Título node Learning object
O Encontro é promovido e organizado polo Nodo galego de ciberseguridade CIBER.gal, unha aposta da Xunta de Galicia, a través da Axencia para a Modernización Tecnolóxica de Galicia, pola seguridade dixital de toda a sociedade galega.
O II Encontro CIBER.gal celébrase os días 9 e 10 de novembro no Edificio Fontán da Cidade da Cultura de Galicia, mais as actividades adicadas á contorna educativa terán lugar o día 10 pola mañá. Poderá seguirse de xeito presencial (con prazas limitadas) e tamén mediante a retransmisión en liña.
Para o alumnado, persoas titoras e a comunidade educativa en xeral destacan as seguintes actividades:
- 10:00h: Final do II Concurso de Ciberseguridade no Cole!, na cal os equipos finalistas deste concurso, que este ano acadou a participación de mais de 4.000 estudantes, competirán para coñecer cal é o equipo mais ciberseguro.
- 11:00h: Obra de teatro “A un click de ser ti!”, onde a Escola Superior de Arte Dramático de Galicia fará unha representación dos riscos aos que se enfrontan menores e adolescentes cando empregan as redes sociais. Entre outros, o acoso.
- 11:30h: Relatorio experto e mostra de hacking en directo.
A asistencia é gratuíta, tanto presencial como en liña. Esta xuntanza é unha boa oportunidade para mostrar ao alumnado os riscos aos que se enfrontan cando empregan as tecnoloxías dixitais á vez que poden aprender sobre boas prácticas en ciberseguridade no seu día a día dun xeito ameno e divertido acorde á súa idade.
Para asistir, tanto de xeito presencial coma en liña, é preciso inscribirse previamente.
Á excepción daqueles centros educativos participantes no II Concurso de Ciberseguridade no cole!, os centros que desexen asistir deben seguir o procedemento recollido aquí.
Os grupos menores de 14 anos, deberán remitir a solicitude de prazas a inscricions-encontrocibergal@xunta.gal indicando a información solicitada no procedemento.
Os grupos maiores de 14 anos deberán inscribirse de xeito individual empregando a plataforma habilitada para tal efecto. Plataforma de inscrición.
O programa completo do II Encontro pode consultarse na súa web oficial e tamén nos seguintes arquivos:
