Esta mañá desfrutamos dunha representación teatral organizada pola Área de Cultura, Patrimonio Histórico Artístico e Normalización Lingüística da Deputación de Lugo xestionada pola ANPA. Visitounos o grupo Alentía Teatro que nos contaron desde unha perspectiva dinámica, cómica e pedagóxica varias historias que nos invitaron a reflexionar sobre o ecoloxismo, a diversidade, a tolerancia...

Hoxe o alumnado de 6º EI, 1º,2º, 5º e 6º de E.P, recibiron cole unha charla afectivo-sexual impartida por dúas matronas do Colexio de Enfermería de Lugo. Trataron diversos aspectos relacionados coa reprodución, cos cambios corporais ligados á puberdade... entre outros. Esta actividade foi organizada pola FAPACEL e xestionada pola ANPA.

O CEIP Plurilingüe Antonio Fernández López é unha escola comprometida co coidado da terra e a construción dun mundo mellor. Mediante este proxecto os nenos e nenas aprenden a observar e comprender o ciclo da materia orgánica, así como a facerse cargo dos residuos da escola e crear o seu compost. Introducir o comedor escolar no proxecto é un punto clave para unha aprendizaxe significativa e unha coherencia global. Con este proxecto unímonos ao 1º reto de Voz Natura: #RetoResponsables

O alumnado de 6º participou hoxe en Sarria na gravación do programa "A Radio do Patrimonio". Aquí tedes o resultado! 

Sumámonos a conmemoración  do #DíaMundialContraoCancrodeMama para concienciar aos nenos da importancia  da investigación e diagnóstico precoz desta enfermidade. Colgamos das árbores corazóns con mensaxes de ánimo  para todas as mulleres loitadoras.

O pasado xoves, grazas a actividade ofertada pola Deputación de Lugo  "Da escola á granxa" e solicitada pola ANPA do cole, fomos de excursión a Mariña lucense. Visitamos Tropic Gaia onde coñecemos como cultivan as pitaias, recollemos fresas e fisalis!

Despois de comer achegámonos ao Museo Provincial do Mar e demos un paseo ata o Faro de Punta Atalaia.