levamos vistos:

► Nesta páxina poderedes visualizar contidos de ciencias naturais e sociais.

► Nesta páxina poderedes atopar xogos educativos de tódalas materias e para o nivel de 3º de primaria.

Queremos agradecervos a comprensión e colaboración nestes días que se aveciñan e lembrarvos que para calquera dúbida nos escribades por Abalar.

O mércores 18 colgaremos material por áreas.

Moitas grazas a todas e todos.

Titoras de 3º E. Primaria.

Con esta aplicación, poderás poñer a proba todo o que recordas sobre o vocabulario de inglés de "Food". Os pasos son os seguintes:

1) Proba a ver cántas flashcards acertas! Pincha aquí

2) Intenta acertar a resposta correcta. Pincha aquí

3) Serías capaz de escribilas? Pincha aquí

4) Afina o oído e escribe o que escoites! Pincha aquí

5) Proba que xa és todo un experto ou experta nesta proba. Pincha aquí

 Con motivo do día da muller que celebramos o día 8 de marzo, o alumnado de 3º EP tivo a súa pequena participación no mural conxunto que fixemos entre todos os nenos e as nenas.

 A nós tocounos a frase “E UN LIBRO” que fomos pintando entre todos.