Administración de termos

Administración de termos

          Unha vez que o glosario foi creado é hora de engadir novas palabras e definicións ó mesmo. Sempre que se desexe que os alumnos constrúan un glosario é bo que o profesor engada un par de definicións para que partan cun modelo de traballo.

          A primeira vista dun glosario pode chegar a resultar confusa ó principio. Na barra de navegación de Moodle os usuarios poden atopar o nome do glosario e xusto debaixo a súa descripción, que foi definida na configuración no momento de crealo. Baixo a decripción do glosario, os usuarios dispoñen da barra de procura. O Profesor e os estudiantes poden usar esta barra para procurar no glosario termos e definicións.

Barra de procura e contorno dun glosario

          Baixo a barra de procura, tal e como se ve na imaxe anterior, Moodle amosa oito etiquetas detallando as funcións dispoñibles:

  • Engadir unha nova entrada. Esta ligazón da acceso á páxina de definición de entradas.
  • Importar entradas. Moodle permite a importación de glosarios, ben sexa do mesmo curso ou doutros.
  • Exportar entradas. Mediante esta opción pódese exportar o glosario a un arquivo almacenado no cartafol de arquivos do curso.
  • Esperando aprobación. Se o estado de aprobación está configurado a non, tódalas entradas que se engadan ó glosario teñen que contar coa aprobación do profesor, mentres esta aprobación non se produza, os termos localízanse eiquí.
  • Vista por alfabeto. Os estudiantes poden procurar entre as entradas do glosario facendo clic sobre a primeira letra da palabra que desexen atopar.
  • Vista por categoría. Mediante esta opción o profesor pode crear categorías de palabras e facer dispoñible para os alumnos unha procura a través de categorías.
  • Procurar por data. O profesor tamén pode procurar entradas basándose na data na que foron editadas.
  • Procurar por autor. Se se lles permitiu ós alumnos engadir entradas pode ser moi interesante facer unha procura por autor.
Última modificación: Xoves, 13 de Xullo do 2017, 09:16