Actividades da aula

O pasado venres, 1 de decembro, recibimos a visita de Rosa e Pablo para deleitarnos cun concerto didáctico inspirado nos instrumentos tradicionais e artesanais. 

Neste concerto mostraron 43 instrumentos musicais galegos diferentes, usando un fío condutor que consiste en explorar o paralelismo entre a evolución da nosa especie e o desenvolvemento físico e musical dun neno e unha nena galegos. É un concerto que corresponde a nova disciplina da biomusicoloxía.

Explicaron como se desenvolvían as vidas musicais de nenos e de nenas dentro da nosa cultura tradicional. Tamén explicaron os comportamentos musicais dos adultos e exploraron a súa importancia para o mantemento das nosas sociedades. Abordaron as últimas teorías sobre á aparición e importancia da música na especie humana, como a da musilingua ou a influenza do desenvolvemento fetal.

Expuxeron a súa teoría da orixe infantil dos instrumentos musicais a través da comparación dos instrumentos que fabricaban e tocaban os nosos nenos/as e os achados nas escavacións paleolíticas. Tamén afondaron e recalcaron a enorme importancia das mulleres na música humana, na organización das nosas sociedades antes do patriarcado e na xeración de cohesión social a través da música que elas facían.

Foi un pracer enorme, quedando con ganas de repetir unha actividade chea de lecer e aprendizaxe.

Podedes acceder aos arquivos multimedia clicando na seguinte imaxe:

Os pasados 4 de outubro e 10 de novembro celebramos os aniversarios de Pablo e Bera. Deleitámonos coas merendas que nos fixeron e recibiron unha agradable sorpresa de todos os seus compañeiros/as: un cadro selado polas súas mans.

No seguinte enlace podedes acceder ao arquivo coas imaxes dos diferentes aniversarios: https://drive.google.com/drive/folders/1wJNtUrVBl6vmwYqdfE5C7lDduq_bxzk6?usp=sharing

 Nesta semana recibimos a visita de Sara para continuar co programa de igualdade, organizado por COEDUCA.

Nestas sesións aprendimos e reflexionamos, a través do xogo, o debate e o baile.

Algúns dos temas tratados foron:

• O uso dos videoxogos e das redes sociais.
• Análise e crítica das letras das cancións.

Encantounos! Agardamos repetir o vindeiro ano.

Podedes ver o vídeo resumo clicando na imaxe:

Malia ser unha semana curtiña, marchamos coa mochila cargada de experiencias.

De antemán, agradecer á ANPA a oportunidade que deron ao noso alumnado de experimentar a gravación dun programa de radio.

Esta primeira formación veu da man de COEDUC@, e máis concretamente de Pilar. Os nenos e as nenas falaron da importancia da perspectiva de xénero, empregando a radio como mecanismo de difusión.

A vindeira semana recibiremos a segunda sesión, centrada no baile.

Que non deixen de chegar estas oportunidades únicas!

Podedes ver as imaxes desta xornada clicando na seguinte fotografía:

Comezamos a semana cunha visita do máis especial. Tivemos a sorte de ser un dos concellos visitados por "CIENCIA Á FEIRA" da man do grupo de innovación docente XuvenCiencia.

Tal e como se describe na páxina oficial da USC, ‘Ciencia á Feira’ é un proxecto interxeracional e comunitario de divulgación informal da ciencia que tira proveito de estruturas fortemente asentadas no medio rural: a escola, os concellos, as asociacións e os colectivos veciñais e, por suposto, as feiras.

Este programa presentaralle ao noso alumnado tres eixes temáticos considerados relevantes na provincia de Lugo no contexto actual:

• as enfermidades transmitidas por carrachas,
• a xestión sustentable da augua e as micorrizas,
• e microenxertos como ferramentas de produción vexetal.

Compartimos con vós a memoria do primeiro día de aprendizaxe. Podedes acceder clicando na seguinte imaxe.

A nosa primeira semana de cole.

Poñemos fin á semana que marca o comezo dunha aventura.

Nestes días coñecimos as particularidades de cada un/unha, aquelas que nos fan únicos e que nos unirán o resto do curso.
Ademais de repasar e recuperar os coñecementos do ano anterior, tamén puxemos en práctica novas rutinas. Entre elas "os apadriñamentos lectores", unha actividade que selará parte das nosas xornadas.
E por suposto, comezamos por todo o alto saíndo do noso pequeno mundo. Os/as nosos/as nenos/as disfrutaron da música, do encontro con outros coles e da maxia de coñecer novos lugares.

Podedes ver o vídeo resumo clicando na imaxe:

Ola bloguei@s:

    Xa estamos encamiñando a recta final deste curso e as vacacións de verán están casi ao alcance da man... así que so nos queda planificar o que nos apetece facer neste tempo de lecer tan merecido, despois do esforzo extra que supuxo este curioso curso escolar co que nos tocou lidiar este ano.

Boa noite familias!!

O prometido é deuda e velaquí vos presento a actividade que comezamos o pasado venres... o noso observatorio de constelacións!! Imos a comezar recordando o material que empregaremos.