Blogues
Premio no I Concurso de marcapáxinas "Día Internacional da Muller"
Enviado por A Maía o Xov, 10/03/2016 - 11:43pm
Iria Núñez Filgueira de 5ºB resultou gañadora no Iº Concurso de marcapáxinas "Día Internacional da Muller". Os marcapáxinas premiados serán editados e enviados aos centros e Bibliotecas do Concello. No auditorio da Casa da Cultura do Milladoiro celebrouse o acto de conmemoración do Día e entregáronse os premios do concurso posto en marcha polo Centro de Información á Muller.
Premer AQUÍ para ver máis información do acto na páxina do Concello. |
|
Este certame estivo dirixido aos nenos e nenas de Educación Infantil e Primaria dos colexios públicos de Ames. As bases do concurso estableceron tres categorías diferentes. A primeira estivo dirixida ao alumnado de Educación Infantil; a segunda ao de 1º, 2º e 3º de Educación Primaria e a terceira aos rapaces e rapazas de 4º, 5º e 6º de Educación Primaria.
|
|
educació |
Deste xeito os gañadores e gañadoras foron na 1ª categoría, Carolina Guerra García, alumna de infantil do CEIP Agro do Muíño; na 2ª categoría, Diego Cacheiro Blanco, alumno de 2º de primaria do CEIP Agro do Muíño; e na 3ª categoría, Iria Núñez Filgueira, alumna de 5º de primaria do CEIP A Maía. Parabéns Iria! |
2º B na Aula da Natureza
Enviado por A Maía o Mar, 08/03/2016 - 11:40pmAs alumnas e alumnos de 2º B visitaron hoxe a Aula da Natureza de Ames na antiga escola unitaria da Ameixenda. (As outras aulas terán a visita os días 14 e o 16). Entre outras actividades para favorecer a sensibilización cara o coidado e o respeto do medio, viron as partes das plantas e das flores e tamén as coleccións de insectos. Pasárono moi ben!
Iago: contacontos para 2º e 1º. "Feliz feroz"
Enviado por A Maía o Sáb, 05/03/2016 - 1:37pm Os alumnos e alumnas de 2º e 1º recibiron a visita de Iago, un contacontos que lles falou do libro "Feliz feroz, o lobiño riquiño" de "el hematocrítico" coas ilustracións de Alberto Vázquez. Reuníronse no escenario da Biblioteca e pasárono moi ben con Iago. Se aínda non o lestes... comezade AQUÍ |
Sinopse do libro: "A irmá de Lobo Feroz está moi preocupada porque o seu fillo non é feroz: é boísimo. Feroz dille que o mande uns días para a súa casa, que xa se encarga el de convertelo nun lobo de verdade. Lobiño visita o seu tío e tenta facer o que lle pide: cazar coellos, asustar a Carapuchiña, comer os tres porquiños… Pero nunca o fai ben: comparte unha ensalada cos coellos, faise amigo de Carapuchiña e ponse a xogar cos tres porquiños. Este lobiño é un desastre".
Concerto didáctico no Auditorio de Galicia
Enviado por A Maía o Xov, 03/03/2016 - 9:16pmEste venres os alumnos e alumnas de 6º asistirán no Auditorio de Galicia ao concerto de Jazz de XACOBE MARTÍNEZ ANTELO STANDARD QUARTET. Tratamos así que os nenos e nenas ao longo da educación primaria, e dentro das posibilidades culturais que se nos ofertan para esta idade dentro da programación de Compostela Cultural, asistan a concertos de diferentes estilos. Podedes ver máis información e consultar a guía didáctica do concerto na páxina do Auditorio premendo AQUÍ ou na imaxe.
Recitando a Rosalía
Enviado por A Maía o Sáb, 27/02/2016 - 9:06pmO alumnado de primaria homenaxea a Rosalía de Castro con este recitado dos seus poemas:
Estas son algunhas das fotos que se sacaron durante a preparación do video e imaxes da vida e obras da escritora:
Unha imaxe de parte do equipo técnico no "making of"
Os alumnos e alumnas de 5º tamén participaron nun programa de Radio Ames:
|
|
Video homenaxe a Rosalía . Alumnos de infantil recitan: "Vente rapasa"
Enviado por A Maía o Xov, 25/02/2016 - 8:32pm Alumnos de 5 e 4 anos do Ceip A Maía, interviñeron na homenaxe a Rosalía de Castro recitando a poesía "Vente rapasa" de Cantares galegos. O video participou na lembranza que se celebrou o mércores no Milladoiro. Ler + na páxina do Concello.
"O nome da rosa" e "Matar un ruiseñor". Umberto Eco e Harper Lee
Enviado por A Maía o Dom, 21/02/2016 - 10:23pmO venres faleceron dous escritores fundamentais no século XX:
Umberto Eco, profesor, escritor e humanista, que nunha ocasión dixo "O que non lee, aos 70 anos terá vivido unha sóa vida. Quen lee terá vivido 5.000 anos. É autor, entre outras moitas obras de todo tipo, de "O nome da rosa"
e Harper Lee, que nos deixou un personaxe, Atticus Finch, que representa a integridade moral, o valor e a loita ante a inxustiza. A súa case única obra, foi incluida nunha lista dos "libros que todos deberían ler polo menos unha vez na vida"
Ler máis no blog da Biblioteca +
Actividades de homenaxe do Ceip A Maía a Rosalía de Castro
Enviado por A Maía o Ven, 19/02/2016 - 1:05amDÍA DE ROSALÍA DE CASTRO
HOMENAXE DO CEIP A MAÍA
Mércores, 24 de febreiro de 2016
Educación Infantil:
Vídeo. Os nenos recitan: “Vente rapasa”
de Cantares Galegos
Educación Primaria:
Lectura continuada de poemas na Biblioteca “Agustín Fernández Paz”
Organizado polo EDLG, Equipo TICs e Equipo de Biblioteca.
==============================================
Os carteis coas actividades que organiza o Concello de Ames para o Día de Rosalía. Ver máis información premendo AQUÍ
Baile de disfraces no Antroido da Maía
Enviado por A Maía o Dom, 14/02/2016 - 9:51pmTanto os profes coma os alumnos o pasamos moi ben durante o baile do disfraces co que rematamos esta semana de Antroido no Ceip A Maía!
Baile de disfraces dos alumnos de infantil
Enviado por A Maía o Sáb, 13/02/2016 - 11:33pmOs 225 pequenos de infantil viñeron disfrazados de princesas, superherois, patrulla canina, monstros e todo canto se lles ocurreu nunha mañán moi divertida na que tamén degustaron as filloas, orellas e rosquillas propias do Antroido. Despois baixaron ao edificio de primaria e tras duns primeiros minutos de impresión dos máis pequeniños de 3 anos, case todos se foron soltando e bailaron cos seus compañeiros ao ritmo da música seleccionada polo equipo de extraescolares que lles puxo o profe Jorge.
Moitas grazas os papás e mamás por colaborar cos disfraces e coas larpeiradas das que os pequenos deron boa conta nas festas de antroido que celebraron nas aulas.
- « primeira
- ‹ anterior
- …
- 53
- 54
- 55
- 56
- 57
- 58
- 59
- 60
- 61
- …
- seguinte ›
- última »