Skip to Content

Maquetas sobre os ecosistemas

O noso alumnado máis maior elaborou, en colaboración coas súas familias e coa súa titora, o ecosistema que cadaquén libremente escolleu. 

E así lles quedou o resultado, agora exposto no corredor central do centro para que o resto da comunidade educativa poidamos desfrutar deles. Podedes ver máis fotiños na nosa galería (clicando na parte superior dereita desta páxina web). 

Samaín 2019

Onte mércores celebramos no cole o Samaín-Halloween! E para iso caracterizámonos, participamos nunha actividade audiovisual que nos preparou a profe Raquel, fixemos un obradoiro de manualidades coa profe Maite, entregamos os agasallos por participar e tamén ás gañadoras do Concurso de cabazas (que como sempre é o noso alumnado o que vota) e fomos polas casas do pobo a pedir... TRUCO OU TRATO acompañados dalgunhas familias. 

Así dá gusto festexar o Samaín! Ata o ano que vén, Samaín!

MAIS FOTOS

 

Día das Bibliotecas: inauguración!

Hoxe celebramos no cole o Día das Bibliotecas Escolares dunha forma moi especial, coa inauguración da nosa nova biblioteca!!!! 

Temos o gusto e a ilusión de presentarvos a nosa nova biblioteca, na que hai espazos para lectura, traballo en grupo, xogo, novas tecnoloxías, busca de información, creatividade, diversidade... Así dá gusto ir a ler!

Ademais, tivemos a sorte de poder desfrutar coa visita do profe Pablo, que hai dous cursos estivo no cole con nós. Agradecemos un montón a súa visita e a de Raimunda, o seu novo libro que hoxe compartiu con nós. Agardámoste prontiño de novo, profe Pablo!

Velaquí vos deixamos algunhas fotiños,e se queredes ver máis fotos FAI CLIC AQUI

Mochilas viaxeiras!

A pasada semana puxemos en marcha as nosas bolsas e mochilas viaxeiras cargadiñas de libros que chegarán ata as casas de todo o noso alumnado. 

Agardamos que desfrutedes moito da lectura dos tesouros que levan gardados! 

E moi prontiño... inauguraremos a nosa nova Biblioteca!

MÁIS FOTOS AQUI

Charla sobre a Seguridade nas redes

Dentro do Plan director de Convivencia no que participamos xa o curso pasado, este ano continuamos no programa. Desta volta recibimos unha charla impartida pola Guardia Civil de tráfico sobre os perigos e a importancia da seguridade no uso das redes sociais e outros programas informáticos. 

Moitas grazas pola visita!

Semana do deporte e Semana do clima

A semana pasada conmemoramos no cole dúas cousiñas ben importantes. Por un lado, celebramos a Semana Europea do Deporte a través de xogos nos recreos (carreiras de relevos, deportes, xogos populares) e por outra banda acordámonos da importancia de coidar o noso planeta para o que nos unimos á iniciativa proposta para a semana que consistía en levar camiseta verde un día, preparar un cartel outro día, visionar un vídeo; entre outras. 

Aquí vos deixamos algunhas fotiños!

Festa de benvida

E como non podía ser doutro xeito, comezamos o curso cunha festa de Benvida que o Concello de Cenlle trouxo ao cole. Non faltaron colchonetas, tatuaxes e xogos! Así dá gusto comezar o cole!

Velaquí algunhas fotiños!

Fin de curso 2018/2019

E como non podía ser doutro xeito despedimos este curso 2018/2019 cunha animada festa de despedida na que non faltaron actuacións, arte, baile, música, movemento e, por suposto, graduacións! E algunha que outra lágrimiña!

Ademais, este ano foi algo máis especial, pois rematamos a xornada cunha xuntanza nas Termas de Barbantes, onde o alumnado desfrutou dun baño, unha merenda e un tempo para eles e elas. 

Repoñede ben as pilas que.. volvemos en setembro!

Excursión fin de curso 2019!

Hoxe realizamos a excursión de fin de curso 2018/2019. Foi unha xornada divertida e chea de actividades variadas: paseo en barca, tirolina, tiro con arco, slackline, animais... NATUREZA!

Velaquí un pequeniño recordo.

 

Concurso "Doces saudables"

Como broche final ao Proxecto sobre "Hábitos saudables" desenvolto este curso hoxe celebramos no cole un concurso de doces saudables elaborados polo alumnado en colaboración coas súas familias. Nel, premiamos as sobremesas máis ricas, orixinais e saudables. 

Moitísimas grazas e noraboa a todas e todos os participantes, pois todos os postres estaban boísimos!

Distribuir contido


by Dr. Radut