Skip to Content

Xornadas interxeneracionais

O pasado xoves 11 de abril asistimos ás XVI Xornadas Interxeneracionais convocadas e organizadas polo alumnado de Educación Social  e pola Universidade de Vigo. Nelas, compartimos espazos, xogos e tempo con persoas moi diferentes. Para nós foi unha experiencia nova e distinta á das aulas de todos os días!

Visita o teu super!

Hoxe participamos nunha proposta do grupo Vegalsa Eroski moi directamente relacionada co proxecto deste curso: os Hábitos saudables. 

Primeiro, recibimos unha pequeniña pero moi interesante charla no cole sobre os hábitos saudables e a organización dun super. Despois, o autobús recolleunos e fomos a visitar o Eroski de Ribadavia, no que nos fixeron un percorrido guiado polas diferentes seccións, parándose a explicarnos cada unha delas (cales eran os EPIs dos carniceiros e carniceiras, como saber diferenciar un pescado azul dun brando...) e nos prepararon unha marabillosa e moi saudable merenda! E ademais, déronnos un agasallo moi chulo! 

Encantounos a actividade! Noraboa pola proposta :)

Entrega de premios do VI Concurso do Estatuto de Autonomía de Galicia

Hoxe unha das nosas compañeiras do cole recibiu no Teatro Principal un dos premios do VI Concurso do Estatuto de Autonomía de Galicia polo seu debuxo.

Noraboa querida Uxía! 

 

"A Fada Pirata"

Hoxe, no cole tivemos a sorte de poder desfrutar dunha marabillosa obra "A Fada Pirata" interpretada polo grupo "Os Furabolos", baseada no libro "A Fada Pirata" do escritor Carlos Labraña. 

O certo é que foi un pracer enorme poder desfrutar dela. Mil millóns de grazas por compartila con nós!

Plan director de convivencia

Esta semana, o alumnado maior do cole participou na segunda das charlas do Plan Director de Convivencia impartidas por persoal da Guardia Civil. Desta volta a temática foi a "Violencia de xénero". 

Velaquí vos deixamos algunhas fotiños.

Visita da U.D.Ourense

O pasado venres 29 de marzo recibimos no cole, dentro de "Coñece o meu clube", a visita de varios membros da Unión Deportiva Ourense, que nos estiveron contando un pouquiño sobre eles, respondendo ás nosas preguntas e xogando con nós un partidiño. 

Moitísimas grazas pola vosa visita pois o noso alumnado levaba días preguntando por ela!

 

Podedes consultar tamén a nova na páxina do clube, https://udourense.com/u-d-ourense-no-c-e-i-p-carmen-ga-carrasco-de-cenlle/

Semana da árbore e da auga

Hoxe conmemoramos a "Semana da árbore e da auga" coa plantación dunha árbore nas contornas do centro. Para iso, na sesión da tarde, todo o alumnado do cole tivémonos que poñer a camiñar! Qué gusto con este bo tempo!

 

Experimentos científicos en Primaria

Hoxe, todo o noso alumnado de primaria desfrutou dunha marabillosa xornada de Ciencias no cole na que deron vida a un volcán, descubriron procesos físicos e químicos (a vela máxica) e ata realizaron un test de respiración e seguiron a pista ao CO2 en relación co cambio climático.  

Tratábase da actividade "Biodiversión", do Instituto de Investigación Agrobiolóxicas de Galicia do CSIC, dirixida a alumnado de 5º e 6º de primaria. Non obstante, nós tivemos a sorte de ser un dos dous centros da provincia de Ourense que realizaron a actividade e que todo o alumnado de primaria poidera participar. Gustaríanos agradecer enormemente a posibilidade de participar nesta fantástica proposta!

 

Lucy e os lácteos

O pasado venres 15 de marzo participamos nunha actividade sobre lácteos. Trátase de "Lucy e os lácteos". 

Velaquí vos deixamos algunhas fotiños!

Ponlle as pilas ao teu bocata

Este mércores 13 de marzo tivemos no cole unha actividade incluída no Aliméntate ben (dentro do Plan Proxecta). Trátase de "Ponlle as pilas ao teu bocata". A través dela descubrimos que hai moitas e moi variadas formas de preparar un bocata: con sardiñas, mexillóns, chocos, atún, ensalada, tomate... 

Así, na actividade sumerxímonos nunhas bateas a través dunhas gafas en tres dimensións, aprendemos cousas de diferentes peixes a través dun vídeo e dunha cámara moi especial e ata nos prepararon un bocata que cadaquén foi confeccionando e do que demos boa conta no recreo!

Distribuir contido


by Dr. Radut