Web do CEIP Plurilingüe do Camiño Inglés
Protexe os animais
Lecturas conxuntas con animais
Neste trimestre imos ler todos e todas xunt@s dous libros relacionados cos animais, "Neón, el perro reloj" e "Estrelas de Azucre" de seguro que nos enganchan.
Quero un canciño!
Esta é unha frase que moit@s de nós xa dixemos en casa, pero agora sabemos moito mellor o que iso implica.
Na actividade de hoxe primeiro vimos a curtametraxe "Quero un canciño", logo completamos a ficha e por último comprobamos as nosas respostas con este outro video de "Tenencia responsable de Mascotas para Niños"
Seguimos aprendendo
Hoxe na hora de ler presentamos dous novos manuais no que vén un montón de información moi interesante e do que temos que tomar moi boa nota.
Facemos os deberes
Como bos e boas alumn@s que somos, fixemos os deberes que nos puxo María Sabell porque explicounos que o traballo constante e aplicado ten bos resultados, tanto nas persoas como cando ela traballa cos cans e coas familias.
Tivemos que descubrir de que razas eran os cans que viñeron a visitarnos ese día. Así que decidimos facer un xogo tipo memory e cada un buscou unha raza e fixemos unhas tarxetas na aula de informática cun modelo dado. Tamén incluimos cans mestizos, que son os cans de non teñen raza pero non por iso son menos intelixentes ou bonitos, esas fotos son de cans do Refuxio de Bando.
Igualmente había que localizar a península do Labrador para saber de onde procedía esa raza.
Por último, como coñecimos a Teixo, que é un San Bernardo, María explicounos que tiñamos que descubrir quen foi Barry. Así que sen perder tempo investigamos e escribimos a súa historia para poder contarlla cando volvera. Imaxes
Visita de "Só lles falta falar"
Hoxe foi un día moi especial. Recibimos a visita da Asociación "Só lles falta falar". Viñeron con 7 cans de apoio terapéutico: Teixo, Rula, Noa, Lizzie, Cork, Bico e Piroco. Descubrimos todo o que son capaces de facer, a verdade e que quedamos abraiad@s. Non sabiamos que hai cans con boca branda que son axeitados para poder coller cousas para os seus donos, que poden servir de apoio a unha persoa para subir as escaleiras e un sinfín máis de cousas.
Puidemos peinalos e aprendemos que os pelos dos cans poden usarse para que os paxaros fagan os seus niños.
María Sabell, a responsable da educación destes cans púxonos deberes... Imaxes
Os animais non son agasallos
Antes do Nadal é moi importante insistir na idea de que os animais non poden ser caprichos destas datas. Ter un animal de compañía supón unha responsabilidade e poder asumila senón é canto acontece o abandono ao non poder atendelos.
Pouquiño a pouco imos sendo conscientes do que implica ser dono ou dona dunha mascota. Ademais tamén imos descubrindo cousas como que non hai que mercar senón adoptar. Non é necesario que sexa o can máis bonito do mundo, nin perfecto, simplemente que se axuste a nós.
Para afondar na reflexión visualizamos dúas curtas: Lévame a casa e o Agasallo
Os sentimentos de Fulanito
Traballamos as emocións e os sentimentos e clasificámolos no circo ou na sabana de Fulanito. Unha viaxe EMOCIONANTE! Imaxes
Seguimos traballando con Fulanito
Elaboramos unhas fichas para seguir traballando co conto de Fulanito, aquí as tendes para que vós tamén poidades descubrir a historia de Fulanito. Imaxes
"O León Fulanito"
Seguimos coa temática dos animais nos zoos e nos circos pero desta vez centrándonos en imaxinar como se poden sentir eses animais. Iria preparou unha sesión de contaconto coa participación de todos e todas para que "sintamos" o que lles pode pasar a eses animais. Imaxes
Hora de ler con "Un elefante ocupa mucho espacio"
Hoxe na hora de ler vimos e escoitamos o conto de "Un elefante ocupa mucho espacio". Foi unha boa excusa para poder falar sobre os zoos, as diferenzas que hai entre estes e os parques naturais, os parques naturalizados (como o de Cabárceno) ou os centros de recuperación.
Tamén aprendemos que animais se poden ter como mascota e cales non, xa que as modas ás veces fan que queiramos animais que non se adaptan ben á vida nos nosos fogares.
Unha sesión moi interesante e moi proveitosa. Imaxes
Mascota con Pictogramas
A nosa compañeira Gisela ten a ficha da súa mascota Marshall con pictogramas. Marshall é especial porque o están educando para ser o compañeiro fiel e axudante de Gisela. Seguro que xuntos fan facer un gran equipo, polo de agora coñecémolo a través desta ficha.
Tamén aproveitamos para ver unhas poesías moi chulas de Douglas Wright pasadas a pictogramas.
Presentamos as nosas mascotas
Na casa moit@s de nós temos mascotas, chegou o momento de presentalas aos nosos compañeiros e compañeiras. Aproveitamos para dicir todo o que nos gusta delas e como as coidamos. A realidade é que son un membro máis das nosas familias. Exemplos de fichas
Pincha aquí para ver as mascotas da clase de Cuarto.
Pincha aquí se queres ver as mascotas da clase de Segundo.
Choiva de ideas!
Quixemos contestar á pregunta de: Que é para nós protexer os animais.
Aquí van algunhas das nosas respostas. Imaxes
O noso recuncho
Hoxe tocou preparar o noso recuncho para traballar no noso proxecto. Un lugar para o respeto aos animais, con mensaxes que nos lembren o importante que é esta labor. Tamén temos un lugar privilexiado para a bibliografía relacionada. Imaxes
Inauguramos o noso Proxecto!
Con moito entusiasmo empezamos, as clases de segundo e cuatro, un proxecto que nos levará a entender mellor as nosas mascotas, para os que as temos, pero sobre todo a respectar e coidar os animais en xeral.
Os animais son seres vivos e por iso tanto poden ser felices coma sufrir todo depende de como os tratemos e con esta reflexión e unha curtametraxe empezamos a nosa aventura. Ao ser unha curta sen diálogos tamén nos paramos a pensar en todo o que se pode comunicar sen palabras xa que os animais así nos fan saber como están ou como se sinten, coa súa propia linguaxe.