1. Características e compoñentes do modelo SB680V

Descrición: pantalla interactiva sensible ao tacto con proxección frontal. Resolución de contacto aproximadamente de 4000 x 4000. Tecnoloxía de Dixitalización DviT (Digital Vision Touch)

Superficie durable; Cuberta por unha capa dura de poliéster resistente e optimizada para a proxección (poliéster de baixa reflexión que reduce o reflexo), é compatible con rotuladores de borrado en seco (non permanentes) e límpase facilmente con limpador para encerados.

Conexión e cable USB

• O encerado conéctase co portátil mediante un cable USB 2.0 estándar incorporado de 5 metros.

• As pantallas interactivas SMART Board serie 600 teñen unha interface periférica USB 2.0 de alta potencia que alcanza unha velocidade de ata 12 Mbps.

• A unidade funciona con interfaces aptas para USB 2.0 e USB.

• A conexión USB principal da pantalla é un cable conector cautivo. O conector é un enchufe USB Tipo B.

• Lonxitude do cable: o cable USB de cinco metros que vén coa pantalla interactiva cumpre coa norma USB 2.0 en canto á lonxitude máxima. Se non fora suficiente, poden empregarse cables prolongadores activos USB de SMART (Número de peza USB-XT). Existe unha incidencia documentada en Linux no uso destes prolongadores, consultar: http://www.smarttech.com/gb/Support/Browse+Support/Support+Documents/KB1/131884.aspx . Poden empregarse como máximo ata catro cables para estender a lonxitude a uns 25 metros que é o límite da especificación USB. Teña en conta que non se admiten os cables prolongadores USB pasivos.

Fonte de alimentación; A enerxía obtense do ordenador directamente do cable USB. O consumo de enerxía é inferior a 1.5 watts (300mA a 5V)

Resposta táctil

O control da resposta táctil realízase a través da tarxeta controladora SC9 ou SC12 (varían segundo a data de distribución) que consta de:

• Entrada USB2 de velocidade total (12Mpps)

• Interruptor de restablecemento da tarxeta controladora (non debe empregarse indiscriminadamente xa que podería resultar danada a tarxeta)

• Conector para módulos de expansión : permite engadir accesorios opcionais como por exemplo, un panel de control SystemOn.

• LED indicador de estado de tres cores

Bandexa de rotulador; A diferencia dos outros modelos reduciuse a bandexa ou soporte para rotuladores tradicional por un porto pasivo cun solo punteiro.

Dimensións: 165,7 cm x 125,7 cm x 8,4 cm

Peso: 12,7 Kg.

Garantía; 2 anos de garantía estándar Smart ampliables ata 5 anos ao rexistrar o encerado (sempre que se realice dentro dos dous primeiros anos). O equipamento ABALAR xa está rexistrado pola propia Consellería; nos demais casos debe ser o centro quen realice o rexistro telemático a través da web do fabricante.