Skip to Content

Últimas noticias

5º CARREIRA SOLIDARIA "Móvome pola Paz" 2021

 

CARREIRA SOLIDARIA "Móvome pola Paz"

29 de xaneiro de 2021

 

 

Prezadas familias,

Infelizmente este ano non poderemos conmemorar o Día da Paz con vós, nin con outros Centros convidados, no encontro que todos os anos faciamos ao redor da "Carreira Solidaria" (https://www.youtube.com/watch?v=Hbq_NX_IDFc)

A pandemia da COVID19 require medidas extraordinarias que todas as persoas estamos notando. Con todo, é importante que valoremos tamén o esforzo enorme que está facendo o noso alumnado, e en xeral todas as nenas e nenos. Se ultimamente escoitamos dicir que os Centros Educativos son entornos seguros, é grazas á actitude e responsabilidade do alumnado, un dos grupos sociais máis respectuosos coas normas e protocolos COVID19.

O noso día a día, e os medios de comunicación, fannos colocar a atención en exclusiva cara as dificultades e problemas do mundo das persoas adultas, sen darnos conta que a infancia segue e está aquí, tamén sufrindo unha grande perda de dereitos fundamentais nunha etapa de desenvolvemento decisiva na súa vida.

Por tal motivo decidimos organizar tamén este ano a 5ª Carreira Solidaria Móvome pola Paz e a Recollida de Alimentos, mantendo todas as medidas de seguridade e hixiene. O alumnado correrá no exterior, con máscara, mantendo os agrupamentos burbulla, sen público e nun circuíto dentro do recinto escolar. Recordade que o que pretendemos con esta actividade é facer literal o de "Moverse pola Paz", non é unha carreira competitiva.

Desde hoxe, luns día 25 de xaneiro podedes enviar ao Centro os alimentos e produtos de hixiene que logo doaremos ao Banco Municipal de Alimentos do Concello de Ames para a súa distribución.

Este ano agradecémosvos que, máis que nunca, poñades a "Ollada na Infancia" á hora de enviar os alimentos e productos. Non queremos dicir que deixedes de mandar aceite, arroz, deterxente de lavar a roupa, etc, senón que pensemos no que ás nenas e nenos lles gustaría recibir do Banco de Alimentos: cereais, cacao, dentífrico/cepillo infantil ou mesmo unha colonia (por dar algúns exemplos que, seguro, se vos ocorren mellores)

Finalmente, tal como tamén é costume, correremos o día 29 coa camisola branca "oficial" do CEIP de Barouta. Xa fixemos pedido para o novo alumnado. Así como nos cheguen, avisaremos para que as poidades comprar.

Moitas grazas pola vosa colaboración e comprensión

Recibide un agarimoso saúdo,

 

Guia de Linguaxe Inclusiva do CEIP de Barouta

 
 
 
A guía de linguaxe inclusiva do CEIP de Barouta xorde no marco da comisión mixta de traballo en igualdade e xénero, impulsada polo Centro e a ANPA do CEIP de Barouta. Foi unha das liñas de acción do proxecto As máscaras do machismo e contou coa colaboración da Secretaría Xeral de Igualdade na liña de subvencións á promoción da igualdade dirixido a ANPAS dos centros de ensino públicos galegos.
 
Porque unha guía de linguaxe inclusiva en Barouta?
Porque a linguaxe non é unha creación arbitraria da mente humana, senon un produto social e histórico que inflúe na percepción da nosa realidade, no noso estar na socidade e nas nosas relacións. Queremos unha linguaxe inclusiva que nos nomee a todas e todos, sen excluír a ninguén. Esta é unha ferramenta, un primeiro paso que nos axudará a conseguir a igualdade. 
 
Pódese consultar a guía completa premendo na seguinte ligazón:
 
 

25 N - 2020 | Resumo Actividades e Propostas Proxecto ""EmBarouta-T co Feminismo"

25N DÍA INTERNACIONAL

POLA ELIMINACIÓN DA VIOLENCIA CONTRA AS MULLERES

____________________________________________________________

Resumo Materiais e Propostas CEIP de Barouta 2020

 

Vídeo completo do Proxecto "EmBarouta-T co Feminismo"

https://www.youtube.com/watch?v=QofZWnVGCn4

 

 

Música Orixinal do Proxecto "EmBarouta-T co Feminismo" interpretada polo alumnado.

https://www.youtube.com/watch?v=J_RfjdtyXvI

Xa dispoñible para escoita e visualización con imaxes do momento da gravación

 

 

Programa Radio Barouta Especial 25N

https://www.ivoox.com/pt/25n-dia-internacional-pola-eliminacion-da-violencia-audios-mp3_rf_60918674_1.html

Xa dispoñible para escoita na plataforma ivoox onde están todos os podcast de Radio Barouta

 

Guía de Linguaxe Inclusiva

Dispoñible para consulta na ligazón http://www.edu.xunta.gal/centros/ceipbarouta/system/files/Guia.pdf

 

Timbre Musical

Hoxe, 25N, ás 09h00 estreamos novo timbre musical que nos acompañará nos próximos días. Durante o tempo de recreo escoitarase o programa especial de Radio Barouta cos manifestos do alumnado así como coa música orixinal do proxecto "EmBarouta-T co Feminismo".

 

Xermolando Igualdade

Plantación de sementes de violeta, lavanda e outras prantas que formarán parte dos Puntos Violeta das aula para posteriormente trasladalas ao patio de Barouta no 8M

 

Un Chocolate con... Cristina Palacios" (Presidenta de ARELAS)

"Diversidade sexual e de familias. Educar para TRANSformar"

25N ás 18h00 por Videoconferencia

+ info: http://www.edu.xunta.gal/centros/ceipbarouta/node/235

 

Un Chocolate con... Cristina Palacios (Presidenta de ARELAS): "Diversidade sexual e de familias. Educar para TRANSformar"

UN CHOCOLATE CON... CRISTINA PALACIOS
"Diversidade sexual e de familias. Educar para TRANSformar"
25N ás 18h00
Videoconferencia
____
 
A Comisión Mixta de Igualdade e Xénero do CEIP Barouta, integrada por familias e profesionais do centro, convidámosvos este mércores 25N ás 18h00 horas, a participar dun CHOCOLATE VIRTUAL CON... Cristina Palacios, presidenta de Arelas, que nos falará de "Diversidade sexual e de familias. Educar para TRANSformar"
Lamentablemente pola situación actual non podemos convidarvos a un chocolate quentiño, pero si a pasar un momento xunt@s escoitando a unha profesional que ten moito que dicir sobre a realidade social das crianzas e as súas familias.
Podedes acceder directamente picando na seguinte ligazón:
Ou ben accedendo co link, número de reunión e contrasinal que podedes atopar na imaxe adxunta.
Agardamos contar coa vosa presenza...virtual!
 

DISTRIBUCIÓN MÁSCARAS | COVID-19

DISTRIBUCIÓN MÁSCARAS COVID-19


A Xunta de Galicia publicou a Orde pola que se regulan os criterios e o procedemento para a distrubución de máscaras entre o alumnado matriculado en Ed. Primaria. Xa podedes consultar esta información na páxina web do colexio: http://www.edu.xunta.gal/centros/ceipbarouta/node/233

Sobre isto queremos aclarar os seguintes puntos

- BENEFICIARIAS DIRECTAS. As familias que foron beneficiarias da Convocatoria de Axudas de Material Escolar recibirán automaticamente máscaras sen ter que presentar solicitude ED330E. Ollo, as que só recibiron Fondo Libros/Axudas Libros non son beneficiarias directas, tendo que cubrir e presentar o formulario ED330E (se cumpren os requisitos da convocatoria) que se atopa no seguinte link: http://www.edu.xunta.gal/centros/ceipbarouta/system/files/ANEXO%20I%20E%20II_ED330E_G_Alternativa.pdf


- RECOLLIDA DE MÁSCARAS. A Consellería non enviará máscaras, son os Centros educativos quen as teñen que comprar con cargo ao seu orzamento, polo que aínda non dipoñemos delas.


- PRESENTACIÓN PRESENCIAL. A solicitude ED330E debédela descargar da web do Colexio ou da Consellería, cubrir na casa e entregar no Centro. A Xunta no contempla a opción de presentación telemática.


- PRAZO DE SOLICITUDE. do 16 ao 27 de novembro de 2020


- HORARIO de ENTREGA. L-V de 09h05 a 09h45 e de 13h15 a 13h45. Recordade que acordo co Protocolo COVID-19 da Consellería, nas entradas e saídas do alumnado non pode haber persoas adultas dentro do recinto escolar (agás o persoal traballador).


- ENTREGA DIRECTA AO ALUMNADO. Dunha vez que recibamos orzamento de empresas e teñamos o pedido no Centro, entregarémoslle directamente as máscaras ao alumnado, que as levarán na mochila para a casa.


- RENDA PER CÁPITA < 6000€. Para ser beneficiario desta convocatoria a renda per cápita ten que ser igual ou inferior a 6000€

Máis información nos seguintes documentos e no Portal Educativo da Consellería de Educación.

 

Calendario Escolar 2020/2021

RECOLLIDA VALES MATERIAL ESCOLAR | Horarios

HORARIOS RECOLLIDA VALES MATERIAL

Na imaxe anexa podedes ver o calendario e horarios de recollida dos vales de material de Ed. Primaria que acabamos de publicar na páxina web do centro (http://www.edu.xunta.gal/centros/ceipbarouta/node/229)

  • Non é preciso cita previa, pero só se pode acceder ao recinto escolar por este motivo e no horario indicado. A entrada farase respectando a distancia de seguridade e desinfectando as mans no acceso ao edificio. Se houbese xente no interior do edificio recollendo o seu vale de material a espera farase na porta.
  • Agradecese que traiades un bolígrafo propio para asinar a recollida do vale de material e así non ter que compartir con outras persoas.
  • As familias con irmás/áns en diferentes cursos/ciclos de Ed. Primaria, poderán recoller todos os vales na quenda asignada que mellor lles acaia.

 

Grazas pola vosa comprensión e colaboración.

ASEMBLEA VIRTUAL DE CENTRO | Luns, 7 de setembro de 2020

 

Mañá, luns día 7 as 16h30 

ASEMBLEA VIRTUAL DE CENTRO na que explicaremos as medidas incluídas no noso Plan de Adaptación á situación #COVID19 e resolveremos todas as dúbidas que haxa sobre o inicio de curso.

 

Farémola na plataforma que usamos na Aula Virtual: #Webex. Se tedes dúbidas podedes consultar as seguintes instrucións picando aquí: https://www.edu.xunta.gal/centros/ceipbarouta/aulavirtual/mod/page/view.php?id=461

 

Recordade que vos podedes conectar cun teléfono móbil, tablet ou ordenador.

RESUMO | Plan de Adaptación á Situación COVID-19

 

 

 

 

 

 

 

 

 

 

 

 

 

 

  

 

 

 

 

 

 

 

 

 

 

 

 

 

 

 

 

 

 

 

 

Axudas Material e Fondo Libros | Lista DEFINITIVA

Desde hoxe está publicada no taboleiro interior de anuncios do colexio a LISTA DEFINITIVA DA SOLICITUDE ED330B AXUDAS PARA MATERIAL ESCOLAR E LIBROS. De acordo coas Instrucións da Dirección Xeral de Centros e Recursos Humanos sobre o Proceso de Admisión do Alumnado, e coa Lei de Protección de Datos, non podemos publicar nin trasladar información desta lista a través doutro medio.

Non hai cambios a respecto da LISTA PROVISIONAL PUBLICADA O luns día 7 de xullo de 2020

 

LEMBRADE

  1. Esta axuda é só para o alumnado de Ed. Primaria, non para Ed. Infantil.
  2. O alumnado de 1º e 2º EP non forma parte do Fondo Libros, sí da convocatoria "Axudas Libros" (en caso de ser beneficiarios/as da axuda, recibirán un cheque nominativo para a compra de material e, de ser o caso, outro para libros de texto)
  3. O alumnado de 3º EP opta á convocatoria de Libros do Fondo do Colexio e ao cheque de material. Este ano os libros deste curso pódense cambiar (faise o cambio cada 6 anos) polo que compraremos ese material novo en setembro.
  4. O alumnado de 4º EP non usará libro de texto polo, optará á axuda de material escolar.
  5. O alumnado de 5º e 6º EP non terá libro de texto, formará parte do programa de Educación Dixital da Consellería "E-DIXGAL", e disporá en setembro dun ordenador persoal en réxime de cesión. Optarán ao cheque de axuda para o material escolar.
  6. O reparto de cheques para axuda a material escolar, así como o das Axudas Libros e as existencias novas do Fondo Libros, repartirase en setembro, unha vez feita a adscrición do profesorado (primeiro Claustro do ano académico no que se asigna cada mestra/e a unha titoría)

 

As persoas que presentastes a solicitude de maneira telemática, podedes consultar a resolución a través da aplicación.

 

Distribuir contido


by Dr. Radut