Educación concede o Selo Biblioteca Escolar Solidaria a 10 centros, un recoñecemento do seu traballo a prol da igualdade e a inclusión

Ademais, outros 10 centros foron seleccionados polas súas experiencias na iniciativa Voluntariado de Lectura-A, que ten como obxectivo estimular o voluntariado cultural en relación coa lectura
Ambas accións forman parte do Programa Bibliotecas Escolares Solidarias, que desenvolve a Consellería de Educación en colaboración coa Dirección Xeral de Xuventude, Participación e Voluntariado
Lun, 20/07/2020 - 11:55

A Consellería de Educación, Universidade e Formación Profesional vén de conceder a 10 centros educativos o Selo Biblioteca Escolar Solidaria, mentres que outros 10 foron seleccionados en relación coa iniciativa Voluntariado de Lectura-A, tal e como publica Portal Educativo.

Ambas accións -que a Consellería pon en marcha en colaboración coa Dirección Xeral de Xuventude, Participación e Voluntariado- están enmarcadas no programa Bibliotecas Escolares Solidarias, no que se inclúen diferentes iniciativas destinadas a promover o voluntariado cultural en relación coas bibliotecas e a lectura entre alumnado e familias, así como a recoñecer os esforzos das comunidades educativas por conformar bibliotecas inclusivas que axuden a paliar as desigualdades no acceso ao coñecemento.

Selo Biblioteca Escolar Solidaria

O Selo Biblioteca Escolar Solidaria é un recoñecemento ao traballo das comunidades educativas a prol dunha biblioteca escolar atenta ás necesidades de todos os seus integrantes en materia de lectura e de acceso ao coñecemento e que propician especificamente valores de xustiza e de solidariedade; que procuran a compensación de desigualdades con fórmulas de aproveitamento dos recursos a través de medidas específicas, de carácter estrutural e sistemático; e que contan con alumnado voluntario e, tamén, con familias colaboradoras da biblioteca, en labores de xestión e dinamización.

Cada centro recibirá un diploma acreditativo ademais dunha asignación de 1.500 euros que deberá ser destinada a actividades da biblioteca escolar relacionadas coa difusión dos Obxectivos da Axenda 2030 da ONU para o Desenvolvemento Sustentable.

Os 10 centros que acadan o selo son:

Centro

Concello

Provincia

CEIP Plurilingüe San Marcos

Abegondo

A Coruña

CEIP Plurilingüe Graxal

Cambre

A Coruña

IES Universidade Laboral

Culleredo

A Coruña

CEIP de San Ramón

Moeche

A Coruña

EEI San Roque

Viveiro

Lugo

CEIP Plurilingüe A Pedra

Bueu

Pontevedra

CEIP Plurilingüe Montemogos

Bueu

Pontevedra

CEIP Pedro Antonio Cerviño

Campo Lameiro

Pontevedra

CEIP Plurilingüe de Chancelas

Poio

Pontevedra

CEIP Seis do Nadal

Vigo

Pontevedra

 

Voluntariado de lectura-A

No caso da acción Voluntariado de lectura-A, dirixida a alumnado de 5º e 6º cursos de primaria, o obxectivo é estimular o voluntariado cultural en relación coa lectura, favorecendo a formación de actitudes de colaboración e de solidariedade entre o alumnado, especialmente no ámbito cultural. Isto poderá artellarse a través de actividades de colaboración na biblioteca escolar ou a través de actividades de lectura compartida organizadas pola biblioteca, dentro ou fóra do centro, e nas que poderán participar, así mesmo, outros sectores da comunidade educativa. No curso 2019/2020 participaron un total de 106 centros.

Cada centro recibirá unha asignación de 600 euros para o desenvolvemento dun obradoiro especializado que deberá versar sobre lectura expresiva, narración oral, escrita creativa, a radio como medio de comunicación, a elaboración de booktrailers, os xogos cooperativos e tradicionais ou a música e danza tradicionais.

Os 10 centros seleccionados polas súas experiencias en relación con este programa son:

Centro

Concello

Provincia

CEIP Salgado Torres

Coruña, A

A Coruña

CEIP de San Ramón

Moeche

A Coruña

CEIP dos Muíños

Muxía

A Coruña

CEIP de Foz nº 1

Foz

Lugo

CEIP Plurilingüe de Monforte de Lemos

Monforte de Lemos

Lugo

CEIP Plurilingüe Curros Enríquez

Celanova

Ourense

CPI Antonio Faílde

Coles

Ourense

CEIP do Foxo

Estrada, A

Pontevedra

CEP Altamira

Salceda de Caselas

Pontevedra

CEP Pedro Caselles Beltrán

Tomiño

Pontevedra