SHUTTER: Captura e edición de imaxes

Captura de imaxes

Cando o usuario pulsa sobre o menú "Ficheiro" despléganse as diferencias opcións de captura de pantalla.

• Selección
  Permite realizar unha selección rectangular, usando o rato, de toda ou parte da pantalla.
• Escritorio
  Realiza unha captura da totalidade do Escritorio.
• Xanela activa
  Captura a xanela que está activa nese momento.
• Seleccionar unha xanela
  Permite seleccionar cal será a xanela que se captura, facendo un clic sobre ela co rato.
• Sección
  Captura únicamente unha sección da xanela. Podes seleccionar os elementos da xanela movendo o rato sobre eles.
• Menú
  Seleccionar un menú ou unha cascada de menús de calquera aplicativo.
• Suxestión
  Capturar unha suxestión (menú emerxente, alerta) de calquera aplicativo.
• Web
  Esta función permite capturar unha web enteira, pero necesita a instalación previa de "gnome-web-photo".
• Importar desde o portapapeis
  Convirte en captura de pantalla, unha imaxe copiada ou almacenada na memoria (portapapeis).

De forma combinada coas opcións anteriores, o usuario pode teclear na opción "Retraso" (esquina inferior dereita de Shutter) o número de segundos que necesita para preparar os menús ou as xanelas das que quere realizar a captura. A captura de pantalla realizarase automáticamente ao finalizar a conta atrás do número de segundos introducido polo usuario.