Adxuntamos un PDF coa relación de libros de texto para o curso escolar 2021/2022

Os documentos a entregar debidamente cubertos son os seguintes que atoparedes adxuntos mais abaixo:

• Anexo III-1: documento de formalización de matrícula de educación infantil e primaria.
• Fotocopia da cartilla de vacinacións ou xustificante médico certificando que o alumno/a posúe tódalas vacinacións propias da idade.
• 3 fotografías tamaño carné (co nome do alumno/a escrito no reverso)
• Fotocopia da tarxeta sanitaria individual do alumno/a
• Datos de saúde do alumnado
• Autorización do uso da imaxe
• Autorización saídas educativas
• Autorización recollida alumnado
• Cuestionario lingua materna (soamente educación infantil)

O día 5 de xuño foi o Día Mundial do Medio Ambiente, pero no cole, celebrámolo o luns día 7 realizando unha plantación. Estivemos colocando diversas plantas gabeadoras para embelecer o valado que dá cara ao río. Aquí podedes desfrutar dalgunhas das imaxes da xornada organizadas por grupos.

O venres 28 de maio Iria e Espe en representación do cole foron entregar as cestas de benestar aos centros de maiores de Fene: Afago, Resanes e Xuntanza. A cestas de benestar son o produto final do noso PDI, Emoticenti co que buscamos ter un impacto na nosa comunidade e que os nosos maiores disfruten tanto coma nós este ano.

En todos os centros nos recibiron con moito cariño e nos recalcaron as gañas que tenen de ver aos nenos e nenas e de utilizar todo o que lles preparamos. Aquí está o vídeo da entrega en cada un dos centros:

Dende xaneiro no cole tivemos unha revolución que implicou pensamento arquitectónico, moreas de creatividade e montañas de motivación. Trátase do proxecto #mestradeobra que xunto co CFR de Ferrol e con Fermín e Leticia de Sistema Lupo fomos desenvolvendo no cole.

Realizamos diversas actividades: 

• Unha reunión inicial cos arquitectos, concello, familias e profesorado
• Unha investigación en familia sobre as orixes e o pasado do centro
• Aprendizaxe sobre escalas
• Lectura e interpretación de planos e mapas
• Traballo do pensamento crítico a través dunha análise DAFO
• Creación de planos coas nosas ideas sobre o que nos faría felices no cole
• Taller de construcción con pezas Lupo con Leticia e Laura
• Formación co profesorado
• Búsqueda do tesouro
• Creación de maquetas
• Exposición das nosas maquetas
• Presentación do anteproxecto á comunidade educativa

Para ler con calma toda a información das actividades e ver as fotos de cada unha delas, podedes facer click na seguinte imaxe:

Ademáis da presentación das maquetas, os nenos e nenas de Centieiras nos explicaron como está recollido no seguinte vídeo o cole que queren. 

Despois de ter traballado tanto, Leticia e Fermín nos presentaron o anteproxecto que deseñaron para Centieiras. Podedes ollalo facendo click na imaxe de abaixo. A ilusión non nos cabe no corpo!

Non queremos rematar maio sen contarvos as novidades e cousiñas máis destacadas que as nenas e nenos do noso cole estiveron a facer neste tempo.

Nesta ocasión os encargados e encargadas de contárnolo son o alumnado de 6ºB de Educación Primaria en colaboración coas nenas e nenos de infantil.

Aquí vos deixamos o enlace para poder escoitarlo.

Esperamos que vos guste.

http://173.255.131.18/audio/280521CRONICAS.mp3

Aquí vos deixamos a última entrega do curso do programa "Cóntoche que sei facer?"

Agardamos que vos gustara e que pasarades bos momentos véndoo e descubrindo algunhas das cousiñas tan estupendas que as nenas e nenos do cole fan no seu tempo de lecer.

Grazas pola vosa participación rapaces/as. Estades feitos uns auténticos e autenticas artistas!

https://www.kizoa.com/Video-Editor/d360521395k9505440o2l1/CNTOCHE_QUE_SEI_FACER_MAIO

Ao longo da semana pasada o alumando andivo a investigar e recopilar información de Xela Arias, a autora a quen este ano a Real Academia Galega (RAG) lle adicou o 17 de maio.

Con todos os datos recadados deseñou carteis e paneis informativos da súa vida e obra para logo, montar con eles unha exposición polos corredores do colexio.

A continuación deixámosvos un vídeo que recolle as máis destacadas imaxes desta homenaxe que o noso alumnado lle rendiu.

https://www.kizoa.com/Video-Editor/d360523063k2919275o2l1/LETRAS_GALEGAS_2021

O martes 11 de maio celebramos "Os Maios" no cole.

Que ben o pasamos colocando as flores!

Ollade que ben quedaron clicando no enlace.

https://www.kizoa.com/Movie-Maker/d360268575k6452078o1l1/Maios%20centi

Hoxe o alumnado de 5º e 6º tivemos unha videoxuntanza con Manuel Rivas para falar sobre o libro que limos este trimestre O Chispas. Foi unha charla pausada, tranquila e moi interesante. Manuel Rivas comezou falándonos das palabras, da escritura, do proceso creativo… Deseguida comezamos coas nosas preguntas, que eran moitas, sobre a súa inspiración para crear os personaxes, cal foi o seu primeiro libro e cando o escribiu, se vai escribir máis libros para nenos e nenas, se escribiu o libro de O Chispas confinado, o motivo de que no seu libro aparezan tantos animais, se se leva ben coa ilustradora…Ata sabemos en que anda traballando nestes momentos!

Moitas grazas  Manuel Rivas por pasar con nós esta xornada.

   O alumnado de 6º está desfrutando do seu último trimestre no cole. O pasado venres 23 de abril tivemos unha xuntanza virtual organizada pola nosa orientadora Lorena  e o orientador Benigno  do CPI A Xunqueira.

Na videochamada Benigno  explicoulles aos nenos e nenas como será a nova etapa educativa que comezan para o próximo curso.

A charla foi moi amena e participativa e Benigno resolveu todas as inquedanzas e preguntas dos noso alumnado. Temos que agradecer a Lorena e Benigno esta iniciativa para coñecer de antemán a nova etapa educativaque lles agarda.

Os alumnos e alumnas do centro están totalmente inmersos en ser arquitectos e arquitectas, deseñado o cole no que lles gustaría aprender. Esta é a actividade do terceiro trimestre coa que eles e elas finalizan as actividades de #mestradeobra.

Grazas a Dani e a Regino (o pai de Vera e Pablo e un achegado da profe Cris) temos o edificio do cole de Centieiras impreso en 3D! A partir del, os nenos e nenas idearon, deseñaron e fabricaron "a escala" o que querían que tivera cada recanto do exterior do cole. Así que niso estamos, pegando, cortando, construindo e creando!

En Centieiras os xoves arquitectos e arquitectas non paran. Agora, a piques de rematar o terceiro trimestre teremos a formación final de mestra de obra para os e as maiores da comunidade educativa. Para elo, o xoves 20 teremos unha sesión presencial no centro de 16 a 19h á que estades invitados e invitadas. Debido ás medidas Covid-19, temos un aforo de 25 persoas polo que novamente necesitamos que as persoas interesadas envíen un correo a ceip.ascentieiras@edu.xunta.gal no que iranse enchendo por orde de recepción dos correos.

Moitas grazas e bo día!

    Como sabedes este curso o noso proxecto EMOTICENTI trata sobre o benestar físico e emocional. O alumnado de 6º andaron a investigar sobre os beneficios e as vantaxes de practicar ioga, Antía, nai dunha das nosas alumnas e mestra de ioga, preparounos unha sesión especial na que nos resolveu unhas cantas dúbidas. A xornada foi un éxito, unha boa experiencia para todos e todas.  Deixámosvos unhas fotos dos grupos e un anaquiño do comezo da sesión no enlace.

SESIÓN DE IOGA

Aquí nos chega unha nova entrega do programa "Cóntoche que sei facer?".

Agardamos que desfrutedes con el. 

https://www.kizoa.com/Video-Editor/d358066425k7491892o2l1/CNTOCHE_QUE_SEI_FACER_ABRIL_2021