Saídas

VISITA MARCELLE 2017

O pasado 30 de maio, os pequenos e pequenas de 4 e 5 anos realizaron unha visita ao PARQUE ZOOLÓXICO de MARCELLE NATUREZA que se atopa en OUTERIO DE REI (LUGO). Este parque márcase como obxectivo: "Educar para protexer a fauna silvestre e conservar a natureza. Protexer a biodiversidade é o único modo de asegurar o noso futuro, todos dependemos da natureza e formamos parte dela" (Sinopse extraída da páxina web do parque). 

Con este fin desenvolven programas educativos dirixidos a concienciar e sensibilizar aos nenos movitándoos para coidar e conservar a biodiversidade. 

Despois dunha divertida viaxe en autobús, alí os nenos disfrutaron en plena natureza dun día cheo de emocións: observaron os distintos animales que viven no parque e o seu contorno, coñeceron moitas características dos mesmos, visitaron a reserva, fixeron obradoiros e como non, tamén tiveron o seu merecido descanso e xantar. Na seguinte presentación podedes ver algúns dos momentos desta visita, que significou ademais para eles disfrutar da compañía mutua nun día especial fóra das aulas. 

 

GATUXO

O pasado martes, 23 de maio, todo o alumnado de Educación Infantil acudiu ao Auditorio Municipal de Ourense para presenciar o espectáculo músico-teatral titulado GATUXO, de MAGÍN BLANCO, músico ourensán, acompañado de Jorge Juncal, María Faltri e a actriz Raquel Queizás.

Gatuxo é un espectáculo, dirixido aos máis cativos, fusión de música, cantigas, teatro, contacontos, clown, manipulación de obxectos e claqué interpretado en directo por tres músicos a dúas voces e unha actriz, que mesmo farán de pallasos, cantarán cantigas ou bailarán claqué.   

"Un bebé sae dunha caixa e a través dela van xurdindo xogos con que se descobre a si mesmo: o seu primeiro sorriso, os seus sons, os pés, o arrincar a gatear... Diferentes espazos amosan a descuberta do mundo na vida cotiá". (Sinopse extraída da páxina web de Actividades Escolares AFUNDACIÓN). Gatuxo é unha metáfora do crecemento dos nenos e das nenas e do descubrimento do mundo dende unha perspectiva artística. 

(Premede nas imaxes para acceder á galería de fotos) 

CONCERTO DIDÁCTICO: ACÁBATE LA SOPA

Tamén o 4 de abril os alumnos e alumnas de 1º e 2º de primaria asistiron no Auditorio Municipal de Ourense á representación do conto musicado “Acábate la sopa”, que acerca aos nenos, dunha forma moi imaxinativa, á musica clásica e popular.

 

É a historia dunha nena, Muriel, que ten que acabar de comer un plato de sopa ao que non lle ten moitas ganas. A través da súa imaxinación, converte a cociña nun lugar máxico no que aparecen músicos, unha bailarina, e instrumentos coma o violín, un piano, un clarinete e un violonchelo..  "nun recital de temas musicais de estilos moi diferentes, que van desde unha melodía medieval de Guillaume de Machaut ata a música minimalista de Steve Reich e Philip Glass, pasando por compositores do século pasado como Shostakóvich e Eisler ou a música de The Beatles. Todos estes compositores parten dos mesmos ingredientes, as sete notas da escala musical, pero cada compositor elabora as melodías e os ritmos o seu xeito, creando a súa propia receita para cociñar as súas melodías". (Sinopse extraída da páxina web de Educación do Concello de Ourense)

En resumo, unha gran combinación de musica, teatro e danza que espertou o interese e a imaxinación dos nosos alumnos.

 

No xornal LA VOZ DE GALICIA fixéronse aco da nova:

 

 

CONCERTO DIDÁCTICO: A MARABILLOSA HISTORIA DO VIOLÍN TROMPETA

O luns, 20 de marzo, alumnos e alumnas de 5º e 6º de educación primaria acudiron ao Auditorio Municipal de Ourense para presenciar o concerto didáctico:  A MARABILLOSA HISTORIA DO VIOLÍN TROMPETA.

Neste concerto realizado polo grupo FETÉN FETÉN, singular grupo instrumental composto por Diego Galaz e Jorge Arribas, "os pequenos abrirán as ás para voaren ao mundo da música. Os dous extraordinarios músicos de Fetén Fetén ensinaranlles insólitos instrumentos que recrearán culturas, cidades ou mesmo animais. Con eles aprenderán ritmos, timbres e sonoridades diferentes, ao tempo que liberarán a creatividade para compor na súa testa a mellor das melodías!" (sinopse extraída da páxina oficial de actividades para escolares de  AFUNDACIÓN).

Premede nas seguintes imaxes para obter máis información sobre o concerto no blog das Aulas Abalar do centro:

 
  

SANDRA E MEIROL EN XISTRALIA

O día 13 de febreiro  os alumnos de 3º e 4º de primaria asistiron no Auditorio Municipal á representación da obra "Sandra e Meirol en Xistralia", unha mestura de música popular e teatro en galego dirixida polos Gaiteiros da Xistra.

A obra ten como protagonista a Sandra que comeza unha aventura polas terras de Xistralia (un país situado entre o sur de Galicia e o Alto Minho portugués). O caracol Meirol acompañaraá nunha viaxe chea de sorpresas. Os dous xogan con instrumentos musicais tradicionais e cos “Fastudos” e dannos a coñecer un mundo máxico no que incluso ten cabida Terco, o malvado dragón de dúas cabezas.Os nenos e nenas foron tamén protagonistas, cantando e bailando ao son das muiñeiras, xotas e pasacalles para liberar a Sandra que é raptada por Terco. Contemplaron tamén a danza das espadas guiados polo Centoulo e por unha Trebolada Galega.

A Asociación Folclórica Gaiteiros da Xistra é unha asociación sen ánimo de lucro,cuxo principal obxectivo resúmese no estudo e divulgación dos costumes, músicas e cantos e danzas do folclore tradicional e popular galego. (Se premedes na imaxe teredes máis información sobre este grupo na súa páxina web).

Os nosos alumnos divertíronse moito e entraron en contacto cos instrumentos que forman parte da musica tradicional galega e asi como cun amplio repertorio de cantigas populares tanto de Galicia como do Norte de Portugal.

 

Na cadea televisiva "Televisión de Galicia" fixéronse eco desta nova. Premede na imaxe e poderedes visualizala:

ENCONTRO CO AUTOR MANOLO RIVAS

O escritor galego Manuel Rivas e o seu libro Bala Perdida foron os protagonistas dunha xornada especial cos alumnos e alumnas de 5º de primaria do noso centro. 

Grazas ao Concello de Ourense, que promoveu a actividade, os rapaces tiveron a oportunidade de coñecer en persoa ao escritor, escoitar as súas palabras sobre o seu libro e sobre a importancia da lectura, facerlle preguntas nunha charla-coloquio e poder conversar con el mentres lles asinaba exemplares do seu libro. 

Se queredes ter máis información sobre esta actividade tan interesante e motivadora para o alumnado, premede nas seguintes imaxes para acceder ao blog da biblioteca escolar:

   

 

VISITA AO IES 12 DE OUTUBRO

Agora que xa estamos comezando o proceso de reserva e admisión para o vindeiro curso 2017-18, os alumnos e alumnas de 6º de primaria, que rematan xa a etapa de primaria e acceden á etapa de secundaria, acudiron, acompañados polos seus pais ou nais, o pasado 7 de febreiro, ao INSTITUTO DE EDUCACIÓN SECUNDARIA 12 de OUTUBRO (centro que nos corresponde por adscrición ao rematar a etapa de primaria), a unha xornada de portas abertas.

Uns días antes, membros do equipo directivo do instituto acudiron ao noso centro para manter unha reunión informativa cos pais/nais e os alumnos de 6º. Nela explicáronlles o paso á nova etapa educativa que van comezar, características, programa de estudos... e contestaron as preguntas que lles plantexaron. Para completar esta información, o seguinte paso foi visitar o instituto para coñecer in situ as instalacións. 

Ao chegar foron recibidos polos citados membros do equipo directivo que lles ensinaron as diversas dependencias do centro: as aulas de 1º de ESO, aula de música, aula de tecnoloxía, de química, de física, o laboratorio, aulas específicas das distintas ramas profesionales que se imparten no instituto: perruquería, estética, mecanizado, masaxes...

Tamén visitaron os patios cos que conta o centro e coñeceron o sistema de taquillas para gardar a súa roupa e materiais. Novamente lles foron despexadas, a eles e aos seus pais, todas as dúbidas ou aclaracións que precisaban. 

Finalmente, para rematar a xornada, que mellor que tomar un chocolate quentiño cun boliño!! que lles serviron na cafetería do centro. Unha xornada moi proveitosa que os nenos viviron con emoción ao pensar na nova etapa que comezaran o vindeiro curso. 

 

(Premede na imaxe para acceder á galería de fotos)

NA PROCURA DO PASADO

O 31 de xaneiro o alumnado de 5º e 6º de primaria, e o día 2 de febreiro o alumnado de 3º e 4º tamén de primaria, acudiron á sala de exposicións de   na Praza Maior de Ourense para participar na actividade:

«Na procura do pasado. Orixe e desenvolvemento da arqueoloxía en Ourense», a iniciativa do MUSEO ARQUEOLÓXICO PROVINCIAL DE OURENSE. 

A exposición, que permanecerá aberta ata o día 19 de febreiro, ofrece unha visión dos principais impulsores da arqueoloxía na provincia desde finais do S.XIX ata os anos 70 do S. XX.

A mostra consta de fotografías destes persoeiros e de pezas relacionadas co seu traballo.

"Na procura do pasado é un percorrido visual de décadas de traballo de investigación arqueolóxica en Ourense a través dunha selección de imaxes das persoas que a protagonizaron. Figuras insubstituíbles da nosa historia que se enfrontaron á pescuda e resolución dos interrogantes do noso pasado a través da terra, conforme ao método científico do seu tempo ou mesmo adiantándose á práctica común, nun camiño cheo de grandeza pero tamén de dificultades.

Froito do seu labor é a achega de valiosos vestixios da cultura material aos fondos do Museo Arqueolóxico Provincial de Ourense para a súa salvagarda e goce pola comunidade e xeracións futuras máis como elemento indispensable de reconstrución histórica".  (Sinopse extraída do cartel principal de entrada á exposición).

Marcelo Macías, Florentino López Cuevillas, Xesús Ferro Couselo, Xesús Taboada Chivite, Xaquín Lorenzo, Manuel Chamoso Lamas... son algúns dos nomes destes investigadores. Tríscele, a Cabeza de Verrón, o Guerreiro de Armeá, a Ara de Calpurnia Abana, as Estatuas Sedentes de Xinzo... son algunhas das pezas mostradas na exposición.

                 TRÍSCELE  ARA DE CALPURNIA ABANA                 ESTATUAS SEDENTES 

actividade didáctica na que participou o alumnado consistiu en simular unha escavación arqueolóxica, recoller información sobre personaxes destacados da arqueoloxía ourensá e describir unha peza das expostas na sala relacionada co seu traballo.

Os alumnos, distribuídos en equipos, acharon no terreo dividido en cuadrículas restos arqueolóxicos que retiraron con coidado e logo cubriron a ficha correspondente cos datos necesarios para catalogalos.

Na seguinte actividade, tamén por equipos, responderon un cuestionario sobre un dos personaxes destacados da arqueoloxía ourensá e fixáronse nunha peza da exposición relacionada co seu traballo . Logo houbo posta en común e cada grupo falou do seu personaxe e da súa peza.

Unha maneira lúdica de acercar a infancia á arqueoloxía.

 

TEATRO EN INGLÉS: FREAKY

O pasado xoves, 12 de xaneiro, alumnos e alumnas de 5º A, 5º B e 6º de Educación Primaria acudiron ao Auditorio Municipal para presenciar a representación teatral titulada FREAKY, unha comedia musical en inglés, onde de forma lúdica se trata o tema do acoso e da amistade. A obra, inscrita dentro das actividades programadas por AFUNDACIÓN, resultou moi do agrado dos alumnos que ademais participaron activamente na mesma. 

Para saber algo máis, premede na seguinte imaxe para acceder ao blog do departamento de inglés:

MAMÁ CABRA: ESTACIÓN NADAL

O pasado 13 de decembro, os pequenos e pequenas de de Educación Infantil (5 anos), acudiron ao Auditorio Municipal para presenciar a actuación do grupo MAMÁ CABRA que poñía en escea o seu espectáculo "ESTACIÓN NADAL". Espectáculo promovido polo Concello de Ourense dentro do seu programa de actividades para escolares. 

"Contan que só hai 4 estacións: primavera, verán, outono e inverno. Pero é mentira. Hai una máis e chámase Estación Nadal. 
É a máis divertida do ano, porque é tempo de agasallos pero tamén de cancións e de vacacións e de galdrumadas e de... en fin, de todas as cousas boas que ten a vida.
 
Mamá Cabra quixo cantarlle á Estación Nadal. Escribíronlle unha carta aos Reis Magos e eles contestaron. Pediron unha morea de cousas, entre outras, que o recreo dure máis tempo. E todo iso, cantando. A que presta a Estación Nadal?" (Sinopse extraída da edicición impresa do libro-disco ESTACIÓN NADAL) 
 
¡Foi unha xornada moi emocionante para os cativos que cantaron e riron coas cancións de Mamá Cabra!. 
 
 
 
 (Premede nas imaxes para acceder á galería de fotos)

Powered by Drupal - Design by artinet