O 20º aniversario do pasamento de Antonio Fraguas Fraguas tamén se celebra no ensino

Lun, 14/05/2018 - 20:50

Os actos de celebración do 20º aniversario do pasamento de Antonio Fraguas Fraguas, promovidos polo Concello de Cerdedo-Cotobade coa colaboración da Secretaría Xeral de Política Lingüística e da Fundación que leva o nome do persoeiro galego, fanse extensivos ao ámbito educativo.

O concello natalicio do autor acolleu hoxe, no CEIP Plurilingüe de Carballedo, a presentación dunha unidade didáctica dedicada a Antonio Fraguas, nun acto que contou coa participación do secretario xeral de Política Lingüística, Valentín García.