Documentación para a formación avanzada EDIXGAL

Que son as listaxes de verificación

Listaxes de verificación

O módulo "Listaxe de verificación" permítelle ao profesorado crear unha listaxe de elementos ou items que se deben acadar ou realizar por parte dos alumnos. Este elemento pode configurarse e inserirse en calquera sección ou tema da materia por parte do profesor e será accesible polo alumnado como calquera outra actividade ou recurso.

O alumnado, pola súa parte, cando acceda á "Listaxe de verificación" deberá ir marcando cada elemento desta listaxe a medida que vaia completando ou realizando o que se indica en cada un dos items que a compoñen.

Esta funcionalidade tamén permite que o profesorado poida monitorizar o progreso dos seus alumnos en forma de barras de progreso e porcentaxes de completado.