OBXECTIVOS

1.Identificar os sinais que poden alertar dunha situación de violencia de xénero.

2.Coñecer estratexias que favorecen o bo trato nas relacións de xénero e a igualdade de oportunidades.

3.Coñecer boas prácticas, materiais e recursos que favorezan o bo trato nas relacións de xénero así como a igualdade de oportunidades.

CONTIDOS

1.Sinais de alerta referidas a situacións de violencia de xénero.

2.Accións para promover a igualdade de oportunidades e o bo trato nas relacións de xénero.

3.Recursos e boas prácticas.

4.Experimentando algunha práctica na aula/centro.

Enlace a FPROFE

Eres profesor de Bioloxía e Xeoloxía, Tecnoloxía ou Agraria? Queres pasar un sábado de marzo con nós? Pois, temos a actividade perfecta para ti. L2302014 - Obradoiro kit Aqualab. Iniciación contará con oito horas de docencias o próximo sábado 9 de marzo (10:00 horas a 14:00 horas e 16:30 horas a 20:30 horas) na Escola Politécnica Superior de Enxeñaría (Campus de Lugo. R/ Benigno Ledo, 27002, Lugo). 

Jorge Dafonte Dafonte e Miguel Ángel González García (profesores na Escola Politécnica Superior de Enxeñaría de Lugo) serán os encargados de ofrecer todos os contidos necesarios para manexar este Kit. Por certo, dotarase dun Kit Aqualab para o centro. A inscrición segue aberta en FProfe. Para calquera dúbida ou consulta, podes dirixirte á asesora Marta Arias López a través do seguinte correo electrónico: cfr.lugo.linguisticosocial@edu.xunta.gal

Obxectivos

1. Crear vínculos e sinerxías entre os distintos actores da educación preuniversitaria e universitaria implicados na divulgación de coñecementos científico-técnicos e científico-sociais.

2. Dar formación ao profesorado de ensino secundario na metodoloxía científica e investigadora.

3. Experimentar co Kit Aqualab para desenvolver experiencias e proxectos de ámbito científico na aula.

Contidos

1. Microcontroladores e sensores para a medida de contido de auga no solo: montaxe, programación e introdución á Arduino.

2. Calibración dun sensor de medición do contido de auga no solo: calibración, táboa de datos nunha folla de cálculo e representación gráfica.

3. Balance de auga no solo: balance hídrico con sensores de contidos de auga no solo, elementos e medición.

Queremos presentar unha nova actividade para este trimestre. L2301008 - Atención educativa do alumnado con TDAH pretende contribuír á formación continuada na abordaxe do Trastorno por Déficit de Atención e Hiperactividade (TDAH). En colaboración coa Fundación INGADA e Fundación María José Jove, estas 20 horas de formación axudarán aos nosos docentes no tratamento do alumnado con estas necesidades tan específicas. Cabe destacar que 5 destas horas serán non presenciais e xustificaranse coa entrega dun proxecto, co que ademais se poderá optar a beca en caso de desexalo.

A actividade terá lugar no Salón de actos do CFR Lugo os días 28 de febreiro (17:00 a 20:00 horas) e o 6,13 e 20 de marzo (17:00 a 21:00 horas). A data límite para a entrega do proxecto será o 22 de abril de 2024. A inscrición pode realizarse a través de FProfe. Tódalas dúbidas serán consultadas pola asesora Marta Arias López no seguinte enderezo electrónico: cfr.lugo.linguisticosocial@edu.xunta.gal

Relatores 

María Cristina Casal Pena

Octavio Augusto Susacasa Noval

Ana Fátima Gómez Suárez

Obxectivos

1. Coñecer as características do TDAH.

2. Adquirir estratexias metodolóxicas e de autorregulación da conduta así como das distintas técnicas, medidas e recursos que favorecen a atención educativa do alumnado con TDAH.

3. Experimentar na aula propostas metodolóxicas e recursos que melloren a resposta educativa e a inclusión do alumnado con TDAH.

Contidos

1. Características do TDAH. Estratexias metodolóxicas, de autorregulación emocional e manexo da conduta.

2. Medidas e recursos que favorecen a atención ao alumnado con TDAH. Organización de espazos e tempos. Adaptación de probas de avaliación.

3. Metodoloxías inclusivas. Experiencias prácticas.

O Ministerio de Educación, Formación Profesional e Deportes, a través do INTEF, convoca 4.262 plazas, en dúas edicións, para a realización de catro novos cursos sobre o currículo LOMLOE (publicación en BOE).

Prazo de inscripción: do 10 ao 29 de xaneiro (ambos inclusive).

Data de inicio dos cursos da primeira edición: a partir do 5 de marzo de 2024.

Data de inicio dos cursos da segunda edición: a partir do 16 de abril de 2024.

Cursos convocados: 

• Diseño de situaciones de aprendizaje para la etapa de Educación Infantil
• Diseño de situaciones de aprendizaje para la etapa de Educación Primaria
• Diseño de situaciones de aprendizaje para la etapa de Educación Secundaria
• Funciones y atribuciones de la inspección de educación en el marco de la LOMLOE

Son cursos titorizados en liña que aportan orientacións sobre a concreción e aplicación das enisnanzas mínimas dos novos currículos derivados da LOMLOE. Cada curso certifica 35 horas de formación. Están orientados aos perfís docentes que imparten ou poden impartir estas ensinanzas ou que realizan nelas funcións de supervisión e apoio. Contan coa atención personalizada e o apoio experto dun equipo de titoría.  

A información necesaria para a inscrición pódese consultar na páxina da sede electrónica do Ministerio de Educación, Formación Profesional e Deportes.

Dentro da nosa ampla oferta para este segundo trimestre do curso escolar, hoxe queremos presentarvos a actividade L2302004 - Desenvolvemento de estratexias comunicativas e de coordinación para o centro. Estas xornadas contribúen ao coñecemento e manexo das ferramentas de comunicación e coordinación corporativas así como as normas básicas de etiqueta dixital, protección de datos e privacidade na comunicación dixital.

Serán un total de 12 horas presenciais no CFR Lugo, en datas aínda por fixar. As sesións correrán a cargo de Óscar Martínez Rama e Eva María Meijide Pedrosa (AMTEGA). A inscrición a esta actividade atópase aberta en FProfe.

Obxectivos

1. Coñecer as ferramentas de comunicación e coordinación para toda a comunidade educativa.

2. Utilizar as ferramentas dixitais corporativas de comunicación adaptándose ao contexto.

3. Coñecer as normas básicas de etiqueta dixital e protección de datos e privacidade na comunicación dixital.

Contidos

1. Uso de AbalarMóbil para familias e AbalarPro para o profesorado como ferramentas comunicativas.

2. Sistemas de videoconferencia para uso no proceso de ensinanza aprendizaxe e coordinación do centro educativo.

3. Servizo de comunicación do Espazo Abalar e correo corporativo.

Indicadores de competencias

Competencia dixital docente - 1. Compromiso profesional - B1 - 1.1.B.1.1. Comunícase de forma autónoma e convencional cos axentes da comunidade educativa empregando, en cada caso, a ferramenta dixital máis adecuada de entre as establecidas pola A. E. ou as persoas titulares do centro para ese fin.

Competencia dixital docente - 1. Compromiso profesional - B1 - 1.1.B.1.2. Aplica as políticas de uso aceptable das ferramentas de comunicación organizativa establecidas pola A. E. ou as persoas titulares do centro.

Competencia dixital docente - 1. Compromiso profesional - B1 - 1.2.B.1.1. Emprega, de forma autónoma, as tecnoloxías dixitais e aplica os protocolos establecidos pola A. E. ou polas persoas titulares do centro para levar a cabo as tarefas administrativas ligadas ás funcións docentes, para participar nos órganos colexiados de goberno e de coordinación docente e cos servizos institucionais externos.

Competencia dixital docente - 1. Compromiso profesional - B1 - 1.4.B.1.2. Participa en cursos dirixidos ao desenvolvemento da competencia dixital docente.

Competencia dixital docente - 1. Compromiso profesional - B1 - 1.5.B.1.1. Aplica, de maneira autónoma, as medidas propostas polas AA. EE. ou as persoas titulares do centro para protexer os datos persoais propios e alleos.

Competencia dixital docente - 6. Desenvolvemento da competencia dixital do alumnado - B1 - 6.2.B.1.2. Selecciona, de entre as tecnoloxías proporcionadas pola A. E. ou polas persoas titulares do centro, as máis adecuadas para que o alumnado desenvolva a súa competencia dixital para colaborar, comunicarse e participar.

OBXECTIVOS:

1.Profundizar nos principios e puntos de verificación do Deseño Universal para a Aprendizaxe (DUA) .

2.Coñecer estratexias e recursos para o asesoramento na implementación e seguimento do DUA na resposta educativa ao alumnado.

3.Coñecer boas prácticas educativas de asesoramento na implementación do DUA.

Que che parece se xuntamos os conceptos: novas tecnoloxías e linguas estranxeiras? A través da actividade L2302007 - Integración das novas tecnoloxías no ensino de linguas estranxeiras abordaremos o nexo de unión de ambas realidades. 15 horas de relatorios de nivel de todo un experto como é Marco Vélez.

Estas xornadas celebraranse no CFR Lugo entre o 16 e o 24 de febreiro e o 5 de febreiro (venres e sábados) en horario de 17:00 horas a 20:00 horas (venres) e de 09:30 horas a 14:00 horas (sábados). O prazo de inscrición atópase actualmente pechado. No caso de quedar algunha praza libre de última hora, podes escribir un correo a cfr.lugo.linguasestranxeiras1@edu.xunta.gal para que a túa solicitude se teña en conta.

Obxectivos

1. Seleccionar, crear, modificar, protexer e difundir recursos dixitais para a docencia de linguas estranxeiras.

2. Adquirir estratexias de avaliación, planificación e retroalimentación e familiarizarse cos principios da aprendizaxe colaborativa e autorregulada de linguas estranxeiras.

3. Promover a accesibilidade e a inclusión na aula de lingua estranxeira a través da capacitación dixital e da personalización.

Contidos

1. Mellora (substitución e aumento) e transformación (modificación e redefinición) dos recursos dixitais.

2. Ferramentas para mellorar a habilidade comunicativa.

3. Ferramentas institucionais.

4. Dixitalización do deseño e avaliación de unidades didácticas.

Se eres un namorado das linguas e das novas tecnoloxías, este é a túa actividade. L2302006 - Integración das novas tecnoloxías no ensino das linguas cooficiais contará con 15 horas de relatorios de nivel da man dunha institución educativa como Carlos Parada.

Estas xornadas celebraranse no CFR Lugo entre o 22 de xaneiro e o 5 de febreiro (luns e xoves) en horario de 17:00 horas a 20:00 horas. O prazo de inscrición atópase actualmente pechado. No caso de quedar algunha praza libre de última hora, podes escribir un correo a cfr.lugo.linguasestranxeiras1@edu.xunta.gal para que a túa solicitude se teña en conta.

Obxectivos

1. Poñer en valor a utilización das linguas cooficiais na creación de contidos virtuais, dixitais e audiovisuais que promovan a comunicación verbal.

2. Planificar e crear recursos educativos de comunicación verbal en contornos virtuais, dixitais e audiovisuais.

3. Aplicar estratexias que promovan entre o alumnado a utilización da lingua propia nas diversas canles de difusión virtual, dixital e audiovisual existentes.

Contidos

1. Coñecemento de ferramentas e recursos para a mellora da competencia discursiva do alumnado.

2. Planificación e creación de recursos educativos de comunicación verbal nas linguas cooficiais en contornos virtuais, dixitais e audiovisuais.

3. Deseño de estratexias e ferramentas para a promoción da utilización da lingua propia nas diversas canles de difusión dixital e audiovisual.

4. A utilización das plataformas dixitais e virtuais como recurso metodolóxico que favorece o tratamento integrado das linguas a partir da creación de secuencias discursivas.

OBXECTIVOS

• Favorecer a xestión das finanzas persoais do alumnado e potenciar así o seu desenvolvemento na nosa sociedade.
• Analizar o Marco Europeo de Competencias Financeiras para a Mocidade afondando en temas como: o consumo e o endebedamento responsable, o diñeiro, a planificación financeira, os produtos financeiros e a prevención contra a fraude.
• Estudar o impacto que o sistema fiscal ten na vida cotiá do alumnado: ingresos e gastos públicos.

CONTIDOS

• Enfoques docentes sobre Cultura Financeira I: O Marco Europeo de Competencias Financeiras para a Mocidade e o papel das institucións financeiras en España e a Unión Europea.
• Enfoques docentes sobre Cultura Financeira II: o diñeiro e as súas transaccións, o aforro, a planificación financeira e o orzamento.
• Enfoques docentes sobre Cultura Financeira III: o consumo e o endebedamento responsable, os principais produtos financeiros e a prevención contra a fraude.
• Enfoques docentes sobre educación cívico- tributaria: O impacto do sistema fiscal na vida cotiá; o protagonismo deste sistema no sostemento dos gastos públicos fundamentais a través do orzamento.

FORMATO E DATAS

A actividade desenvolverase en catro sesións presencias (Cisco Webex) de 3 horas cada unha.

• Sesión 1: 22 de febreiro
• Sesión 2: 29 de febreiro
• Sesión 3: 7 de marzo
• Sesión 4: 14  de marzo

INSCRICIÓNS

• En FPROFE: código G2302042.

Seguimos mostrándovos as primeiras actividades que desenvolveremos no 2024. Hoxe é o turno de L2301003 - A creación de situacións de aprendizaxe en educación secundaria. Un curso que ofrece un novo prisma de oportunidades ao noso profesorado e que contará cos seguintes relatores: Lara Crespo (formadora e consultora educativa), Pablo J. Díaz Tenza (mestre e escritor, autor do libro: “Situaciones del aprendizaje”), Laura Calaza (IES Moncho Valcarce), Iván Gómez (CFR Ourense), Sonia González (IES Muralla Romana) e Miguel Martínez (CEIP Albeiros). A actividade, que aínda mantén o prazo de inscrición aberto, desenvolverase no CFR Lugo entre os meses de febreiro e marzo. Terá unha duración dun total de 20 horas.

Datas

7 e 20 de febreiro de 17:00 horas a 19.30 horas; 22 e 29 de febreiro de 16:00 horas a 20:00 horas; 7 de marzo de 16:00 horas a 20:00 horas e 14 de marzo de 17:00 horas a 20:00 horas.

Obxectivos

1. Identificar as fases de implementación da Aprendizaxe Baseada en Proxectos (ABP) para elaborar situacións de aprendizaxe.

2. Adquirir técnicas, dinámicas e estruturas para levar a cabo as situacións de aprendizaxe.

3. Formular propostas de avaliación na implementación da metodoloxía activa de aprendizaxe.

Contidos

1. Elementos que compoñen a situación de aprendizaxe.

2. Deseño da situación de aprendizaxe e como se implementa na metodoloxía escollida (ex. ABP).

3. Relación da estratexia metodolóxica seleccionada e das situacións de aprendizaxe creadas cos elementos curriculares.