Actividades da aula
O ANIVERSARIO DE XOEL
Enviado por gladys.enriquez o Sáb, 16/03/2024 - 20:15A nosa pequena familia celebrou o cumple de Xoel, dándolle a benvida aos seus 4 aniños.
Para ver as fotos deste día, clicade aquí.
VISITA DE HÉCTOR MÉNDEZ_PLAN DIRECTOR
Enviado por gladys.enriquez o Ven, 01/03/2024 - 20:40Este martes visitounos Héctor Méndez, psicólogo da Garda Civil, para impartir aos nenos de primaria unha charla de acoso escolar. Aproveitamos a súa visita para coñecer o seu traballo.
Un día xenial!
Clicade na imaxe para acceder ao arquivo multimedia.
CIENCIA Á FEIRA: A XESTIÓN SOSTIBLE DA AUGA
Enviado por gladys.enriquez o Sáb, 17/02/2024 - 19:00Despois de recibir o segundo obradoiro de Ciencia á Feira, chegou ao cole un período de reflexión sobre a xestión eficaz da auga. O noso alumnado recibiu unha charla formativa repleta de coñecementos útiles e prácticos!
Agardamos con ansia o derradeiro taller!
PROGRAMA DE RADIO COEDUCA
Enviado por gladys.enriquez o Xov, 25/01/2024 - 22:35Xa temos nas nosas mans o resultado do Obradoiro de Igualdade de COEDUCA, organizado pola nosa AMPA. O programa de radio veu cargado de aprendizaxe e de novas experiencias, desenvolvendo no alumnado habilidades e competencias comunicativas. Tamén se traballaron valores de igualdade e respecto polas oportunidades da muller na sociedade.
Sen dúbida, esta actividade deixa un recordo imborrable que esperamos repetir pronto!
Podedes escoitar o programa clicando na seguinte imaxe:
CHARLAS DE EDUCACIÓN NUTRICIONAL
Enviado por gladys.enriquez o Sáb, 20/01/2024 - 20:01Este venres visitounos Javier para impartir unha actividade complementaria de educación nutricional. No marco do programa "Sana el hoy" recibimos unhas charlas formativas e gamificadas, co obxectivo de achegar boas prácticas nutricionais e adquirir hábitos que condicionarán a saúde alimentaria dos nosos escolares.
A nosa AMPA organizou esta xornada chea de aprendizaxe e novas curiosidades, que de seguro quedarán no recordo de todo o alumnado. Encantounos!
O ANIVERSARIO DE AITANA
Enviado por gladys.enriquez o Sáb, 20/01/2024 - 19:20O pasado mércores celebramos o aniversario da nosa compañeira Aitana. Desfrutamos dunha riquísima torta e das apertas que inmortalizaron a súa primeira década.
Parabéns!
INICIAMOS O 2º TRIMESTRE
Enviado por gladys.enriquez o Ven, 12/01/2024 - 20:20Seguimos coa nosa aventura, despois da maxia do nadal e dun descanso merecido, arrancamos de novo.
Nesta semana recuperamos costumes e rutinas, pero tamén descubrimos o paso dos reis polo colexio.
Repasamos as nosas vacacións e ao longo destes días montamos e colocamos os novos xoguetes, creando novos recantos.
Tamén recibimos a unha nova compañeira, uníndose á nosa pequena familia. Con ela continuamos o noso proxecto, viaxando á cultura peruana. Benvida Heidy!
Reiniciamos as gañas e a ilusión por seguir aprendendo e desfrutando!
Clicade na imaxe para ver o vídeo resumo da semana.
Unha semana navideña
Enviado por gladys.enriquez o Dom, 17/12/2023 - 11:24Conta atrás para as vacacións!
Que semana tan bonita vivimos no cole, veredes no resumo o momento de decorar a nosa árbore e os recantiños do centro.
Tamén foi moi especial por recibir a unha nova compañeira, Jhana, que inicia a súa etapa de primaria no primeiro curso.
Benvida ela e a súa familia!
Para ver os decorativos e o resumo da semana, clicade na seguinte imaxe:
CONCERTO DIDÁCTICO: MÚSICA E EVOLUCIÓN
Enviado por gladys.enriquez o Dom, 03/12/2023 - 15:32O pasado venres, 1 de decembro, recibimos a visita de Rosa e Pablo para deleitarnos cun concerto didáctico inspirado nos instrumentos tradicionais e artesanais.
Neste concerto mostraron 43 instrumentos musicais galegos diferentes, usando un fío condutor que consiste en explorar o paralelismo entre a evolución da nosa especie e o desenvolvemento físico e musical dun neno e unha nena galegos. É un concerto que corresponde a nova disciplina da biomusicoloxía.
Explicaron como se desenvolvían as vidas musicais de nenos e de nenas dentro da nosa cultura tradicional. Tamén explicaron os comportamentos musicais dos adultos e exploraron a súa importancia para o mantemento das nosas sociedades. Abordaron as últimas teorías sobre á aparición e importancia da música na especie humana, como a da musilingua ou a influenza do desenvolvemento fetal.
Expuxeron a súa teoría da orixe infantil dos instrumentos musicais a través da comparación dos instrumentos que fabricaban e tocaban os nosos nenos/as e os achados nas escavacións paleolíticas. Tamén afondaron e recalcaron a enorme importancia das mulleres na música humana, na organización das nosas sociedades antes do patriarcado e na xeración de cohesión social a través da música que elas facían.
Foi un pracer enorme, quedando con ganas de repetir unha actividade chea de lecer e aprendizaxe.
Podedes acceder aos arquivos multimedia clicando na seguinte imaxe: