axudaplicacion

Non, pero se non se asina o permiso e a Consellería de Educación, Ciencia, Universidades e Formación Profesional non ten constancia fidedigna dos ingresos familiares, a persoa solicitante non obterá puntuación no proceso de baremación, quedando excluída da convocatoria. As persoas que non desexen asinar o permiso, deberán achegar a certificación dos seus ingresos correspondentes ao ano 2023.

Subir ao índice

Será necesario dispor de calquera dos certificados electrónicos recoñecidos pola sede electrónica da Xunta de Galicia ou Chave365

- Entrarase ao formulario normalizado da aplicación AXUDASLE www.edu.xunta.gal/axudasle, a través da opción do menú “2. Realizar solicitude”

- Cubra o formulario normalizado e, unha vez cuberto, seleccione o botón “Validar” e despois “Pechar e enviar a Sede”. Para acceder directamente á Sede, pode pinchar o botón “Ir a Sede Electrónica”.

- Deberase remitir como documento adxunto o Anexo II para o cal, tras imprimilo, cubrilo e asinalo, deberá converterse a formato pdf antes da súa remisión.

- A solicitude só se considerará presentada a través da súa sinatura na Sede Electrónica (htps://sede.xunta.gal/).

O resto da documentación remitirase en formato pdf como documentación adxunta.

Subir ao índice

O estado das solicitudes presentadas poderase comprobar a través do menú "3. Estado solicitude".

Subir ao índice

-"En trámite/ Sede Electrónica: asinada" quere dicir que a solicitude foi asinada e presentada na Sede pero que aínda non se comprobou.

-"En trámite/ Sede Electrónica: borrador" quere dicir que aínda non se asinou a solicitude na Sede e non figura como presentada.

-"En trámite/Sede Electrónica: EnEdición" quere dicir que a solicitude non se enviou á Sede dende o aplicativo. O seguinte paso é pinchar nos botóns "Validar" e "Pechar e enviar á Sede".

- "Solicitude descartada". Non cumpre algún dos requisitos para participar nesta convocatoria. Indícase o motivo.

- "Solicitude validada" quere dicir que xa se comprobou a solicitude e esta é correcta. Nalgúns casos, un texto sinalará as condicións de validación.

- "Solicitude incorrecta" quere dicir que deberá presentar a documentación que se require.

Subir ao índice

No caso de que, en estado de "solicitude incorrecta", se requira o Anexo II, este poderá imprimirse premendo o botón que figura no formulario da súa solicitude ao final da páxina "imprimir anexo II".

A presentación de documentación complementaria farase, a través da sede electrónica (A miña sede) Guía presentación en Sede Electrónica e corrección/emendas.

Subir ao índice

• Anexo II

Deberá estar asinado polos seguintes membros da unidade familiar: (O/A alumno/a solicitante NON ten que cubrir o ANEXO II)

- Os proxenitores non separados legalmente nin divorciados ou, no seu caso, a/as persoa/as titora/as do alumnado.

- Os/as fillos/as de entre 16 e 25 anos de idade coa excepción dos emancipados. Terán a mesma consideración que os/as fillos/as as persoas en situación de tutela ou acollemento familiar permanente ou preadoptivo legalmente constituído.

- Os/as fillos/as maiores de idade discapacitados ou incapacitados xudicialmente, sempre que estean suxeitos á patria potestade prorrogada ou rehabilitada.

- Os proxenitores separados legalmente ou divorciados con custodia compartida forman unha unidade familiar cos/as fillos/as que teñan en común.

- A persoa que, por novo matrimonio, en situación de unión de feito ou en situación análoga ás anteriores con convivencia, resida no domicilio familiar coa persoa proxenitora do/a alumno/a, excepto nos casos de custodia compartida.

- Cando non exista vínculo matrimonial, a unidade familiar entenderase constituída polo pai, a nai ou persoa de situación análoga e todos os descendentes que convivan con eles e que reúnan os requisitos anteriores.

- Non terá a consideración de membro computable a persoa proxenitora que non conviva co alumnado nos casos de separación ou divorcio, excepto no caso de custodia compartida.

¿ Nota Anexo II

- No caso de familias nas que conviva co alumnado un só proxenitor/titor, a solicitude acompañarase da xustificación documental das circunstancias alegadas no anexo I (alegacións circunstancias familiares).

- Na medida en que a través deste sistema a Consellería de Educación, Ciencia, Universidades e Formación Profesional poida dispoñer das informacións referidas neste anexo, non se lles esixirá aos interesados a achega individual de certificacións expedidas polas Administracións correspondentes.

- No caso de non asinarse algunha autorización, deberá presentarse a documentación correspondente (copia do documento de identidade, certificación de ingresos do ano 2023, certificación de estar ao día de pagamento coa Axencia Estatal de Administración Tributaria para subvencións e axudas, certificación de non ter débedas coa Seguridade Social, certificación de non ter débedas coa Comunidade Autónoma de Galicia, certificación de discapacidade ou certificación de pensionista de grande invalidez, segundo o caso).

- Fotocopia de todas as follas cubertas do libro de familia.

- Fotocopias dos documentos de identidade das persoas que non outorguen autorización para a verificación de identidade (no Anexo I e/ou no Anexo II).

Subir ao índice

• É necesario ter o pasaporte en vigor para viaxar a Reino Unido ou Canadá.

• Todo o alumnado que viaxe a Reino Unido ou Canadá deberá solicitar o documento ETA no momento que se lle adxudique a praza.

• O alumnado con nacionalidade non española que viaxe a Canadá tamén precisará solicitar un visado.

• Ao resto dos destinos (Alemaña, Francia e Portugal), ao pertenceren ao espazo Schengen, pódese viaxar simplemente con DNI en vigor.

Subir ao índice

Se a túa solicitude resulta seleccionada, dispós de 5 días naturais a partir da data de publicación, para presentar a seguinte documentación: 

• Anexo III (Aceptación ou renuncia á axuda)
• Xustificante bancario do pagamento
• Copia do pasaporte (necesario para viaxar a Reino Unido e Canadá)
• Visado en vigor (necesario para o alumnado con nacionalidade non española que viaxe a Canadá)

Esta documentación remitirase a través da Sede Electrónica e tamén  por correo electrónico  á empresa responsable das actividades. Para anexar a documentación siga os pasos indicados nesta guía: Guía presentación en Sede Electrónica e corrección/emendas. 

Subir ao índice

- Anexo I : Ten que estar asinado pola persoa representante (pai/nai ou titor/titora) ou polo/a alumno/a, no caso de ter a maioría de idade.

- Anexo II : Deberá estar asinado por todos os membros da unidade familiar.

- No caso de non autorizar algunha consulta de datos, deberá presentarse a documentación correspondente (copia do documento de identidade, certificación de ingresos do ano 2023, certificación de estar ao día de pagamento coa Axencia Estatal de Administración Tributaria para subvencións e axudas, certificación de non ter débedas coa Seguridade Social, certificación de non ter débedas coa Comunidade Autónoma de Galicia, certificación de discapacidade ou certificación de pensionista de grande invalidez, segundo o caso).

- Certificación académica do curso 2023-2024, con cualificacións, tal como indica o punto 1 do Artigo 6 da Orde de convocatoria.

- O alumnado que cursou o ano académico 2023/2024 fóra de Galicia deberá achegar a homologación da certificación orixinal onde conste a nota media do expediente do curso 2023/2024 e as cualificacións numéricas de todas as materias cursadas.

- Fotocopia de todas as follas cubertas do libro de familia ou documentación que acredite o número de membros da unidade familiar.

- Fotocopias dos documentos de identidade das persoas que non outorguen autorización para a verificación de identidade (no Anexo I e/ou no Anexo II).

Subir ao índice