HORARIO DA SECRETARÍA DURANTE O MES DE XULLO

Resultado de imagen de secretaría

 

 A secretaría do centro permanecerá aberta:

 

XULLO: do 1 ao 14 de xullo

 

HORARIO: de 10:00 a 13:00 horas

 

 

Para calquer consulta ou aviso importante estará operativa ata finais do mes de xullo  a dirección de correo electrónico: ceip.acristina@edu.xunta.gal

 

Esperamos que desfrutedes do verán.

 Un saúdo.

 

 

*Durante o mes de agosto o centro permanecerá pechado.

 

RECOLLIDA DE CHEQUES DE MATERIAL E LIBROS

Las familias tendrán cheques públicos de hasta 50 euros para material  escolar

A partir de mañá, día 06 de xullo, en horario de 10,00 a 13,00 horas, e ata o 7 de xullo, poderán pasar a recoller os cheques de material escolar  e cheques libros  todos os solicitantes que tiveran entregado a documentación en prazo.

Os días e horarios da entrega serán os seguintes:

Martes 6 de Xullo:

  • de 10:00h a 11:00h 1ºde EP.
  • de 11:00h a 12:00h 2º de EP.
  • de 12:00h a 13:00 h 3º de EP.

Mércores 7 de Xullo:

 

  • de 10:00h a 11:00h 4ºde EP.
  • de 11:00h a 12:00h 5º de EP.
  • de 12:00h a 13:00 h 6º de EP.

   

Lembramos que debe vir a recollelo a persoa solicitante, identificándose co seu DNI, ou en caso de non poder acudir deberá asinar autorización con fotocopia do DNI do solicitante e da persoa autorizada para a recollida.

INFORMACIÓN FONDO LIBROS, AXUDA LIBROS E VALES MATERIAL

Informamos das datas de listaxes de fondo de libros e entrega de vales para libros de texto e vales de material

  • PUBLICACIÓN LISTAXES DEFINITIVAS FONDO DE LIBROS: Luns 5 de Xullo
  • ENTREGA DE VALES PARA LIBROS DE TEXTO E VALES PARA MATERIAL: Martes 6 de Xullo e Mércores 7 de Xullo.
  • ENTREGA DOS LIBROS DE TEXTO DO FONDO DE LIBROS: No mes de  Setembro.

Os vales non recollidos nas datas establecidas no mes de xullo, poderán recollerse  en setembro na secretaría do centro.

As datas poden verse modificadas por calquer imprevisto na xestión da aplicación fondolibros. Polo tanto, estade atentos ás informacións que podan xurdir que serán publicadas nesta páxina web.

LISTAXE PROVISIONAIS DE FONDO SOLIDARIO DE LIBROS DE TEXTO E AXUDAS PARA A ADQUISICIÓN DE LIBROS DE TEXTO E VALES PARA MATERIAL ESCOLAR.

Dende hoxe poderanse consultar no taboleiro de anuncios do centro (diante de conserxería) a relación de solicitudes admitidas e excluídas no fondo solidario de libros de texto, das axudas para a adquisición de libros de texto e dos vales de material escolar.

 

Para estas listas provisionais ábrese un prazo de reclamación de dous días seguintes á publicación das mesmas:mércores 30 e xoves 1 de xullo.

 

 

DESPEDIDA DAS ALUMNAS E ALUMNOS DE 6º DE EDUCACIÓN PRIMARIA

As nosas alumnas e os nosos alumnos de 6º de educación primaria finalizaron o seu paso polo noso centro e poden seguir a súa andaina camiño do instituto. Estamos tristes por non volver a estar con eles despois de tantos momentos e aventuras compartidas pero tamén estamos moi contentos e inmensamente orgullosos deles e delas!!!!!

ESTRAÑARÉMOSVOS MOITO e SEMPRE ESTAREDES NOS NOSOS CORAZÓNS!!!!

Deixámosvos con estas fotografías e a gravación que fixeron na radio da biblio para despedirse (pulsade na foto para escoitala).

RECOMENDACIÓNS LECTORAS PARA DO VERÁN

Bo día! Xa non queda nada para que remate o curso, e dende o Recuncho de Nuno desexámosvos un feliz verán no que non esquezades a lectura. Para axudarvos un pouquiño a elexir, deixámosvos esta presentación coas nosas recomendacións lectoras para todas as idades: 

 

FORMALIZACIÓN DA MATRÍCULA PARA O ALUMNADO QUE OBTIVO PRAZA NO CENTRO PARA O CURSO 2021-2022

Os/as alumnos/as admitidos no noso centro para o vindeiro curso 2021/2022 deberán formalizar a matrícula do 21 ao 30 de xuño. De non facelo implicará a perda da praza.

O horario de secretaría para realizar esta xestión será de 9:00h a 11:00h. da mañá os días  21, 22, 23, 28, 29 e 30 de xuño

Para ser recibido no horario de admisión, deberase solicitar cita previa para respectar as medidas establecidas no protocolo, debido á situación de risco sanitario provocada pola COVID-19

Para formalizar a matrícula deberase presentar a seguinte documentación:

- Impreso de matrícula debidamente cuberto e asinado (ANEXO III-1). Este impreso pódese descargar nos arquivos adxuntos ou recoller no centro.

- Enquisa sociolingüística cuberta. Este impreso pódese descargar nos arquivos adxuntos ou recoller no centro.

- Fotocopia da tarxeta sanitaria. (orixinal e copia)

- Fotocopia do calendario de vacinación. (orixinal e copia)

- Dúas fotografías tamaño carné.

- Informe médico no caso de enfermidades ou alerxias que se deban coñecer.

- O alumnado procedente doutro centro escolar deberá traer unha certiificación académica ou a copia do boletín da avaliación final deste curso (2020-2021).

-·No caso de separación ou divorcio, copia da sentenza xudicial. (orixinal e copia)

LIBROS DE TEXTO 2021-2022

Poden consultar nos arquivos adxuntos a relación de libros de texto de cada nivel para o próximo curso escolar 2021 - 2022.

Lembrámoslles que en 5º e 6º de E.P., o alumnado non empregará libros de texto impresos, xa que o centro forma parte da Rede de Centros  E-DIXGAL.

DÍA DO MEDIO AMBIENTE: 5 DE XUÑO

 

NA CRISTINA SALVAMOS O PLANETA, E TI…?

 

Hoxe día 5 de xuño, celébrase o día do medio ambiente e dende o colexio de A Cristina propuxémonos salvar o medio ambiente e o noso planeta Terra porque crecemos e vivimos nel. Non só basta con amala e respectala senón que temos que coidala e poñernos mans a obra pero....como podemos axudar ao noso planeta Terra e polo tanto ao medio ambiente?

Pinchade na imaxe e accederedes a uns sinxelos consellos que todos e todas podemos seguir. Ademais poderedes ver as actividades que realizamos participando nas actividades que se organizaron dentro do programa "Aprende a través do Surfing" para o alumnado de educación primaria e, para o alumnado de educación infantil  contamos coa colaboración das mariscadoras de Baldaio.

REMATOU O VI TORNEO DE BÁDMINTON DA CRISTINA

 
Mario, Sabela,Sofía e Mateo Figueiras proclamáronse campións das finais feminina e masculina do VI Torneo de Bádminton da Cristina de 5º e 6º de E.Primaria, que se celebrou durante os meses de Maio e Xuño.
 
Os catro finalistas recibiron sendos trofeos, e o  resto dos participantes unha medalla de recordo.

Noraboa a todos/as polo voso esforzo e comportamento.
 
Podes consultar os resultados do torneo e toda a información en: DESFRUTAMOS MOVÉNDONOS
 

A NOVA BIBLIOTECA E PROXECTO SOBRE PLUTÓN

Fai xa unhas semanas publicábamos a chegada de novos mobles, mobles cos que buscábamos unha biblioteca máis dinámica que permitise adaptar o espazo a diferentes actividades. Hoxe mostramos ese cambio.

A colocación das mesas permite a consulta de libros:

 

E outro día pudo transformarse no "escenario dun roubo" e ofrecer un gran espazo para realizar todo tipo de actividades: investigación, análise de pegadas, manchas de sangue, pegadas de zapatos, análise de fibras con microscopio,....

Esta actividade relizouse dentro da participación do alumnado de 1º e 2º de educación primaria en GALICIENCIA.

Por certo, nas primeiras imaxes vemos ao alumnado de 1º consultando libros sobre o espazo, xa que investigaron sobre Plutón para presentar un proxecto a Galiciencia. O noso proxecto foi un dos seleccionados entre todos os presentados. Agora está en marcha unha votación para que a xente vote o proxecto que máis lle.guste. Compartimos o enlace para que poidades ver o resultado deste proxecto e votar con 5 estreliñas quen queira!:

AXUDAS PARA A ADQUISICIÓN DE LIBROS DE TEXTO, DE MATERIAL ESCOLAR E FONDO SOLIDARIO DE LIBROS DE TEXTO PARA O CURSO 2021-2022

 A Consellería de Cultura, Educación e Universidade publicou o 20 de maio a Orde do 6 de maio de 2021 pola que se regula a participación no fondo de libros de texto e se convocan as axudas para adquirir libros de textos e material escolar destinadas ao alumnado matriculado en educación primaria, educación secundaria obrigatoria e educación especial en centro docentes sostidos con fondos públicos para o curso escolar 2021/22 (código do procedemento ED330B).


O PRAZO DE PRESENTACIÓN DE SOLICITUDES É DO 21 DE MAIO ATA O 22 DE XUÑO (incluídos)

A solicitude será única para todos os fillos e, de ser o caso, tutelados, que estean  admitidos no mesmo centro docente para o curso 2021/22, e nela especificarase o nivel  de estudos que espera realizar cada un deles no citado curso. Se estivesen admitidos en  centros docentes distintos, presentarase unha solicitude en cada un dos centros. No caso de que a solicitude se  tramite por vía electrónica empregando a aplicación fondolibros será necesaria a presentación dunha solicitude por cada alumno.

LUGAR DE PRESENTACIÓN :

Tal e como establece a orde no artigo 9.3 as solicitudes presentaranse preferiblemente accedendo á aplicación Fondolibros, a través da sede electrónica da Xunta de Galicia (para realizar dito trámite é obrigatorio dispoñer de chave 365, certificado electrónico ou DNI electrónico).

Opcionalmente poderanse presentar as solicitudes de xeito presencial no centro docente ou en calquera dos lugares e rexistros establecidos na normativa reguladora do procedemento administrativo común.

Os ANEXOS I e II poderán recollerse impresos no centro solicitándoos na conserxería.

Nos arquivos adxuntos poderedes acceder á información para os diferentes cursos, á ORDE do 6 de maio e aos ANEXOS I e II

Para ser recibido no horario de atención e evitar aglomeracións solicitarase cita previa para entregar as solicitudes. Moitas grazas de antemán.

Horario de secretaría:

LUNS: 12:30 - 13:15 horas

MARTES: 9:55 - 11:30 horas

MÉRCORES: 9:05- 9:55 horas

XOVES: 13:15- 14:05 horas

VENRES: 10:45 - 11:30 horas

DÍA DAS LETRAS GALEGAS: AS FAMILIAS TAMÉN CONTAN E A CARREIRA POLA LINGUA 2021

"AS FAMILIAS TAMÉN CONTAN": Ao longo desta semana as familias foron convidadas a compartir as súas lecturas de textos de autores galegos dende as súas casas ou dende a biblioteca do colexio. Coma sempre que facemos propostas a resposta pola vosa parte é marabillosa e agradecemos moitísimos poder contar con vós. Para ver eses fantásticos vídeos podedes pinchar no seguinte enlace que vos levará ao blog da biblioteca do colexio:O Recuncho de Nuno.

Este curso estamos moi contentos porque puidemos volver celebrar a nosa CARREIRA POLA LINGUA!!!! Nin o mal tempo nin a chuvia nos impediu conmemorar o DÍA DAS LETRAS GALEGAS por todo o alto!!!

Tivemos que facer todas as adaptacións necesarias para adaptarnos á situación climatolóxica e ao protocolo COVID pero conseguimos celebralo!!!!

Este ano os distintos cursos de educación primaria tiñan que conseguir todas as pezas dun poema de XELA ARIAS e despois organizalo correctamente para gañar a carreira. O alumnado de educación infantil fixo o mesmo pero co nome e unha fotografía/ilustración da autora homenaxeada.

Compartimos con vós o vídeo resumo deste día.

FELIZ DÍA DAS LETRAS GALEGAS!!!!!

PUBLICACIÓN DAS LISTAXES DEFINITIVAS DO ALUMNADO ADMITIDO PARA O CURSO 2021-2022

ANUNCIAMOS QUE XA ESTÁ DISPOÑIBLE PARA A SÚA CONSULTA A LISTAXE DEFINITIVA DO ALUMNADO ADMITIDO E  NON ADMITIDO  PARA O CURSO 2020-2021.

Poderedes consultala presencialmente no taboleiro de anuncios situado no interior do centro escolar ou  accedendo á aplicación admisionalumnado empregando a chave 365.

A formalización da matrícula levarase a cabo do 20 ao 30 de xuño de 2021. 

Informaremos (por este medio: páxina web) da documentación que se deberá achegar para facer efectiva a matrícula.

RECITANDO XELA ARIAS E ACTIVIDADES DA SEMANA DAS LETRAS GALEGAS

A continuación compartimos con vós un vídeo que recompila o recitado dos poemas de Xela Arias que traballaron o alumnado do centro e outro vídeo onde podedes ver as distintas actividades que se levaron a cabo estes días: elaboración dun mural conxunto, elaboración de trípticos, realización de actividades sobre a autora homenaxeada,...

Esperamos que desfrutedes tanto véndoos como nós o fixemos levándoas a cabo.

Distribuir contido