Bibliotecas escolares

Resolución do Plan de mellora de bibliotecas escolares (Públicos) para o curso 2019/2020

 

O DOG do 24 de setembro publica a Orde de 10 de setembro de 2019 pola que se resolve a convocatoria do Plan de mellora de bibliotecas escolares en centros públicos non universitarios, de titularidade desta consellería, para o curso 2019/20.  

O documento conta de catro anexos, segundo os diversos apartados contemplados na convocatoria inicial:

  • Anexo I: Centros integrados no PLAMBE en convocatorias de 2005 a 2010, e de convocatorias de 2014 a 2017, que reciben asignacións para ampliar e renovar os fondos da colección.
  • Anexo II: Centros integrados no PLAMBE nas convocatorias de 2011 a 2013, que reciben, igualmente,  asignacións para renovar os fondos.  Neste caso tamén reciben asignación para renovar e ampliar mobiliario e equipamento imprescindible para o funcionamento da biblioteca como centro creativo de aprendizaxes.
  • Anexo III:Centros integrados no PLAMBE na convocatoria 2018, que reciben asignación para fondos, mobiliario/equipamento e gastos de funcionamento da biblioteca escolar.
  • Anexo IV: Centros públicos que se incorporan ao Plan de mellora de bibliotecas nesta última convocatoria de 2019 e que igualmente reciben asignación para fondos, mobiliario/equipamento e gastos de funcionamento da biblioteca escolar.

Convocatoria de Clubs de Lectura para o curso 2019/2020

 

Vén de publicarse no Portal educativo a convocatoria de 5 de setembro de 2019, da Dirección Xeral de Centros e Recursos Humanos, no contexto das actuacións para o fomento da lectura no ámbito educativo, pola que se incentiva o funcionamento de CLUBS DE LECTURA en centros públicos de titularidade da Consellería de Educación, Universidade e Formación Profesional, que acollan ensinanzas de educación secundaria, bacharelato, formación profesional (tanto en réxime ordinario como de persoas adultas) ou ensinanzas de réxime especial, para o curso 2019/2020.

O prazo de presentación de solicitudes remata o 15 de outubro de 2019.

TEXTO DA CONVOCATORIA

FORMULARIO DE SOLICITUDE 

Convocatoria do programa RADIO NA BIBLIO para o curso 2019/2020

Radio na Biblio

Portal Educativo vén de publicar a Convocatoria da Dirección Xeral de Centros e Recursos Humanos, de 3 de setembro, pola que se convoca o proxecto RADIO NA BIBLIO para o curso 2019/2020. Esta acción, iniciada en 2017, pretende introducir a radio nas bibliotecas escolares e vai destinada aos centros públicos integrados no PLAMBE no curso 2019/2020 que matriculan alumnado de educación infantil, primaria ou secundaria. Incorporaránse 30 novas bibliotecas escolares. Tamén poderán solicitar a súa continuidade no programa os 50 centros integrados en anteriores convocatorias. 
O prazo de presentación de solicitudes remata o 30 de setembro de 2019. 

Instrucións sobre organización e funcionamento da biblioteca escolar para o curso 2019/2020

Portal Educativo vén de publicar, con data de 2 de setembro de 2019, as Instrucións da Dirección Xeral de Centros e Recursos Humanos en relación coa organización e o funcionamento das bibliotecas escolares, durante o curso 2019/2020, nos centros de niveis non universitarios, de titularidade da Consellería de Educación, Universidade e Formación Profesional, coas adaptacións necesarias a cada tipoloxía de centro. Estas instrucións constan de tres documentos: as Instrucións propiamente ditas, e unhas Anotacións, incluídas como Anexo I , que aclaran e amplian cada unha das cláusulas. Engádese un Anexo II, ao que se fai referencia no texto do documento, unhas orientacións extraídas da orde de convocatoria do Plambe para o presente curso (Disposición adicional primeira, publicada no DOG de 16 de abril de 2019).

Plan de mellora de bibliotecas escolares (centros públicos) para o curso 2019/2020 - Resolución provisional

 

O Portal Educativo vén de publicar a Resolución provisional de Plan de mellora de bibliotecas escolares en centros públicos de niveis non universitarios e de titularidade da Consellería de Educación, Universidade e Formación Profesional, coa relación dos 25 centros que se integran, inicialmente, neste programa para o curso 2019/2020. Segundo as baixas ou renuncias ocasionadas entre os centros que xa forman parte do Plambe, este número poderá incrementarse na resolución definitiva da convocatoria, que se publicará no DOG, previsiblemente, en setembro de 2019. Así mesmo, nesa resolución definitiva recollerase a relación dos centros que continúan no programa, con detalle das asignacións para o curso 2019/2020. 

Novos artigos sobre bibliotecas escolares na Revista EDUGA de xuño de 2019

 
A Consellería de Educación, Universidade e Formación Profesional. vén de facer público o novo número da Revista Galega do Ensino (EDUGA), que conta cunha sección fixa de Bibliotecas Escolares  e Hora de ler. Neste número 77 de Xuño de 2019 publícanse un total de 5  artigos, nas dúas sub-seccións: Biblioteca escolar e Boas prácticas. Unha revisión destes artigos, e do resto de traballos publicados en números anteriores da revista, serve para achegarse á viva realidade das bibliotecas escolares galegas, auténticos motores de innovación pedagóxica na última década:

 

 Camiño dunha biblioteca inclusiva.

CEIP Emilia Pardo Bazán (A Coruña)

 

Coñecendo os noso concellos. Proxecto colaborativo en Radio na Biblio.

CEIP Da Pobra de Brollón e Ceip Virxe do Carme de Sober (Lugo)

 

Radio Maraña. A radio da escola de Vilar de Barrio.

CEIP P. de Vilar de Barrio (Ourense)

 

A Cast@radio, unha experiencia de Radio na Biblio.

CEIP P. de Carballedo, Cerdedo-Cotobade (Pontevedra)

 

Desde as bibliotecas escolares ata o infinito e máis alá!

IES Fernando Esquío de Neda (A Coruña)

Estudo: Clubs, lectoras e lectores no ensino secundario de Galicia.

Transcorridos dez anos desde a primeira convocatoria de axudas para o funcionamento de Clubs de lectura destinadas a centros que matriculan alumnado de ensino secundario, bacharelato, formación profesional e outros de nivel post-obrigatorio, a Consellería de Educación, Universidade e Formación Profesional, a través da Dirección Xeral de Centros e Recursos Humanos /Asesoría de bibliotecas escolares, abordou a realización dun estudo cualitativo sobre a lectura e os clubs de lectura, os impactos desta iniciativa na cualidade da lectura e nas competencias comunicativas (e outras) do alumnado participante, así como o seu impacto nas comunidades educativas dos centros que contan con club de lectura. José Antonio Millán dirixiu este estudo (Clubs y lectores en la enseñanza secundaria de Galicia), do que se realizou a fase de "grupos de discusión" durante a primavera de 2018 e do que se presentaron as primeiras conclusións nas IX Xornadas de bibliotecas escolares de Galicia, celebradas en novembro de 2018. Velaquí agora o borrador ou pre-publicación do estudo nas dúas versións: galego e castelán, que se pon a disposición do profesorado e de todas as persoas interesadas.

 

I Concurso de Podcasts - Radio na Biblio : Seleccionados na Modalidade II

Estos son os dous podcasts seleccionados na modalidade II, 3º a 6º de Educación Primaria, entre os sesenta e dous presentados, pola orixinalidade do traballo e a calidade sonora e de contido. Percorrido polo patrimonio de Galicia e a contorna e por un exemplo do noso Entroido tradicional:
 

 

CEIP DE VILAR DE BARRIO (Vilar de Barrio-Ourense)

- A biblioteca da araña Maraña

- Radio Maraña

- Memoria

- Podcast: "A Xanela Cultural"

     

CEIP RAMÓN DE VALENZUELA (Silleda-Pontevedra)

- Blog da biblioteca

- Radio Garabullo

- Memoria

- Podcast: "O Alto dos Xenerais de Bandeira"

   

I Concurso de Podcasts - Radio na Biblio : Seleccionados na Modalidade I

Estos son os dous podcasts seleccionados na Modalidade I, alumnado de Educación Infantil e 1º e 2º de Educación Primaria, entre os quince presentados, pola orixinalidade do traballo e a calidade sonora e de contido. Difusión de dous traballos de investigación arredor dun lenda local e da orixe do nome do concello:
 

   

CEIP DE CARBALLEDO (Cerdedo-Cotobade/Pontevedra)

 

- Biblio Carballedo 

- Cast@_Radio

- Memoria da actividade

- Podcast: "A lenda de Florentina, a rapaza que morreu de amor"

- Entrevista na Radio Galega

 

     

 

CEIP VÍCTOR SÁENZ  (Mazaricos-A Coruña)

 

- Biblioteca Escolar Víctor Sáenz

-  Radio Rosiña

Escaleta " O mazarico"

Podcast "O Mazarico"

-  Entrevista no Diario Cultural

   

 

I Concurso de Podcasts - Radio na Biblio : Seleccionados na Modalidade I

 Estos son os dous podcasts seleccionados na Modalidade I, alumnado de Educación Infantil e 1º e 2º de Educación Primaria, entre os quince presentados, pola súa orixinalidade e calidade sonnora e de contido. Traballos  de investigacón arredor dunha lenda local e da orixe do nome do concello:

 

 

 CEIP DE CARBALLEDO (Cerdedo-Cotobade/Pontevedra)

 

- Biblio Carballedo 

- Cast@_Radio

- Memoria da actividade

- Podcast: "A lenda de Florentina, a rapaza que morreu de amor"

 

 

 

 

 

 

 

                                                                                            

 

                                                                                                                       CEIP VÍCTOR SÁENZ  (Mazaricos-A Coruña)

 

                                                                                                                        - Biblioteca Escolar Víctor Sáenz

                                                                                                                        -  Radio Rosiña

                                                                                                                        Escaleta " O mazarico"

                                                                                                                        Podcast "O Mazarico"

                                                                                                                        -  Entrevista no Diario Cultural

 

Conmemoramos coa impresora 3D

Os centros incluídos no programa de Biblioteca Creativa amosan coas súas actividades o porque dunha Impresora 3d na biblioteca escolar.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Titoriais de montaxe do Escornabot

Os centros integrados no programa de Biblioteca Creativa elaboran os seus titoriais para montar os escornabots co alumnado:

Resolución da convocatoria do I Concurso de Podcasts - Radio na Biblio

 

O Portal Educativo publica a resolución do I Concurso de Podcasts - Radio na Biblio. Dos 107 podcasts presentados, de 64 centros públicos, prémianse 8 traballos pola súa boa práctica. Os podcasts galardoados serán difundidos pola Radio Galega a través das súas páxinas http://www.diariocultural.gal/ e http://www.crtvg.es/rg , incluíndo información sobre estes traballo na súa programación especial co gallo do Día das Letras Galegas.

 

 

 

4 Retos para a Biblioteca Escolar 2020

O sábado 23 de marzo celebrouse en  Santiago de Compostela  unha  xornada técnica organizada pola Consellería de Educación, Universidade e Formación Profesional (Dirección Xeral de Centros e Recursos Humanos), para pensar a biblioteca escolar do 2020. Esta xornada de traballo reuniu a persoas expertas no ámbito das bibliotecas en xeral, das bibliotecas escolares en particular xunto a representantes das CCAA presentes na Comisión Técnica de Bibliotecas Escolares e do Ministerio, un dos organismos integrantes do Consejo de Cooperación Bibliotecaria a nivel estatal.

Organizáronse grupos de traballo e análise entre profesionais e persoas expertas que debateron e profundizaron sobre diferentes aspectos da situación actual das bibliotecas escolares. Extraéronse 4 retos concretos para a biblioteca escolar 2020:

Reto 1: Dotar de estabilidade ás bibliotecas escolares.

Reto 2: Promover un modelo de biblioteca escolar como espazo educativo á medida do proxecto de centro.

Reto 3: Concebir a biblioteca escolar como mediadora das lecturas no centro e situala no centro neurálxico das políticas públicas centradas na lectura, en todos os formatos, para todas as finalidades.

Reto 4: Promover unha visión da biblioteca escolar como o contexto privilexiado para o desenvolvemento das competencias mediáticas e informacionais, a alfabetización mediática (AMI) e como requisito para a construción do pensamento crítico.

 

Como resultado de todo isto, elaborouse un documento de urxencia para seguir a traballar pola Biblioteca Escolar.

 

 

 

 

Actividades do Día do Libro 2019 nas Bibliotecas Escolares Galegas

O mes de abril ferve nas bibliotecas escolares cunha gran variedade de actividades arredor do libro e a lectura. Velaquí algúns exemplos:

VI Concurso de Traballos por Proxectos

 

O Portal Educativo publica  a Resolución da Dirección Xeral de Centros e Recursos Humanos, do 15 de abril de 2019, pola que se convoca o VI CONCURSO DE TRABALLO POR PROXECTOS, vinculados ou apoiados pola biblioteca escolar, para traballos realizados durante o curso 2018/2019.

As modalidades nas que se pode participar son as seguintes: 

1.    Proxectos de carácter interdisciplinario, ou Proxectos Documentais Integrados , coordinados desde a biblioteca escolar, e que conten coa participación dun mínimo do 40% dos grupos-aula existentes no centro (e un 40% dos departamentos, no caso dos centros de ensinanza secundaria).  
2.    Proxectos de investigación dirixidos por profesorado dun grupo, nivel, ciclo ou departamento, nas seguintes sub-modalidades:
a.    Traballos de grupo/nivel
b.    Traballos de ciclo/departamento
c.   Proxectos realizados na materia de libre configuración de 1º/2º de ESO “Investigación e Tratamento da Información”, ou noutras materias equivalentes en ESO ou primaria. 
Todos estes traballos teñen que realizarse co apoio e colaboración da biblioteca escolar e contando cos seus recursos e posibilidades.
A temática do proxecto escollida pode ser de calquera ámbito do coñecemento, pero se contemplará un apartado especial de traballos do ámbito científico.
3.    Proxectos de investigación intercentros, promovidos desde as bibliotecas de ata un máximo de tres centros de ensino co fin de desenvolver un proxecto común, de temática xeral ou científica.

O prazo de presentación das memorias correspondentes segundo o guión contemplado na convocatoria remata o 10 de xullo de 2019.

Na imaxe, alumnado do CPI Cruz do Sar (Bergondo-A Coruña)

Plan de mellora de bibliotecas escolares para o curso 2019/2020 - Centros públicos

O DOG publica hoxe a Orde de 2 de abril de 2019 pola que se convoca o Plan de mellora de bibliotecas escolares para centros de titularidade da Consellería de Educación, Universidade e Formación Profesional, para o curso 2019/2020.

Ao igual que en anos anteriores, seleccionaranse un mínimo de 25 centros novos para a súa incorporación ao PLAMBE, podendo ampliarse este número no caso de baixas ou renuncias de centros xa integrados neste programa en convocatorias anteriores. Os centros que se incorporaron nas convocatorias 2011, 2012 e 2013 poderán recibir, ademais da asignación para fondos, unha asignación complementaria para a renovación de mobiliario e outros equipamentos imprescindibles para o funcionamento da biblioteca escolar. A continuidade no PLAMBE esixe a solicitude correspondente a través desta convocatoria, coa entrega da documentación que se solicita en cada caso, así como acadar unha valoración positiva na memoria de actividades do presente curso 2018/2019.

O prazo de presentación de solicitudes remata o 16 de maio.

 

 

 

Materiais para o Espazo Creativo da Biblioteca

 

Dentro do contexto actual de alfabetizacións múltiples e de modelo evolucionado de biblioteca, no ano 2016 deséñase o proxecto piloto "Escornabots na biblioteca escolar". No ano 2018, o proxecto muda de nome para responder á nova realidade das bibliotecas implicadas, pasando a chamarse "Biblioteca Creativa". Falamos de espazos cooperativos que contemplan todo tipo de linguaxes e posibilitan ao alumnado múltiples oportunidades de aprendizaxe, de expresión e de creación.

Achégase un documento de apoio cunha selección de materiais e recursos para conformar este espazo. Cada biblioteca debe escoller os máis axeitados ao espazo dispoñible, á idade do alumnado e ás prácticas que interesa incentivar. Os materiais deben ir acompañados da bibliografía que apoie e optimice o seu uso.

O vídeo  presenta unha selección de imaxes de materias e espazos de bibliotecas escolares de Galicia.

 

I Concurso de Podcasts - Radio na Biblio

 

O Portal Educativo publica a convocatoria do I Concurso de Podcasts - Radio na Biblio. A Dirección Xeral de Centros e Recursos Humanos convoca con data 2 de abril de 2019, o I Concurso de Podcasts - Radio na Biblio, destinado a centros públicos non universitarios de titularidade da Consellería de Educación, Universidade e Formación Profesional, en colaboración coa Radio Galega (CRTVG), no contexto do Plan LIA de Bibliotecas Escolares (Lectura, Información e Aprendizaxe).

 

2 de abril, Día Internacional do Libro Infantil - 2019

 

 

Coma en anos anteriores, o Ibby (International board on books for young people) chama á conmemoración do Día Internacional do Libro Infantil o día 2 de abril,  data  de nacemento  de Hans Christian Andersen. A responsabilidade do cartel e o díptico deste ano 2019 correspondeulle a Lituania.A autoría do texto e a ilustración son de Kestius Kasparavicius, quen titula a súa mensaxe: Os libros fannos acougar.

Galix, Asociación do Libro Infantil e Xuvenil, facilítanos a mensaxe, con tradución ao galego.

Día das Artes Galegas: Luís Seoane

 

O día 1 de abril, celébrase o Día das Artes Galegas que, neste 2019, homenaxea a Luís Seoane. Queremos aproveitar a ocasión para difundir os libros  que a Asociación de Amigos do Museo de Belas Artes de A Coruña nos fixo chegar para agasallar ás bibliotecas escolares.

Todas aquelas bibliotecas que,  promovendo  actividades creativas e artísticas, celebren esta data e que teñan traballos sobre Seoane, poden envialos antes do 15 de abril ao correo da Asesoría e recibirán un lote destes libros.

Agradecemos á Asociación de Amigos e ao Museo de Belas Artes a súa achega para dotar de fondos de Arte en galego as bibliotecas escolares de Galicia.

A Escola Superior de Conservación e Restauración de Bens Culturais de Galicia celebra esta data cunha xornada de portas abertas á que nos convida.

A Rede do Patrimono Cultural achega dous documentos de traballo, para todas as idades, conscientes de que o mellor camiño para a conservación do Patrimonio é o coñecemento.

Actividades nas bibliotecas escolares:

21 de marzo: Poéticas Diversas na Biblioteca Escolar

Este ano celebramos o Día Mundial da Poesía nos Encontros PLAMBE con dúas intervencións poéticas. Ao mesmo tempo, as bibliotecas escolares de Galicia deixaban claro que a poesía é alimento para todos e todas:

 

 

Jornada técnica. BIBLIOTECA ESCOLAR: CUESTIÓN DE ENFOQUE. Compostela, 23 de marzo

O sábado 23 de marzo Santiago de Compostela será a sede da xornada técnica organizada pola Consellería de Educación, Universidade e Formación Profesional (Dirección Xeral de Centros e Recursos Humanos), para pensar a biblioteca escolar do 2020. Esta xornada de traballo reúne a persoas expertas no ámbito das bibliotecas en xeral, das bibliotecas escolares en particular xunto a representantes das CCAA presentes na Comisión Técnica de Bibliotecas Escolares e do Ministerio, un dos organismos integrantes do Consejo de Cooperación Bibliotecaria a nivel estatal.
Participarán representantes de Andalucia, Aragón, Asturias, Canarias, Castilla y León, Cataluña, Comunidad de Madrid, Comunidad Valenciana, Extremadura, Islas Baleares, Navarra, País Vasco e Región de Murcia. O Ministerio de Educación y Deporte estará representado por persoal adscrito ao CNIIE. Asistirán a esta xornada técnica, así mesmo, responsables da Subdirección de Bibliotecas, da Consellería de Cultura, así como asesores e asesoras da Rede de Formación do Profesorado e os integrantes da Asesoría de bibliotecas escolares da consellería. Previamente, todos os participantes están convidados a participar, en calidade de observadores, á segunda xornada dos Encontros PLAMBE, que se celebrarán os días 21 e 22 de marzo, no Palacio de Congresos, e onde poderán coñecer de preto un bo feixe de experiencias que se están a vivir nas bibliotecas escolares galegas.
A actualidade sobre a lectura, as competencias informacionais e mediáticas, a transformación dos espazos e a función das bibliotecas escolares nos centros centrarán os debates dunha xornada que se deseñou como espazo de encontro, reflexión, debate e xeración de coñecemento compartido, co fin de formular propostas de avances neste ámbito da educación. A biblioteca escolar é, en efecto, unha cuestión de enfoque; é o resultado de coñecer as prioridades das comunidades educativas e de poñer en xogo recursos materiais e humanos ao servizo dunha educación máis acorde coas necesidades do alumnado nunha sociedade complexa e cambiante. Unha sociedad que se move a un ritmo de vertixe, por veces, polo que cómpre crear foros como este para pensar e construír xuntos novas paisaxes de actuación e mellora. 

Encontros PLAMBE 2018/2019

 

 

Os vindeiros 21 e 22 de marzo celebraranse en Compostela os Encontros do Plan de mellora de bibliotecas escolares correspondente ao curso 2018/2019, con intevención de persoas expertas en diversos ámbitos relacionados coas biblioteca, a literatura, a comunicación, o patrimonio, a mediación lectora, as competencias informacionais e mediáticas, a tecnoloxía educativa e a produción audiovisual. Ademais, presentaranse un total de 26 experiencias de centro de moi diverso contido (funcionamento da biblioteca escolar, "hora de ler", voluntariado, biblioteca inclusiva, espazo creativo, proxecto lector, Radio na biblio, clubs de lectura, traballo por proxectos e outros). Neste ano de "poéticas diversas", a poesía estará presente da man de Mar Benegas, Montse Pena e Carlos Negro. 

PROGRAMA

 

 

 

 

 

#8M Todo o Ano

As bibliotecas escolares de Galicia traballan durante todo o curso en prol dunha igualdade efectiva na nosa  sociedade, formando cidadás e cidadáns criticos. Arredor  do Día Internacional da Muller tecen actividades coa lectura, o cine, a radio, a publicidade, a busca e tratamento da información ...