Ábrese o prazo para participar no concurso de banda deseñada Historias de Milú
Mér, 05/12/2012 - 14:27
Concurso Historias de Milú

Ábrese a convocatoria do concurso de banda deseñada “Historias de Milú”, organizado pola Secretaría Xeral de Política Social en colaboración coa Fundación Meniños.

Este concurso ten por obxecto enriquecer a cultura dos dereitos dos nenos e nenas a través do personaxe de Milú, que podemos coñecer a través da web educativa da Fundación Meniños, ou a través do conto “Milu” de Manuel Rivas, editado por Kalandraka.
Poderán participar o alumnado de ESO dos centros escolares públicos, privados ou concertados da Comunidade Autónoma de Galicia.
Categorías:

  • Individual: traballos presentados por unha soa persoa.
  • Colectiva: traballos presentados por un grupo de entre dúas e catro persoas.

O prazo para a recepción dos traballos comezou o 1 de decembro de 2012 e remata o 22 de marzo de 2013.
Os premios consistirán en:

  • 1º premio: unha tablet e un lote de libros para cada participante.
  • 2º premio: un mp5 e un lote de libros para cada participante.

Ademais, entre todo o alumnado premiado en calquera das categorías sortearase un curso gratuíto de Banda deseñada no Garaxe Hermético, Escola profesional de banda deseñada e ilustración dirixida por Kiko Da Silva na cidade de Pontevedra.

Nos arquivos anexos pódese descargar:

  • Bases do concurso "Historias de Milú".
  • Anexo I: ficha de inscrición.