O Portal Educativo vén de publicar hoxe a Resolución de 15 de novembro de 2021, da Dirección Xeral de Centros e Recursos Humanos, pola que se convoca o programa "Bibliotecas Escolares Solidarias" para o curso 2021/2022. Esta iniciativa lévase a cabo coa colaboración da Dirección Xeral de Xuevntude, Participación e Voluntariado, da Consellería de Política Social.

 

TEXTO DA CONVOCATORIA 

 

O seguinte cadro resume o contido do programa e as datas claves para cada unha das modalidades:

 

 

 

A Consellería de Cultura, Educación e Universidade publica o estudo sobre o programa de bibliotecas escolares que a Comunidade Autónoma puxo en marcha coa creación da Asesoría de bibliotecas escolares (2003) e, concretamente, a través das iniciativas a prol das bibliotecas escolares e o fomento da lectura nos centros educativos de niveis non universitarios, que se foron deseñando e desenvolvendo  a partir do 2005, coa publicación da primeira convocatoria do Plan de mellora de bibliotecas escolares. Transcorridos os primeiros quince anos de existencia do PLAMBE, a Dirección Xeral de Centros e Recursos Humanos encargou a elaboración dun estudo a un grupo de investigación externo, comandado por Inés Miret, especialista en materia de bibliotecas e de lectura, e que se completaba con outras tres investigadoras vinculadas ao mundo das bibliotecas e da pedagoxía como son Mónica Baró, Teresa Mañá e Inés Dussel. 

 

Pegadas dunha viaxe. Traxectorias e futuros das bibliotecas escolares en Galicia é un completo informe que serve para revisar o feito nestes anos, as políticas públicas postas en xogo para fortalecer e renovar as bibliotecas escolares galegas, pero tamén indaga nos imaxinarios construídos neste tempo arredor da biblioteca escolar por alumnado, docentes e familias e inclúe un estudo de casos no que, a través dun achegamento ás situacións cotiás, dáselles voz aos seus protagonistas para entender os procesos de transformación que se están levando a cabo nas bibliotecas escolares. Por primeira vez, e a través dunha importante mostra, é posible achegarse ás prácticas de lectura do alumnado na nosa Comunidade, e coñecer  o uso que fan das bibliotecas dos centros, entre outras moitas cuestións de gran interese. O informe remata cun apartado, Trazos de futuro, no que se analizan as claves do presente e se avanzan unhas propostas de futuro. 

 

As distintas metodoloxías empregadas na investigación e a fondura coa que foi formulado este estudo ofrécennos unha oportunidade única para entrar no mundo das bibliotecas escolares galegas, coñecer os camiños que seguiron no seu desenvolvemento e, tamén, para coñecer as vivencias que profesorado, alumnado e familias tiveron na biblioteca e que foron integrando na súa experiencia persoal e no seu imaxinario.  Este informe, en versión en galego e castelán, está dispoñible na Libraría Institucional da Xunta de Galicia.

 

• PEGADAS DUNHA VIAXE. TRAXECTORIAS E FUTUROS DAS BIBLIOTECAS ESCOLARES EN GALICIA (Versión en galego)
• HUELLAS DE UN VIAJE. TRAYECTORIAS Y FUTUROS DE LAS BIBLIOTECAS ESCOLARES EN GALICIA (Versión en castellano)

 

Chegado o tempo de outono, as bibliotecas escolares galegas acollen múltiples actividades  que facilitan e promoven o uso da palabra e a linguaxe para facer fronte aos medos. As seleccións e recomendacións lectoras,  os concursos de relatos, os obradoiros de ilustración, as propostas creativas, as receitas, as lendas da tradición oral, a mitoloxía na arte galega, as propostas audiovisuais, a radio, os proxectos de investigación... 

 

Imaxe do IES Espiñeira de Boiro

 

• CEE A Barcia (Santiago de Compostela-A Coruña): Celebración do Samaín
• CEIP P. A Cristina (Carballo-A coruña): As lendas galegas e Urbano Lugrís, Lecturas de terror, Curtas arrepiantes
• CEIP P. As Solanas (A Guarda-Pontevedra): Ditos e costumes en tempos de defuntos
• CEIP de Caión (A Laracha): Concurso de Meigas, CaiónTubeR´S 
• CEIP P. de Carballedo (Cerdedo/Cotobade-Pontevedra): Samagostín en Cast@radio, Actividades
• CEIP de Celeiro (Viveiro-Lugo): O Samain xa chega...
• CEIP de Coutada-Beade (Vigo-Pontevedra): Certames e exposicións
• CEIP Eduardo Pondal (Vigo-Pontevedra): Recomendacións lectoras, Vídeo
• CEIP Graxal (Cambre-A Coruña): Creacións terroríficas, Podcasts en tempos de Samaín, Obradoiro de ilustración
• CEIP do Hío (cangas-Pontevedra): Samaín de Cine
• CEIP Juan fernández Latorre (A Coruña): No Samaín, Aventuras sen Fin!
• CEIP P. de Louro (Muros-A Coruña): A estraña visita no Samaín de Louro
• CEIP P. Manuel Bermúdez Couso (Pobra de Trives-Ourense): Samaín na mesa de luz, Ruta de xogos
• CEIP Manuel Sueiro (Ourense): Samaín 2021
• CEIP Milladoiro (Malpica-A Coruña): XII Semana de Lecturas Terroríficas (Tradicións Orais-Malpica e a Costa da Morte)
• CEIP P. Monte Baliño (Pantón-Lugo): Biblio contos, Apócemas de bruxa, Monstros monstruosos, O Rap do Samaín
• CEIP P. Montemogos (Bueu-Pontevedra): Lecturas terroríficas
• CEIP P. Mosteiro de Caaveiro (A Capela-A Coruña): Recomendacións lectoras
• CEIP P. O Ruxidoiro (Barbadás-Ourense): Concurso de Contos de Medo
• CEIP Otero Pedrayo (Rábade-lugo): Semana de Samaín
• CEIP P. Pepe de xan baña (Santa Comba-A Coruña): Actividades Samagosto
• CEIP da Pobra do Brollón (A Pobra do Brollón-Lugo): Chega Samaín
• CEIP Ponte dos Brozos (Arteixo-A Coruña): Contacontos, Concurso de microrrelatos
• CEIP P. Ría do Burgo (Culleredo-A Coruña): Achégase o Samaín
• CEIP da Torre-Cela (Bueu-Pontevedra): Un Samaín de Aniversario
• CEIP Vistahermosa (Ourense): Samaín na biblioteca creativa
• CEIP Xesús San Luís Romero (Carballo-A Coruña): Samaín 2021
• CIFP Universidade Laboral (Culleredo-A Coruña): Chega o Samaín entre esqueletos e contos
• CPI P. Antonio Orza Couto (Boqueixón-A coruña): Historias de Medo no Samagosto
• CPI de Cervantes (Cervantes-Lugo): Este podcast do demo mete medo!
• CPI P. da Picota (Mazaricos-A Coruña): O Samaín
• CPI P. Virxe do Monte (Cospeito-Lugo): Contos, obradoiros, curtas, receitas...
• CRA Raíña Aragonta (Salceda de Caselas-Pontevedra): Viaxe a Transilvania, Recomendacións lectoras
• EEI Barrionovo (Arteixo-A coruña): Arte, Poesía, Curtas, Guía de Lectura e EncontXo
• EEI San roque (Viveiro-Lugo): Xogando co medo en poucas palabras
• IES Alfredo Brañas (Carballo-A coruña): Samaín na Biblioteca
• IES Espiñeira (Boiro-A Coruña): O Samaín invade a biblioteca, Concurso de figuras aterrecedoras, Samaín inclusivo, Chegan as meigas
• IES Marqués de Sargadelos (Cervo-Lugo): Libro secreto, Artistas terroríficos
• IES Maximino Romero de Lema (Zas-A coruña): Selección de lecturas, As Lendas do Samaín
• IES Monte das Moas (A Coruña): Samaín arrepiante nas Moas, Deseños de Terror
• IES Pazo da Mercé (As Neves-Pontevedra): Concurso: Que farías antes de morrer?, Vídeos das propostas gañadoras
• IES San Paio (Tui-Pontevedra): Tempo de medo e morte, Concurso de Contadas de Samaín

 

O Portal Educativo publica a Resolución de 26 de novembrode 2021, da Dirección Xeral de Centros e Recursos Humanos pola que se relacionan os 30 centros de nova incorporación ao programa RADIO NA BIBLIO para o curso 2021/2022, unha vez resolta a convocatoria publicada con data de 29 de setembro de 2021. Tamén se detallan os 108 centros integrados en convocatorias anteriores e que solicitaron continuidade. Desta forma, aparecen incluídas no programa un total de 138 bibliotecas escolares, distribuidas por todo o territorio galego, pertencentes a centros de infantil, primaria, ESO, Bacharelato ou Formación Profesional integradas no Plan de mellora de bibliotecas escolares.

 

• PUBLICACIÓN NO PORTAL EDUCATIVO
• TEXTO DA RESOLUCIÓN 

 

 

Transcorridos dez anos desde a primeira convocatoria de axudas para o funcionamento de Clubs de lectura destinadas a centros que matriculan alumnado de ensino secundario, bacharelato, formación profesional e outros de nivel post-obrigatorio, a Consellería de Cultura, Educación e Universidade  a través da Dirección Xeral de Centros e Recursos Humanos /Asesoría de bibliotecas escolares, abordou a realización dun estudo cualitativo sobre a lectura e os clubs de lectura, os impactos desta iniciativa na cualidade da lectura e nas competencias comunicativas (e outras) do alumnado participante, así como o seu impacto nas comunidades educativas dos centros que contan con club de lectura. José Antonio Millán dirixiu este estudo (Clubs y lectores en la enseñanza secundaria de Galicia), do que se realizou a fase de "grupos de discusión" durante a primavera de 2018 e do que se presentaron as primeiras conclusións nas IX Xornadas de bibliotecas escolares de Galicia, celebradas en novembro de 2018.

 

Publícase agora o estudo nas dúas versións: galego e castelán, que se pon a disposición do profesorado e de todas as persoas interesadas na Libraría Institucional da Xunta de Galicia.

 

 

•  CLUBS, LECTORAS E LECTORES NO ENSINO SECUNDARIO DE GALICIA (introdución, estudo de José A. Millán e informe dos clubs de lectura do curso 2017/2018). [Versión en galego]
•  CLUBS, LECTORAS Y LECTORES EN LA ENSEÑANZA SECUNDARIA DE GALICIA (introducción, estudio de José Antonio Millán e informe de los clubs de lectura en el cuso 2017/2018) [Versión en castellano)

 

A UNESCO propón a celebración da semana AMI baixo o lema: Alfabetización mediática e informacional polo ben público. Destácase que  no ecosistema actual de mensaxes e significados complexos, ás veces, contraditorios, é difícil concibir que se avance no benestar público, se o público está  desempoderado fronte ás oportunidades e ameazas. Cada individuo debe estar  provisto de competencias en alfabetización mediática e  informacional para comprender o que está en xogo, así como para contribuír e beneficiarse das oportunidades de información e comunicación.

 

A desinformación xa existía antes da COVID-19, mais esta pandemia incrementou a desinformación, a polarización política e a crecente influencia das plataformas dixitais.

 

As bibliotecas escolares deben , máis que nunca,  reforzar o traballo cos medios de comunicación e identificación das noticias falsas e as competencias ALFIN e AMI.

 

• UNESCO proponche 10 formas de celebrar a Semana Global AMI.
• RECURSOS AMI

 

 

Dende 1997 celébrase o Día das Bibliotecas o 24 de outubro, unha conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas. 

 

 

A Dirección Xeral do Libro e Fomento da Lectura, a través da Subdirección Xeral  de Coordinación Bibliotecaria, impulsa a celebración do Día das Bibliotecas, este 24 de outubro de 2021. "A edición deste ano, baixo o lema “Bibliotecas: ler, aprender, descubrir” céntrase en destacar o papel das bibliotecas de diferente tipoloxía como espazos libres, diversos e abertos para o acceso á cultura e o coñecemento, a partir da lectura e do conxunto de recursos que permiten a aprendizaxe e posibilitan o descubrimento doutras ideas, outras persoas, outras culturas e outros mundos."

 

As bibliotecas escolares galegas amosáronse, e continúan facéndoo, como unha ferramenta ao servizo da comunidade educativa ofrecendo recursos, información e apoio. Cómpre reivindicalo e celebrar que son xanelas para ler, espazos onde aprender e lugares para descubrir.

 

A biblioteca escolar, esa biblioteca pola que pasan todas as nenas e todos os nenos do país, a primeira biblioteca que lles aprende, tamén, a usar outras, que os pon en contacto con eses outros espazos do coñecemento e do lecer, eses lugares nos que pasan moitas cousas, que son as bibliotecas públicas, eses lugares que están sempre ao noso carón: as BIBLIOTECAS. 

 

Este curso, o lema das bibliotecas escolares de Galicia A BIBLIOTECA ESCOLAR TEN A PALABRA , quere poñer o foco na palabra e na oralidade. Este lema é aproveitado por algunhas das bibliotecas para esta celebración. 

 

• CARTEL EN GALEGO 

 

 

O Día das Escritoras é unha iniciativa promovida pola Biblioteca Nacional de España en colaboración coa  Federación Española de Mujeres Directivas, Ejecutivas, Profesionales y Empresarias (FEDEPE) e coa Asociación Clásicas y Modernas. Desde 2016 búscase reivindicar o labor e o legado das escritoras a través da historia.

 

Como en edicións anteriores, a data elexida é o luns máis cercano á festividade de Teresa de Jesús, o 15 de outubro. A VI Edición celébrase este ano 2021  o 18 de outubro baixo o lema "Ler as idades da vida". Marifé Santiago Bolaños, é a comisaria esta VI Edición do Día das Escritoras 2021. "Os libros escríbense só para unha lectora, a que os fai estar de novo cando os le. Por iso, a escritura vai dando conta das idades da vida e permítenos elixirnos, recuperarnos e soñarnos entre as páxinas dos libros. Dos libros que lemos, dos que leremos. Dos que se escribiron para nós, aínda que non os atoparamos aínda."

 

Desde as bibliotecas escolares propomos que se visibilice a obra das escritoras galegas, ben a través dunha exposición, ben lendo fragmentos nunha maratón literaria ou mesmo nos clubs de lectura ou a través de actividades de investigación, exploración ou creación...

 

Animamos a toda acomunidade educativa a participar nesta actividade que visbilizaremos a través desta páxina e nas redes sociais. #bescolaresgal #bescolaresgalabertas #DíaDasEscritoras 

 

"Vou ser vella. De nena quédame pouco. Oínllelo decir ás miñas tías: “¡Como pasa o tempo! Nunvisto e non visto, agora a nena logo se ha facer muller. ¿Que lle poden quedar? ¿Un ano, ou dous?E parece que foi onte cando naceu, coma se fose onte...”

Si. É terrible.

Converterse en muller é converterse en adulto. Certamente recoñezo que non teño présaningunha. Ademais, paréceme bastante perigoso ser adulto."

Xela Arias "Non te amola!" (Editorial Galaxia) 

 

•  TEXTOS SELECCIONADOS POR  MARIFÉ SANTIAGO
•  SELECCIÓN DE TEXTOS DE ESCRITORAS GALEGAS 

 

O Portal Educativo publica a convocatoria da Dirección Xeral de Centros e Recursos Humanos, de 8 de outubro de 2021, do proxecto BIBLIOTECA CREATIVA, para apoiar a cultura da experimentación, a creación e a investigación, en espazos creativos e cooperativos no seo das bibliotecas escolares dos centros que matriculan alumnado de educación infantil e primaria, integrados no Plan de mellora de bibliotecas escolares, para o curso 2021/2022.

 

Poderán participar os centros integrados en anteriores convocatorias do proxecto BIBLIOTECA CREATIVA e seleccionaranse 25 centros de nova incorporación.

 

Non poderán participar os centros que se incorporan ao PLAMBE no curso 2021/2022, curso no que cómpre centrar a súa actividade na consolidación do modelo de biblioteca escolar segundo os obxectivos presentados no seu proxecto.

 

O prazo de presentación de solicitudes remata o 29 de outubro de 2021.

 

• Publicación no Portal Educativo 
• Convocatoria proxecto Biblioteca creativa
• Anexo I. Solicitude

 

O Portal Educativo vén de publicar a Resolución da Dirección Xeral de Centros e Recursos Humanos, de 29 de setembro de 2021, pola que se convoca o programa RADIO NA BIBLIO para o curso 2021/2022. Esta acción, iniciada en 2017, pretende introducir a radio nas bibliotecas escolares e vai destinada aos centros públicos de titularidade da consellería que matriculen alumnado de educación infantil, primaria e secundaria, integrados no Plan de mellora de bibliotecas escolares (agás os incorporados no presente curso).

 

O prazo de presentación de solicitudes remata o 20 de outubro de 2021. 

 

 

• TEXTO DA CONVOCATORIA 
• ANEXO I. SOLICITUDE

Neste curso 2022-2023 retomamos o préstamo das maletas viaxeiras entre as cinco localizacións: Santiago, Zona Lugo, Zona Pontevedra, Zona A Coruña e Zona Ourense, para facilitar así o achegamento deste material aos centros educativos que o desexen empregar. 

Asesoría Zona Lugo

• Asesora:  Beatriz González Blanco
• Enderezo: CFR de Lugo
• Rúa Doutor Yañez Rebolo, 31
• 27004 Lugo (Lugo)
• Teléfono: 982 251 068
• E-mail: abe.lugo@edu.xunta.gal

Asesoría Zona Pontevedra

• Asesor: Francisco César Díaz Rey
• Enderezo: CFR de Pontevedra
• Rúa Celso Emilio Ferreiro, 4
• 36005 Pontevedra (Pontevedra)
• Teléfono: 986 872 888
• E-mail: abe.pontevedra@edu.xunta.es

Asesoría Zona A Coruña

• Asesora: María Pousa Rodríguez
• Enderezo: CFR de A Coruña
• Rúa da Educación, 3, 2º Planta (Edificio U.N.E.D.)
• 15003, 15011 A Coruña (A Coruña)
• Teléfono: 981 274 221
• E-mail: abe.coruna@edu.xunta.es

Asesoría Zona Ourense

• Asesora: Dolores Nieto Campos
• Enderezo: CFR de Ourense
• Avenida da Universidade, 18
• 32005 Ourense (Ourense)
• Teléfono: 988 241 533
• E-mail: abe.ourense@edu.xunta.es

Os centros interesados poden solicitar estas maletas na aplicación MALETAS VIAXEIRAS, desta mesma páxina.

 

 

 O Portal Educativo publica as Instrucións da Dirección Xeral de Centros e Recursos Humanos en relación coa organización e funcionamento da biblioteca escolar, destinadas aos centros públicos de niveis non universitarios, de titularidade da Consellería de Cultura, Educación e Universidade.

 

Estas instrucións inclúen unha cláusula específica relativa á situación xerada pola COVID-19, e actuacións que se consideran necesarias na biblioteca escolar, coordinadas e supeditadas ás instrucións xerais das autoridades sanitarias e educativas para os centros no seu conxunto.

 

• INSTRUCIÓNS PARA A ORGANIZACIÓN E O FUNCIONAMENTO DA BIBLIOTECA ESCOLAR. Curso 2021/22 

 

 A Consellería de Cultura, Educación e Universidade publica o lema e o cartel para as bibliotecas escolares de Galicia de cara a este curso 2021/2022. O lema elixido, A BIBLIOTECA ESCOLAR TEN A PALABRA, quere poñer o foco na palabra e a oralidade. 

 

A imaxe que interpreta este lema proposto para o curso 2021-2022 é obra do ilustrador, escritor, deseñador e artista visual Pablo Otero, que leva xa un tempo colaborando coas bibliotecas escolares en formacións e obradoiros.

 

Os textos escritos e as producións audiovisuais que ofrece a biblioteca en obras de ficción ou de información axudan o alumnado a medrar donos da linguaxe, a ferramenta que lles abre camiños de pensamento, imaxinación, beleza e coñecemento. Mais tamén, as  bibliotecas escolares son espazos sociais de encontro que promoven e facilitan o uso da palabra a través do diálogo, a reflexión, o debate, a exposición, os recitais, a lectura en voz alta, os clubs de lectura… Estas propostas son oportunidade para que o alumnado "tome a palabra" e avance no dominio da linguaxe e da lingua que lle é propia. 

 

Máis aínda, como instrumentos a favor da equidade, as bibliotecas dos centros educativos deben procurar o acceso igualitario ao coñecemento e uso do léxico que garante unha mellor comprensión lectora, toda vez que os expertos nos falan da diferencia abafante entre o número de palabras que contén o léxico do alumnado de infantil en función dos contextos familiares, diferencia que marca xa as posibilidades de éxito fronte á lectura. 

 

Na súa constante e natural evolución, as bibliotecas escolares acolleron a nova oralidade secundaria, que promove a comunicación a través dos medios. Programas como Radio na Biblio, Biblioteca Creativa e Biblioteca Inclusiva, abriron as portas a unha oralidade máis formal en forma de podcasts, audiolibros, espazos de coloquio e expresión, facilitando recursos e oportunidades para a adquisición de habilidades e competencias comunicativas de amplo espectro, pois en tempos de comunicación dixital fanse imprescindibles estas competencias básicas: unha expresión oral rica e coidada e unha interpretación o máis axustada posible dos textos orais dispoñibles. 

 

A Biblioteca Escolar ten a palabra é tamén unha proposta para a recuperación da tradición oral como unha forma de achegar o alumnado ás raíces da cultura na que medra, facilitándolle así as claves para acceder ao rico patrimonio inmaterial galego que ten dereito a coñecer, gozar e darlle continuidade. 

 

 

Vén de publicarse no Portal educativo a convocatoria de 12 de agosto de 2021, da Dirección Xeral de Centros e Recursos Humanos, no contexto das actuacións para o fomento da lectura no ámbito educativo, pola que se incentiva o funcionamento de CLUBS DE LECTURA en centros públicos de titularidade da Consellería de Cultura, Educación e Universidade que acollen ensinanzas de educación primaria, secundaria, bachalerato, formación profesional ou ensinanzas de réxime especial para o curso 2021-2022.

 

 

 

• TEXTO DA RESOLUCIÓN DEFINITIVA DO PLAMBE-públicos no DOG (31/08/2021) 

 

 

 

 

 

O pasado 4 de xuño de 2021 celebrouse, no Palacio de Congresos de Santiago de Compostela, a XIII Xornada dos Clubs de Lectura  que reuniu, presencialmente, a preto de 250 persoas, entre participantes, relatores e asesores e asesoras de formación do profesorado.

 

 

No enlace que adxuntamos a redeBE podedes acceder aos vídeos das presentacións e aos materiais aportados  polos poñentes.

 

• PROGRAMA
• redeBE 
• #13Clubslectura

 

 

Remata un curso que empezamos con moitos medos e incertezas, ao longo destes meses aprendimos a navegar por augas estrañas con afouteza.

 

As nosas bibliotecas, as nosas comunidades educativas, merecen, máis que nunca,  abrir as xanelas e respirar.

 

Como escribía Pedro Feijoo no fermoso texto que nos agasallou para o Día Mundial do Libro 2016 "Os libros son para valentes": Sempre pensei que falar da importancia da lectura era como ter que explicar a importancia de comer, de beber. De respirar.

 

As bibliotecas escolares galegas preparan as súas recomendacións de verán en busca de valentes:

 

• CEIP P. A Cristina (Carballo-A Coruña): Este verán, mergúllate na lectura
• CEIP A Paz (Vigo-Pontevedra): Guía verán 2021
• CEIP A Ponte (Lugo): Recomendacións lectoras 2021
• CEIP Alfonso D. R. Castelao (Rianxo-A Coruña): Recomendacións lectoras para o verán
• CEIP Alfonso D. R. Castelao (Vigo-Pontevedra): A maxia de ler
• CEIP P. Anxo da Garda (A Coruña): Na mochila, boas lecturas, vivirás mil aventuras!!
• CEIP Apóstolo Santiago (Santiago de Compostela-A Coruña): Nas ferias quer ler e viaxar sen me mover
• CEIP Baíñas (Vimianzo-A Coruña): Guía de lectura verán 2021
• CEIP Bormoio-Agualada (Coristanco-A Coruña): Este verán podemos ler...
• CEIP P. de Carballedo (Cerdedo-Cotobade/Pontevedra): Este verán mergúllate na lectura
• CEIP do Castrillón-Coiro (Cangas-Pontevedra): Recomendacións verán 2021
• CEIP Coirón-Dena (Meaño-Pontevedra): Tríptico fin de curso
• CEIP Couceiro Freijomil (Pontedeume-A Coruña): Para ler no verán!
• CEIP Eduardo Pondal (Vigo-Pontevedra): Viaxa lonxe a través dun libro
• CEIP de Esteiro (Ferrol-A Coruña): Recomendacións para o verán 2021
• CEIP de Foz Nº1 (Foz-Lugo): Guía de lectura verán 2021
• CEIP Igrexa-Candeán (Vigo-Pontevedra): Tríptico de verán 2021
• CEIP Illas Cíes (Vigo-Pontevedra): Atlas para espertar a imaxinación...
• CEIP Lamas de Abade (Santiago de Compostela-A Coruña): Boletín de recomendacións para o verán
• CEIP López Ferreiro (Santiago de Compostela-A Coruña): Lecturas baixo o sol
• CEIP P. Mestre Ramiro Sabell Mosquera (Ponteareas-Pontevedra): Lecturas para o verán
• CEIP Milladoiro (Malpica-A Coruña): Este verán... Pasa Páxina!
• CEIP P. Montemogos (Bueu-Pontevedra): Recomendacións de lectura verán 2021
• CEIP P. Mosteiro de Caaveiro (A Capela-A Coruña): No verán, pasade páxina!
• CEIP Nicolás del Río (Cedeira-A Coruña): Para viaxar lonxe, non hai mellor nave que un libro
• CEIP Nosa Sra. de Xuvencos (Boborás-Ourense): Recomendacións lectoras para o verán
• CEIP P. Nº1 de Tui (Tui-Pontevedra): Propostas para o verán
• CEIP O Coto (Negreira-A Coruña): Recomendacións lectura verán 2021
• CEIP P. O Mosteirón (Sada-A Coruña): Recomendacións verán 2021
• CEIP P. O Ruxidoiro (Barbadás-Ourense): Recomendacións lectoras
• CEIP Otero Pedrayo (Rábade-Lugo): Lecturas para o verán
• CEIP Pontesampaio (Pontevedra): Recomendacións lectoras para o verán
• CEIP P. Profesor Albino Núñez (Ourense): Recomendacións lectoras verán 2021
• CEIP P. da Rabadeira (Oleiros-A Coruña): Suxestións lectoras verán 2021
• CEIP P. Ría do Burgo (Culleredo-A Coruña): Este verán, pasa páxina!
• CEIP Rosalía de Castro (Padrón-A Coruña): Recomendacións lectoras
• CEIP Salgado Torres (A Coruña): Guía de lectura verán 2021
• CEIP San Miguel de Reinante (Barreiros- Lugo): Recomendacións lectoras - Verán 2021
• CEIP Santa María do Valadouro (O Valadouro-Lugo): Devorando libros no verán
• CEIP Santiago Apóstolo (Mugardos-A Coruña): Recomendacións de lecturas para este verán
• CEIP P. Sobreira-Valadares (Vigo-Pontevedra): Leo León Recomenda
• CEIP Sofía Casanova (Culleredo-A Coruña):  O Pregón de Xuño
• CEIP P. da Torre-Cela (Bueu-Pontevedra): Nun ano de SuperArte, a lectura que non falte!
• CEIP P. Víctor López Seoane (A Coruña): Recomendacións lectoras para o verán!
• CEIP P. Vista Alegre (Burela-Lugo): Voa coa imaxinación...
• CEIP Vistahermosa (Ourense): Guía de lecturas recomendadas para o verán
• CEP Lois Tobío (Viveiro-Lugo): Recomendacións lectoras verán 2021
• CEP Xosé Mª Brea Segade (Rianxo-A Coruña): Ler no verán 2021
• CPI P. Antonio Orza Couto (Boqueixón-A Coruña): Recomendacións para o verán 2021
• CPI P. Castroverde (Castroverde-Lugo): Recomendacións lectoras
• CPI Fonte-Díaz (Touro-A Coruña): Recomendacións lectoras 2021
• CPI Virxe da Saleta (Cea-Ourense): Recomendacións lectoras para o tempo de estío
• CRA de Culleredo (Culleredo-A Coruña): Ler ao sol, senta mellor
• CRA Raíña Aragonta (Salceda de Caselas-Pontevedra): Que fago este verán?
• EEI Fina Casalderrey (Pontevedra): Guía de lecturas para o verán
• EEI San Roque (Viveiro-Lugo): Xeografías lectoras para respirar
• EEI Vilarrodís (Arteixo-A Coruña): Libros para o verán!
• IES Agra do Orzán (A Coruña): Boletín verán 2021
• IES As Telleiras (Narón-A Coruña): Propostas lectoras ao abeiro dun parasol
• IES de Brión (Brión-A Coruña): Libros con orgullo
• IES Concepción Arenal (Ferrol-A Coruña): Este verán, lévame contigo
• IES David Buján (Cambre-A Coruña): Recomendacións de verán
• IES Fernando Esquío (Neda-A Coruña): Con restricións, pero tamén lemos no verán 
• IES de Foz (Foz-Lugo): Recomendacións lectoras para o verán
• IES Monte Neme (Carballo-A Coruña): Guía de lectura - Verán 2021
• IES Monte da Vila (O Grove-Pontevedra): Recomendacións de verán
• IES de Monterroso (Monterroso-Lugo): Praia, montaña, mar, sol... libros
• IES Pazo da Mercé (As Neves-Pontevedra): Recomendacións lectoras para o verán
• IES de Porto de Son (Porto do Son-A Coruña): Cómics para un verán @sen máscaras"!
• IES de Quiroga (Quiroga-Lugo): Recomendacións lectoras verán 2021
• IES de Viós (Abegondo-A Coruña): Lecturas para o verán
• IES Xograr Afonso Gómez (Sarria-Lugo): Por un verán lector
• Centros PLAMBE Primaria da Estrada (Pontevedra): Verán saudable, con lecturas divertidas!

 

 

A Consellería de Cultura, Educación e Universidade vén de facer público o novo número da Revista Galega do Ensino (EDUGA), que conta cunha sección fixa de Bibliotecas Escolares. Neste número 81 de xuño de 2021 pubícanse un total de cinco artigos, nas tres sub-seccións: Biblioteca escolar, Boas prácticas e Hora de ler. Nestes artigos, atopamos reflexións e actividades sobre os espazos e tempos que a lectura precisa e as viaxes coas que nos agasalla, a recuperación da memoria da comunidade a través do traballo por proxectos, o proceso de inclusión de alumnado con discapacidade auditiva na biblioteca e a igualdade de oportunidades que as bibliotecas escolares dos centros de ensino rural ofrecen as súas comunidades educativas.

 

O vindeiro 4 de xuño, celebrarase no Palcio de Congresos, en Santiago de Compostela, a reunión anual do profesorado que coordina os clubs de lectura dos centros que participan no programa de CLUBS DE LECTURA, da Consellería de cultura Educación e Universidade. Neste curso 2020/2021 recibiron asignación, a través da convocatoria do programa, un total de 213 centros que matriculan alumnado de ESO, BAC, FP, Ensinanzas de Persoas Adultas, e Ensinanzas de réxime especial (Conservatorios e Escolas de idiomas). Esta XIII Xornada dos Clubs de Lectura reunirá así a preto de 250 persoas, entre participantes, relatores e asesores e asesoras de formación do profesorado. 

 

Entregarase, así mesmo, o Premio dos Clubs de Lectura 2021, que desta vez recaeu na escritora Eva Mejuto, por ser a autora galega máis lida nos clubs de lectura no curso 2019/2020, tal e como se recolle na Resolución do 23 de abril de 2021, que explica as particularidades deste premio, que xa recibiron Agustín Fernández Paz, Ledicia Costas, Miguelanxo Prado e Carlos Negro, María Reimóndez e Andrea Maceiras.

 

O programa contempla así mesmo a participación da escritora Marta Sanz, celebrarase unha mesa temática sobre a historia de Galicia recuperada a través da literatura e outra con experiencias de centros; o escritor, periodista e investigador en comunicación José Miguel Tomasena falará da xente moza as prácticas de lectura nas redes . Pechará a xornada o autor e ilustrador Miguelanxo Prado, Premio dos Clubs de Lectura no ano 2017.

 

• PROGRAMA 
• #13XClubslectura

Estos son os dous podcasts premiados na Modalidade IV, alumnado de Bacharelato, Ensinanza de Persoas adultas ou Ciclos Formativos, pola orixinalidade do seu traballo e a calidade sonora e de contido.  Dúas producións que reivindican a voz feminina de Xela Arias.

 

 

Estos son os dous podcasts premiados na Modalidade III, alumnado de Educación Secundaria, pola orixinalidade do seu traballo e a calidade sonora e de contido.  Unha posta en valor da poesía e o pracer da lectura e un recoñecemento da aportación de Xela Arias á poesía e a divulgación da lingua galega.

 

O Portal Educativo vén de publicar a Resolución de 18 de maio de 2021, da Dirección Xeral de Centros e Recursos Humanos, pola que se resolven dúas das iniciativas integradas no programa "Bibliotecas Escolares Solidarias"do curso 2020/2021.

 

Concédense os Selos "Biblioteca Escolar Solidaria" aos 4 centros educativos que se detallan, unha vez valoradas as candidaturas presentadas.

 

Así mesmo, selecciónanse 10 experiencias de un total de 62 memorias presentadas polos centros adheridos á iniciativa "Voluntariado de lectura-A", destinada ao alumnado de  5º e 6º de primaria, no curso 2020/2021.

 

• PUBLICACIÓN NO PORTAL EDUCATIVO
• TEXTO DA RESOLUCIÓN

 

 

Estos son os dous podcasts premiados na Modalidade II, alumnado de  3º a 6º de Primaria, pola orixinalidade do seu traballo e a calidade sonora e de contido. Unah pequena peza de teatro radiofónica e unha entrevista á nena Xela.