Carmen Pomar destaca a importancia do esforzo para traballar o talento das persoas

A conselleira de Educación presidiu a entrega dos premios do certame Superlíderes

O concurso busca fomentar o espírito emprendedor entre escolares de 3º e 4º de Primaria

Mar, 09/04/2019 - 13:34
Carmen Pomar destaca a importancia do esforzo para traballar o talento das persoas

A conselleira de Educación, Universidade e Formación Profesional, Carmen Pomar, presidiu hoxe a entrega dos premios do certame Superlíderes, co que o seu departamento fomenta, motiva e sensibiliza ao alumnado de 3º e 4º de Primaria no espírito emprendedor.

A titular do departamento de ensino da Xunta de Galicia explicou que para acadar as competencias que cada nena e neno participante neste concurso demostrou ter é necesario “esforzarse moito para converter o talento natural nun superpoder”. Neste sentido, comprometeuse a seguir afondando nesta iniciativa nos próximos cursos.

Carmen Pomar agradeceu tamén aos docentes dos centros educativos participantes o seu traballo. “O noso agradecemento por comprometerse con este programa piloto e poñer todo o seu esforzo para orientar as rapazas e rapaces no camiño de descubrimento e reforzo dos seus talentos”.

Os gañadores de 3º curso foron os seguintes:

Superpoder

Centro

Alumno/a

Dirección

CEIP Ponte Sampaio (Pontevedra)

Aroa García

Negociación

CEIP Flavia (Padrón)

Víctor Abascal

Persuasión

CEIP Flavia (Padrón)

Lois García

Comunicación

CEIP Flavia (Padrón)

Érika Červeňák

Enxeño

CPR Plurilingüe Padre Feijoo Zorelle (Ourense)

Maimouna Koulén

Motivación

CEIP Ponte Sampaio (Pontevedra)

Andrea Fraguas

No caso de 4º curso, os gañadores foron:

Superpoder

Centro

Alumno/a

Dirección

CEP Plurilingüe de Ventín (Ames)

Aroa Riveiro

Negociación

CEP Plurilingüe de Ventín (Ames)

Gabriela Leis

Persuasión

CPR Plurilingüe La Inmaculada (Santiago de Compostela)

Diego Martínez

Comunicación

CEP Plurilingüe de Ventín (Ames)

Celtia Lustres

Enxeño

CPR Plurilingüe La Inmaculada (Santiago de Compostela)

Diana García

Motivación

CEP Plurilingüe de Ventín (Ames)

Iria Riveiro

 

Pola súa banda, o premio Supercole, ao centro participante que acadou un maior número de gañadores ao longo das diferentes fases do concurso en cada unha das modalidades foi para o CEIP Flavia (Padrón)

Ademais dos diplomas acreditativos as gañadoras e gañadores recibiron, en función da categoría, kits de robótica e drons como agasallo.

Enmarcado no Plan Eduemprende, Superlíderes propuxo 6 competencias que os escolares tiveron que practicar e fortalecer na aula: a motivación, o enxeño, a comunicación, a persuasión, a negociación e a capacidade de traballar e dirixir equipos.