Hoxe o alumnado de 5º e 6º tivemos unha videoxuntanza con Manuel Rivas para falar sobre o libro que limos este trimestre O Chispas. Foi unha charla pausada, tranquila e moi interesante. Manuel Rivas comezou falándonos das palabras, da escritura, do proceso creativo… Deseguida comezamos coas nosas preguntas, que eran moitas, sobre a súa inspiración para crear os personaxes, cal foi o seu primeiro libro e cando o escribiu, se vai escribir máis libros para nenos e nenas, se escribiu o libro de O Chispas confinado, o motivo de que no seu libro aparezan tantos animais, se se leva ben coa ilustradora…Ata sabemos en que anda traballando nestes momentos!

Moitas grazas  Manuel Rivas por pasar con nós esta xornada.